گەشمەرڎۍ ئارمانج-ە جەمرە(فاتۊش زوگورڵی)ە، گەریلۍ یەژاستاری ڕۊو ١٧ و تەمووزوو ٢٠٢٢ جە هجومەکا دۊڵەتوو ترکی ئەرەگیرینە پۍ سەروو هەرېمەکا پارېزنای مەدیای گەشمەرڎۍ بیە. گەشمەرڎۍ ئارمانج-ە جەمرە جە چەمپنەکۊتەیېنە وەڵۍ گەشمەرڎەبیەیشەنە ئەرەیاۋنابېش،"هەمیشە حەزکەرېنۍ بوو بە گەریلېوە جە زاگرۊسەنە".

ئاماژەش پانەی کەرڎەبۍ، وەختۍ جە ئاکادیمیانە بېنۍ، هەمیشە واچېنا ئەگەر داواو لۋایم پۍ سەروو ئەرکەکەیم قبوڵ نەکریۊ هیواڎەرەنا ڕېکوستەی کیانۊم پۍ کەشەکا زاگرۊسی. گرڎوو ژیۋایم جە ڕېکوستەینە جە لایېوە، بەڵام پۍ من مەنەیۊم جە مەڕەکا جەنگینە چنی هەڤاڵا فیدایی شیاوو گرڎ چېۋېن. چا مەڕانە جەنگ کەرڎەی و مدرامان چېۋېوەن کە بە ئازاڎیۊ لکە دریان.

گەشمەرڎۍ ئارمانج-ە جەمرەباسش چانەیچ کەرڎەبۍ،"ڕاسا گرڎما جە کەشەکانە کۊشیای کەرمۍ، گرڎ ساتېنە ئەگەروو گەشمەرڎەبیەی هەن. بەڵام ئا هەڤاڵۍ دلۍ مەڕەکا زیاتەر هەستش پنەکەراو ڕووبەڕووش باوە. ویست و ئا هەڤاڵا ئازاڎیین. بېگوومان ۋەڵۍ گرڎ چېۋېنە ئینسان گەرەکشا چنیشا بۊ.گرڎوو هەڤاڵاما چېگە ئانەشا گەرەکا. قەناعەتما پاسەن شکس بە دوژمنی مارمۍ، ئا دووژمنە مشۊم چا شکسش پنە باریۊنە و شکسیچش پنەمۍ".