گەریلاکاو هەپەگەی و یەژاستار بە بۊنەو ساڵیاڎوو گەشمەرڎەبییەی یۊ جە کادرە سەرمەشقەکاو پەکەکەی کەمال پیریوە ١٧ چالاکیێشا کەرڎۍ، چالاکییەکانە ٤ سەروازۍ تورکی ئەرەگیری سزا دریۍ، گورز وەنەو حەفارێوە و ١٠ سەنگەرا شنیا.
ناوەندوو ئەرەیاونای و چاپەمەنیی هەپەگەی واتش، "جە ٤١ەمین ساڵیاڎوو گەشمەرڎەبییەی هامڕا کەمال پیر-ینە کە یۊن جە یوەمین هامڕایەکاو ڕابەر ئاپۊی و یۊن جە ئەرەمەرزنەراو جمیەری ئاپۊیی و یوەمین فەرماندەو سوپاو گەریلایما بییەن، کە هەمان وەختنە شێوەو مدرامانوو پارتەکەیما پەکەکەیش دیاری کەرد، بە ڕێز و پەنەزانایۊ یاڎش کەرمێوە.
هێزەکێما بۊنەو ساڵیاڎوو گەشمەرڎەبییەی هامڕا کەمال پیر-یوە ١٠ چالاکیێشا کەرڎۍ، چالاکییەکانە ٤ سەروازۍ تورکی ئەرەگیری سزا دریۍ، گورز وەنەو حەفارێوە و ١٠ سەنگەرایچ شنییا.
هەپەگە بارەو چالاکییەکاو گەریلای و هجوومە ئەرەگیرییەکاوە ئی زانیاریێشە وستۍ ڕووە:
"هەرێموو گەشمەرڎە دەلیلوو وەرنیشتوو زاپینە؛
٧وو ئەیلوولی سەعات ١٠:٥٠ و ١١:٠٠ جە مەیڎانوو مدرامانوو کەشوو جوودینە بە تاکتیکوو نیشانەماڕۍ وەنەو ئەرەگیرا دریا و ٢ ئەرەگیرۍ سزا دریۍ، چالاکییەکە هێزەکاو یەژاستاریما کەرد.
٧وو ئەیلوولی سەعات ١٢:٠٠ مەیڎانوو مدرامانوو کەشوو ئێف ئێم-ی بە چەکی قورس و جە دووۍ قۊڵێوە وەنەو حەفارێوە دریا و حەفارەکە مردییا.
٧وو ئەیلوولی سەعات بەینوو ١٩:٤٥ و ٢١:٣٠ مەیڎانوو مدرامانوو کەشوو جوودی هەلیکۊپتەرە هجوومبەرەکا بۊردومان کەرد، وەختۍ هەلیکۊپتەرەکۍ گەرەکشابۍ سەروازەکاشا مەیڎانەکەنە وەزنارە، بە چەکی قورس وەنەو هەلیکۊپتەرەکا دریا.
٧وو ئەیلوولینە سەعات ١٨:٠٠ جە مەیڎانوو مدرامانوو کەشوو جوودینە، بە چەکی قورس وەنەو ئەرەگیرا دریا و گورز وەنەو سەنگەرێوە شنییا.
٧وو ئەیلوولی سەعات ٠٩:٠٥، ٠٩:٣٠، ١٠:٠٠، ١٣:٤٥، ١٤:٠٥، ١٤:٥٠، ٢١:٠٠ و ٢٣:٥٩ جە مەیڎانوو مدرامانوو کەشوو جوودینە، بە چەکی قورس وەنەو ئەرەگیرا دریا و گورز وەنەو ٨ سەنگەرا شنییا، ئا چالاکییەیچە هێزەکاو یەژاستاریما کەرد.
٨وو ئەیلوولی سەعات ٠٣:٠٠ مەیڎانوو مدرامانوو کەشوو جوودینە، بە چەکی قورس وەنەو ئەرەگیرا دریا و گورز وەنەو سەنگەرێوە شنییا، ئا چالاکییەیچە هێزەکاو یەژاستاریما کەرد.
هەرێموو مەتیناینە؛
٦وو ئەیلوولی سەعات ١٢:٠٠ مەیڎانوو مدرامانوو کەشوو ئۊرتێنە هێزەکێما وێشا وست دلۍ ئەرەگیرا و چالاکییشا کەرد. هێزەکێما جە نزیکۊ وەنەو ئەرەگیراشا دا و ٢ ئەرەگیرێشا سزا دۍ.
هەرێموو خواکورکی؛
٧وو ئەیلوولی سەعات ٠٧:٠٠ کەشوو گەشمەرڎە ئاخین-ینە بە چەکی قورس وەنەو ئەرەگیرا دریا. ئا چالاکییەیچە هێزەکاو یەژاستاریما کەرد.
هجوومەکاو سوپاو تورکی ئەرەگیری؛
٧وو ئەیلوولینە مەیڎانوو گۊلکاو مەتینای ٤ جارۍ فڕۊکەی جەنگی بۊردومان کەرد.
هەرێمەکاو زاپی، گەشمەرڎە دەلیلو وەرنیشتوو زاپی، مەتینا و خواکورک تۊپوارانۍ کریۍ.
درووەکاو دەوڵەتوو تورکی
وەزارەتوو وەرگێریی نەتەوەیی کۊماروو تورکیای، کە فاڕییان پەی وەزارەتوو دروا، بارەو گەشمەرڎەبییەی هامڕاێوەماوە واوەی هەواڵۍ دروێش وەڵۍ کەرڎێنێوە. هامڕاما شەڕزان ماوا (فەرید یوکسەل) جە ٢٨وو حوزەیرانوو ٢٠٢٣ێنە مەیڎانوو مدرامانوو سیداینە جە ئەنجاموو هجوومێوەنە بە بۊمبی ئەتۊمی تاکتیکیی گەشمەرڎە بی. گەشمەرڎەبییەی هامڕامان شەڕزان و گردوو زانیارییەکا چا بارەوە جە ٤وو تەمووزوو ٢٠٢٣ پەی گەلەکەیما و ڕای گردینی وەڵا کریاوە. جە ١٠و تەمووزینە ئەرەیاونای جەنگی تایبەتوو تورکی زانیارییەکێشا بارەو گەشمەرڎەبییەی هامڕاما شەڕزان-یوە ورگێڵنێوە و کەوتۍ و چەواشەکاری. جە ٨وو ئەیلوولوو ٢٠٢٣ێنە، وەزارەتوو وەرگێریی نەتەوەیی تورکیای گەشمەرڎەبییەی هامڕاما شەڕزانیش پێسە ئانەیە تازە ڕووەش دابۊ وەڵا کەرڎۊ و بانگەشەو ئانەیش کەرد، کە یۊ جە وەرپەرساو زاگرۊسین. وەڵۍ گرد چێوێنە مشۊم ئێمە ئەرەیاونمێش؛ سوپاو تورکی چونکوم بە بە بۊمبی ئەتۊمیی تاکتیکی هامڕا شەڕزانش گەشمەرڎە کەرد، ئا سوپۍ تاوانوو جەنگی کەرۊ، سوپاو تورکی وەراوەروو مدرامانوو گەریلای و چەنەئامای و تاکتیکی بەرزیشاوە، چەقێنە و یاوێنە بنبەس جە ڕاو بەکارئارڎەی فرەو تەکنەلۊژیایەکاوە تاوانوو جەنگی کەرۊ، وەختۍ پاسەیچ حیچ مەبەسۊوە گنۊ دروەدای و ئانەیجە بەرش وزۊ ئینا چە دۊخێوە دەسەوسانی و بێچارەیینە. گردوو ئانیشا ماچاشا دروێنۍ و وەڵتەر بە بەڵگەوە پەی ڕای گردینی ئاشکرۍ کریێنۍ.
هامڕا شەڕزان فیدایی و جەنگەوانێوە ئاپۊیی بۍ، کە بە دڵ و گیان بڕواش بە ڕێبازوو ئازادیی گەلەکەیش بۍ. ئانە کە ئەرەیاونای جەنگی تایبەتی تورکی ماچۊش، ئاد وەرپەرسوو زاگرۊسی نەبییەن. وەلۍ مشۊم ئانە بزانیۊ، کە جەنگەوانێوە گیانبازی ئاپۊیی ساعیب بڕوای گەورە، زانابییەی بیرڎۊزی، پاگێرتەیرەی بەرز، زیرەکیی تاکتیکی، هێزوو بەیاگەیاونای و بەکرڎەوەکەرڎەی و ئارڎەینەر بۍ. هەر جەنگەوانێوە ئاپۊیی مزانۊ وەختۍ پێویس کەرۊ پێسە جەنگەوانۍ و وەختێچ پێویس بۊ پێسە ژەنەڕاڵێوە جەنگ کەرۊ. هامڕا شەڕزان جەنگەوان و قارەمانێوەن، کە بەئازایەتییوە گژیان و یاگێش دڵوو گەلەکەیمانە کەرڎێنۊ.گەلەکەما، ڕای گردین و دەزگاکاو ئەرەیاونای ئازادی هاگادارۍ کەرمێوە، کە پەی زانای هەقیقەتی، بڕوا بە درووەکاو جەنگی تایبەتوو دەوڵەتوو تورکی نەکەرا".
س.ز
