کۆمیتەو گەل و باوەڕییەکا کەجەکەی بۊنەو مانگۊو موحەڕەمیۆ ئەرەیاۋنێوەش وەڵاکەرڎۆ و چنەشەنە بانگەوازش جە عەلەوییەکا کەرد خاوەنداریی جە بانگەوازو گلېرگەو دیموکراتیکی بکەرا، هەرپاسە سەرمەشقایەتی جە ئەوەکۊشای نەتەوەی دیموکراتیکی بکەرا.
کۆمیتەو گەلی و باوەڕییەکا کەجەکەی جە ئەرەیاۋناکەیشەنە یاڎو گەشمەرڎا کەربەلایش کەرڎۆ و واتش، "چی مانگەێنە کە یاڎو مڎرامانو کەربەلای مکریۆوە، یاڎو ئەهلو بەیتی مکریۆوە کە جە کەربەلانە گەشمەرڎۍ بیۍ، هیواڎارێنمې ڕۊچې ١٢ ئیمامو گلېرگەو عەلەوی و جەهانو شیعەی و مەراسیمەکا عاشورای جە لایەنو حەقیوە قبووڵ بکریۆ.
جە ئەرەیاۋناکەو کەجەکەینە ئامان: "دلې ژیۋگێوەنە کە جە چوارچێوەو بانگەوازو گلېرگەو دیموکراتیکی ڕابەر ئاپۆینە پێشئامایەکې و دلېشەنە هەلومەرجو دەسوەردای هێزە هەژموونوازەکا بە سەرمەشقایەتی ئیسرائیلی جە دژو ئێرانی کۊتێنې دلې مانگۊو موحەڕەمی. چی مانگێنە کە مڎرامانو کەربەلایش چنە یاڎ مکریۆوە، یاڎو ئەهلو بەیتیش چنە مکریۆوە کە چی مانگێنە گەشمەرڎۍ بیۍ، هیواڎارێنمې ڕۊچې ١٢ ئیمامو گلېرگەو عەلەوی و جەهانو شیعەی و مەراسیمەکا عاشورای جە لایەنو حەقیوە قبووڵ بکریۆ.
ئا مڎرامانەی کە بە سەرمەشقایەتی ئیمام حوسەین جە کەربەلانە جە ۋەرا ۋەر بە سوپاو یەزیدی ئەنجامدریا، مەعنێوە تاریخیش هەن. جە دژو بنەیانەو ئەمەوییی معاویە و یەزیدی کوڕیش کە جەوهەرو کۆمەڵایەتی و کۆمیناڵی ئیسلامی وزنۍ لاوە و گەرەکش بۍ ئیسلامی بکەرۊ بە ئامڕازێوە دەسەڵاتداریی پەی بنەیانەکەیش، ئی مڎرامانە مڎرامانو پارېزنای جەوهەری کۆمەڵایەتی و کۆمیناڵو مرۆڤایەتی و ئاینو ئیسلامین. جە ۋەرا ۋەرو زوڵم، ناحەقی، دژبەریی جە گلېرگەی و ڕێبازە دەسەڵاتپەرسەکا، ئی مڎرامانە گۊرە پەی پارېزنای جەوهەرو کۆمیناڵی کۆمەڵایەتیی و ئیسلامی ئەنجامدریا.
هەرپۊکەی ئی مڎرامانە گۊرە تاریخیە و کاریگەرییەکێش ١٤٠٠ ساڵېن جە ئاستێوە گرنگەنە درێژەش هەن. یاڎکەردەیۆ گەشمەرڎا ڕەسەنې ئی مڎرامانە گۊرەیە جە کەسایەتیی ئیمام حوسەینینە و ڕۊچې ١٢ ئیمامی پەی نیشاندای دڵسۆزی پەی ئامانجەکاشا، دماتەر لوایڕاوەو مەراسیمو عاشوورای، ۋەرو ئانەی خاوەنو مەعنێوە قووڵی گۊرەن. پۊکەی دوعا مکەرمې خزمەتو ڕۆحو عەلەوییەکا کە ڕۊچێنې و بە ڕۆح و هۆشیاری و ئیمانو مڎرامانو کەربەلای بەشداریی پێشکەشکەردەیەکا مکەرا جە دەفتەرو حەقینە بنوویسیۆ. باوەڕیما چامنەن پەرسش و دوعاو موسڵمانا شیعەی ئانې بە هەمان فام و ئەنەیاوایۆ یاڎو کەربەلای مکەراوە، جە ڕوو ماناڎاری ئیسلامی دیموکراتیکیوە فرە سەنگینێنې.
بەدەسو نوێنەرا ئی سەردەمەی سیستەمو دۆڵەتپەرەسی-دەسەڵاتپەرەسی کە ئینا دژو جەوهەرو کۆمیناڵی و دیموکراتیکو گلێرگەی، هەرێمەکەش فاڕێنمێ پەی گۆمو ونی. جوگرافیاس وەرکەوتوو دلێڕاسەی دما و جەنگو جەهانی یوەمی پێسە و دۆڵەت-نەتەوە دابەش کریا. چی جوگرافیا کە چنین زوان و ، کلتوور و شناسنامەش ئینا چنە، زیاتەر جە سەد ساڵا بەدەسو دۆڵەت-نەتەوەکا وەراوەر و فرەڕەنگییەکا کۆمکوژیی گۆرە ئەنجامدریان. گەرەکشا بێ بەزۆرداری ، فشار و ستەم شناسنامە و بڕوا جیاوەزەکا قڕ کریانە. ئارۆ بەنامێ جەنگی جەهانی یەرەمیو گەرەکشا وەرکەوتوو دلێڕاسەی سەر و بنەماو بەرژەوەندیی زلهێزا کەپیتاڵیستی سەر جەنۆ دیزاین کریۆوە. جەنگو ٢٠ ساڵە و دماینە جە هەرێمەکەیمانە کە چی چوارچێوەنە کریا، بە ملیۆنان ئینسانێ بێ یانە و دەربەدەرێ بیێ. وە ئی پرۆسە کۆمکووژییە چنی جەنگو ئیسرائیل-ئێرانی قوڵتربییۆ و درێژەش هەن.
چارەسەری ئەنجامگر؛ نەتەوەو دیموکراتیکیا
چارەسەرو پەرسە کۆمەڵایەتییەکا جە وەرکەوتوو دلێڕاسەی نە بە دۆڵەت-نەتەوە جە کارەکتەریە فاشیست و تاکڕەوینە، نە بە ڕێبازەکا دابەشکاری سەر و بنەماو بەرژەوەندی زلهێزەکا کریۆنە. هیچکام دەردە و تایبەتەمەندییە فرەڕەنگیی و چاندییەکا وەرکەوتوو مییامینی نمەیا. جگە جە کۆمکوژیی، جەنگ، سیستەم و فشاری و ستەمی چێوێ تەر چنی وێشا نمارا. تاکە چارەسەری ڕاس و ئەنجامگر، چارەسەرو نەتەوەو دیموکراتیکیا کە ڕابەر ئاپۆ ئاماژەش پنەکەردەن. چارەسەرو نەتەوەو دیموکراتیکی کە وەردەمو فرەڕەنگییەکانە کریانۆ، دلێشنە گرڏ و فرەڕەنگییەکا تاوانە گوزارشت جە وێشا بکەرا. نەتەوەو دیموکراتیکی عەقڵێتی تاکپەرستی، نەتەوەپەرستی، ئاینگەرا، پۆزەتیڤیست و ڕەگەزپەرستەکا دۆڵەت-نەتەوەی ڕەت مکەرۆوە، تواناو ئانەیش هەن چارەسەری پەی کێشە کۆمەڵایەتییەکا جە وەرکەوتوو دلێڕاسەی بێزۆوە، گونجیا تەرین چارەسەری کە دەردە و تایبەتمەندیییە کۆمەڵایەتییەکا مێنە.
چی سەردەمەنە مانادارترین خاوەندارێتی جە مڏرامان و کەربەلای و ئیمام حوسەینی، خاوەندارێتییا جە چارەسەو نەتەوەو دیموکراتیکی و بەشداری بێ ئیلا وئەولاین جە بنیادنیا و گلێرگە و دیموکراتیکی. حەر پحکەی خاوەندارێتی جە بانگەوازا گلێرگە و دیموکراتیکو ڕابەر ئاپۆی، کەردەی بنەماو هێڵە ونەتەوەو دیموکراتیکی و بەردەوامی دای بە ئەوەکۆشایێ ماناداری چی کاتوساتەنە، ئەرک و وەرپرسیارێتیی سەرەکیی ناسنامە ئاینییەکا و گەلا وەرکەوتوو دلێڕاسەین، وەڵێ گرڏی گلێرگە و عەلەوی و شیعەی. بڕواو عەلەویش تەنیا پی ڕێ تاوۆنە بییە و وێش مسۆگەر بکەرۆ و بۆنە خاوەن هەلومەرجی ژیوای ئازاد.
پی بۆنۆ ئێمە بەڕێزۆ یاڏ و گرڏو گەشمەرڏا کەربەلای مکەرمێوە، بانگەواز جە گرڏ و جانو عەلەوییەکا (گلێرگەی عەلەوی)، هێزە دیموکراسی و ئازادیوازەکا مکەرمێ خاوەنداریی جە بانگەوازو گلێرگە و دیموکراتیکی بکەردێ و بیدێ سەرمەشقێ ئەوەکۆشای نەتەوەو دیموکراتیکی.
