پۊلیس هجوومش کەرد سەروو ئەڎایاو شەممەی.. بڕێوە فرێچشا گیریۍ
ئەڎایاو شەممەی، کە گەرەکشابۍ بەرەو مەیدانوو گالاتاسارای بلا، جارێوە تەر لاو پۊلیسیوە تەوقە دریۍ و بڕێوە فرێچشا گیریۍ.
ئەڎایاو شەممەی پەی دیاریكەرڎەی چاره‌نویسوو كه‌سوكاره‌كاشا، کە وەختوو گیریایشانە بێسه‌روشۊنۍ کریێبێنۍ، تا وەنەپەرسایۊ چا بارەوە کریۊ و بکەرەکێش دادگایی کریا، جە حەفتەو ٩٦٣ه‌مینینە، درێژه‌شا به چالاكییه‌كه‌یشا دا.
سه‌رباروو ئانەیە دادگای ده‌ستووری هه‌میشه‌یی، قەراوو قه‌ده‌غه‌كەرڎەی چالاكیی ئەڎایاو شه‌ممەیش پێسە "پاشێلكاری" نامۍ نیابۍ، وەلۍ بە بەهانۍ قەراروو "قەدەغەکەرڎە"ی قائمقامیەتوو بەیئۊغڵووی، چالاکیی ئەڎایاو شەممەی ڕاش وەنە گێریۊ، چی حەفتەنە پۊلیس گردوو ئا جادا کە بەرەو مەیدانەکەی ملا وەربەسێش کەرڎۍ.
ئەڎایاو شەممەی، داکۊکیکاراو مافوو ئینسانی، موسا پیرئۊغڵوو، پەرلەمانتاری وەڵینوو پارتی دیموکراتیکوو گەلا (هەدەپە)ی و ئەحمەد شک، پەرلەمانتاروو پارتوو کرێکاراو تورکیا (تیپ) جە بازنەو ئیستەنبوڵینە، بەشێوە چا کەسا بێنی، کە گەرەکشابۍ جە جادەو ئیستقلالیوە بەرەو مەیدانوو گالاتاسارای ئیستەنبوڵی بلا، وەلۍ پۊلیسی تەوقە دۍ. ھاموەخت ئا ڕنامەنویسۍ گەرەکشابۍ رووەماڵوو چالاکییەکەی کەرا، بە قەڵغانوو پۊلیسی مەیدانوو چالاکییەکەینە دوورۍ وزیێوە.
لاو وێشۊ عەلی تۊسوون، کوڕوو فەهمی تۊسوونی کە وەختوو دەسبەسەرینە بێسەروشۊن کریان، ناڕەزایەتییش بەروست دژوو گەمارۊدایشا لاو پۊلیسیوە و واتش: "دادگای دەستووری ھەمیشەیی بارەو چالاکییەکەو ئێمەوە ماچۊ 'پاشێلکاری کریان'، داواکاری گردین ماچۊ: 'پێویسش بە شۊنیرەلوای نییا'، وەلۍ پۊلیس بە نایاسایی هەوڵۍ ڕاگێریکەرڎەی جە چالاکییەکاما مدۊ و ئاستەنگ وەش کەرۊ. پێسەن ئانەیە چی وەڵاتەدا دووۍ دەوڵەتۍ با. نامێبریا دماو بەروستەی ناڕەزایەتی پۊلیسی بەرد بەروە سەیارەو گێرتەکەی.
ھاموەخت مەریەم بارسە، ڕاوەبەرەو لەقوو ئیستەنبوڵوو ئیھەدەی، بۊنەو تەوقدای پۊلیسیوە باری تەندروسییش تێک شی، وەلۍ سەرباروو ئانەیچە پۊلیس ڕاش نەدا بەراش بەروو تەوقەکۍ و دماو ئانەیە پەی ماوێوە گیریا، چێروو چەمداریی پۊلیسینە تەوقەکێنە ئاریا جبەر و بەرەو بیناو ئیھەدەی برییا.
دماو چالاکییەکەی، بەشێوە فرە جە ئەنداماو بنەیانەو بێسەروشۊنکریایا و داکۊکیکاراو مافوو ئینسانی مرۊڤ لاو پۊلیسیوە گیریۍ و تندوتیژییسا وەراوەرۊ کریا.
س.ز
