موراد قەرەیلان ئەنداموو کۆمیتەو ڕاوەبەریی پەکەکەی بارەو پەرسەکاو ڕۆیۆ پەی ئاژانسوو هەواڵوو فوراتی قسێش کەردێ. بەشوو یوەمیش وەڵا کریۆوە.

"ڕاسا، گۆشەگیریی ڕابەر ئاپۆی لوان دلێ ٢٦ ساڵیوە، سیستموو ئیمرالی تەنیا سیستموو گۆشەگیری نییا، بەڵکوم پەیوەندییش بە سیستموو ئەشکەنجەی دەروونییوە هەن، سیستموو ماڕای و تەسلیمبییەین و ماوەو ٢٦ ساڵان بەرڎەواما.  ٣ ساڵێن کەس زانیارییش سەروو ژیوایش نیا، چی سەرڎەمەنە کە پەیوەندییەکێ پەرەشا سانان و جیهان پێسەو دەگێوەش سەر ئامان، ٣ ساڵێن کەس هیچ زانیاریێوەش سەروو  ئیمرالی و سەروو ڕابەر ئاپۆی و یەرە هامڕایەکاو واگەیە نیا. نە بە پەیوەندیی تەلەفۆنی، نە نامە، نە تەلەگراف. ئینە چێوێ ئاسایی نییا. دەوڵەتوو تورکی پی هەرمانا یاسا میاندەوڵەتییەکا، یاسا دلێیەکا پاشێلێ مکەرۆ. جە حیچ یاسایێوەنە حیچ چێوێوە چینە  نمەوینیۆن. ئینە نە هەڵوێستێوەن کە دژ بە کەسێوە، بەڵکوم هەڵوێستێوەن دژوو گردوو گەلوو کوردستانی، ڕابەر ئاپۆ کوردا و کوردستانیین، نوێنەرایەتیی ئی گەلەیە  مکەرۆ، مدرامانکەر و یەکلاییکەرەون سەبارەت بە ماف و شناسنامەو گەلوو کوردستانی، پەی مافەکا پەی ئازاڎی و دیموکراسیی مدرامان کەرۆ. پەوکای ئەشکەنجەی دەروونی بریۆ ڕاوە، تا پاشەکشێ بکەرۆ، تا کوردستاننە سیاسەتوو قڕکەرڎەی و کۆکوشی بیاونیۆ یاگێ. دلێنەو سیاسەتی کۆکوشی سیستموو ئیمرالییوە دەس پەنە مکەرۆ. لاوڕابەر ئاپۆیۆ هجووم و چەوسنایۆ دژ بر ئیرادەو گەلوو کوردی کرڎەوەی نائینسانانە و نایاسایین.

بە سی پی تی هەرمانەو ئاساییکەرڎەیۆ و ئەشکەنجەی مکریۆن

بێگومان ئینە دەوڵەتوو تورکیای مکەرۆش. چێێچەنە هێزی پیلانگێڵنیی میاندەوڵەتی دەورشا هەن. هەڵوێستوو سی پی تی کە بەین بەین بابەتوو قسەوباسەکان، سەروو ئی بنەمێوە ئەرەمەرزیان. هەرمانەو سی پی تی ڕاگێریکەرڎەی نییا جە ئەشکەنجەدای، ئەشکەنجە بیییەی سی پی تی کریۆ. گردوو یاسا میاندەوڵەتییەکا، یاساکاو تایبەت بە مافوو ئینسانی مرۆڤ سەلەمنەرێ ئانەینێ کە گۆشەگیری وێش ئەشکەنجەن. ئیساتێ چاگە ئەشکەنجە بەرڎەواما. کامەنە سی پی تی و ئینا چکۆنە؟ نە بە پێچەوانەوە. پەنەمشۆ هەرمانەو  سی پی تی چی ڕووەوە بەهانەدارە بۆ و پەشتگۆسش وزۆ و دۆخەکەی ئاساییی نیشانە بدۆ. ئا هەرمانێ کە ئیساتێ سی پی تی هەنەش چانێنە. هەرپاسە شەریکوو ئی ستەم و ئەشکەنجەداینە. بێگومان وێگێری و مدرامانوو ڕابەر ئاپۆی ماوەو ٢٦ ساڵان بەرڎەوامییش هەن. ئیساتێ ئینسان چی بارەوە هەرچی بواچۆن هەڵای کەما. ئاسان نییا ئینسان پەی ماوەو  ٢٦ ساڵا بە ئیرادێوە گەورەوە، بە ئیرادێوە پۆڵایینۆ و بە سەرێوە بەرزۆ وبونیادێوە خوڵقنەرانەوە بە نائاسایی ڕووبەڕوو جەنگێوی دەروونی بکریۆوە.  

زانیاری هەن کە هێزە پیلانگێڵنەکێ سیستموو ئیمرالیشا پەی کوشتەی ڕابەر ئاپۆ بە زیندەیی وەش کەرڎەن. ڕابەر ئاپۆ بە ئایدۆلۆژیاو وێش، بە یاواینەی و بە فەلسەفەو وێش مەنەنۆ، ئادێ سیستمێوەشا بنیات نیا، کە ڕابەر ئاپۆ نەتاوۆن، خەباتی ئایدیۆلۆژیی وێش بکەرۆن و نەتاوۆ فەلسەفەنە قووڵ بۆوە. بنەڕەتنە سیستموو ئیمرالی پەی ئینەیە ئەرەمەرزیان. بەڵام ڕابەر ئاپۆ نە تەنیا  وەرش گێرت، بەڵکوم  مدرامانیوە کلاسیکیش کەرد، هەڵوێستێوە بەرزش ئرمانا و بە پێچەوانەو ئامانجەکاو دوژمنیوە، ئێمرالییش کەرد بە مەکتەب، هەڵوێستێوە شکۆمەندانەش وست وەەڵێ. چا پارادایمێوەش سەروو بنەماو٢خەتە ئیکۆلۆژییە دیموکراتیکە ئازاڎاو ژەنا وەش کەرڎە.  خوڵقنای ڕابەر ئاپۆی ینە٤ پەی وێش بابەتێوە فرە تارێخی و گرنگا. نەک حەر پەی چارەسەرکەرڎەی کێشەو کوردی، بەڵکوم پەی چارەسەرکەرڎەی گردوو کێشەکاو وەرکەوتوو دلێراسەی، گردوو جیهانی وگردوو ئینسانیەتی هێزەکاو دژوو مۆدێرنیتیی سەرمایەداری، ڕوانگەی ئەڵتەرناتیڤوو نەتەوەی دیموکراتیکیش خوڵقنا. ئا کۆشیایێ چاگە کریا فرە مانادارێ و تاریخیێنێ. بەدڵنیاییوە ئینە چێوێ ئاسایی نییا.

کۆشیای پەی ئازاڎیی ڕابەر ئاپی مشۆم فرە قەوەتتەر بکریۆ

پێسە ئاشکران کەمپین، یان هەڵمەتەو ئازاڎیی پەی ڕابەر ئاپۆی و چارەسەروو پەرسەو کوردی جە ١٠و تشرینوو یوەمیوە جە ٧٤ یاگاو دنیێنە لاو کەسە بێگاناوە، ئەنتەرناسیۆنالیستاوە یەک ڕۆنە پیوە دەسش پەنە کەرد. ئەرەیاونای هەڵمەتەکێ چیوێوە مانادار بێ. چا وەختۆ تا ئیساتێ ئاستوو میاننەتەوەیی و نەتەوەیینە بەرۆ و دلێ وەڵاتینە ، چی چوارچوەنە کۆشیای گرنگ و کۆمەڵایەتی لاو ئەنتەرناسیۆنالیستەکاوە مکریۆ. پێسەو ماندێلای، نەک تەنیا لاو گەلوو وێشۆ بەڵکوم لاو گردوو گەلاو جیهانیوە، دیموکراتکوازێ و ئازاڎیوازێ، پەی ئازاڎیی ڕابەر ئاپۆی کۆشیا. ئینە چێشما نیشانە مدۆ؟ ئانەما نیسانە مدۆ کە ئا سیستمە ئیمرالیینە ئەرەمەرزیان بێمانا بییەن. ڕێبەر ئاپۆ بە هەڵوێستوو وێش، بە هەڵوێستوو هامڕایاش، مدرامانی فیداییایەنەو کوردسانییا و بە فیداکاریی گەلیما پیلانگێڵنیی میاننەتەوەییش بەتاڵ کەردۆ. کۆشیای ڕابەر ئاپۆی دژوو پیلانگێڵنیی میاننەتەوەیی ڕابەر ئاپۆیش کەرد بە ڕابەرێوە میاننەتەوەیی و گەورەتەرش کەرد. فرە زیاتەر لاو گەلاوە خاوەندارێتییش وەنە کریا و پی مانێ پیلانگێڵنی بەتاڵ بیۆ. بەڵام ئیساتێ گۆشەرگیریێوە سەختوو خەستەییش سەرەرە مسەپییۆ، پەوکای کۆشیای زیاتەرش پێویسا. ئی کۆشیایە ئیساتێ چوارچوەو هەڵمەتەو ١٠ تشرینوو یوەمینە کریۆ مشۆم قەوەتتەرە و گەشتەرە بۆ و پێسە بگنمێ دلێ کۆشیاێوە کۆمەڵایەتییوە. پیسە ڕاپیمایی ئازاڎیی جەستەیی ڕابەر ئاپۆی و ڕاپیمایی ئازاڎی کوردسانی کە دوانێوە جەیۆینەبڕیێنێ، سەر وزمێ. ئی بنەمێ کە ئیساتێ نریێنەرە کۆشیای کەرۆ و ئانەیە ئاسکرا کەرۆ کە ئیتر قۆناگەکە بەرەو ئانەیە ملۆ، کۆشیای پەی ئازاڎیی ڕابەر ئاپۆی و ئازاڎیی کوردسانی فرە گەشیاوەتەر بۆ و قەوەتتەر بۆ. ئینەیچ بە دڵنیاییوە سەر گنۆ.

ونەو گەشمەرڎاو هەڵەبجەی، قامیشلۆی و غازی سەروو خاکیوە نەمەنۆوە.

پیسە مزانمێ مانگەو ئاداری مانگەو نەورۆزینە. مزاندێ نەورۆز چە مانێوەش هەنە. مانگەو مزانی و جەژنێنە و هەمان مانگەنە دوژمناو گەلوو کوردی سرەمڕ هجوومێ کەرا سەروو کوردسانی. پێسە بیێنە بە مانگەو کۆکوشی و هجووما. ١٢و ئاداروو ٢٠٠٤ ئاژاوەگێڵناێوە و بێ هجووم کریا سەروو گەلی و کۆکوسی کریا. وەراوەروو ئینەینە گەلەکەما لە قامیشلۆ و دێرکنە تا کۆبانێ و دەسشا بە ئەرەپڕای کەرد، گە. شمەردێ فرێ دریێ. هەمان وەختەنە ١٢ی ئاداروو ١٩٩٥ گەڕەکەو غازی ئەستنەبوڵینە، دەوڵەتوو تورکی هجوومش کەرد سەروو گەلوو کوردی و گەلوو عەلەوی و کۆکییش وەنە کەوتۆ. ئەرەنیشتاو گەڕەکەو غازی وەراوەروو ئینەیۆ ئەرەپڕێو و چندین گەشمەردیشا دێ، پێسە مزانیۆ، ١٦وو ئابینە کۆکوشی، قڕکەرڎەی کوردستاننە کریا. کۆکوشیی هەڵەبجەیچ کریا. بە چەکی کیمیاوی لاو ڕژێمی فاشیستوو سەددامیوە گەلەکەما قڕ کریا. بە هەزاران کەسێما بە چەکی کیمیاوی ژیوایشا جەدەس دا و گەشمەردێ بیێ. بەڕێزدارییوە سەرجەموو گەشمەرڎا یادێ کەرمێوە و هەریەرە کۆکوشییەکەی بەتندی شەرمەزار مکەرمێ.

وێش جەوێشنە مدرامان ١٢وو ئادارینە وەرنیشتوو کوردستانینە دەسش پەنە کەرد، هەفتێوە زیاتەر بەرڎەوام بی. متاومێن بواچمێن بناغەو شۆڕشوو وەرنیشتی چا سەرڎەمەنە نریارە. دماتەر شۆڕش سەروو بنەماو مدرامانوو ئا سەرڎەمەیە دەسش پەنە کەرد. ئا گەشمەردێ دەوری چینەشا گێڵنا. حەرپاسە گەڕەکەو غازی یاگێ مدرامانی و وێگێریینە. گەلەکەما، گەلوو عەلەوی وەراوەروو ڕژێمی فاشیستیوە هجوومەکێش پەی یادکەرڎەیۆ گەشمەرڎەکا تا ئارۆ مدرامانی سەرەمڕ کەرا. ئارۆنە لاو دەوڵەتوو تورکیوە پێسە چەنی هەڵەبجەنە چەکی کیمیاوی بەکار ئاما، جارێوە تەر خاکوو پانیشتینە دژوو گەریلاکاو ئازاڎیی کوردستانی چەکی جۆراوجۆری کیمیایی بەکار مێ. جیاوازیەکە ئانەنە هەڵەبجەنە کۆکوشی و قڕکەرڎەی دژوو خەڵکی بێتاوانی کریا. دەوڵەتوو تورکی ئیساتێ هەمان چەکی دژوو گەریلاکا بەکار مارۆ. دەهێنێت. هەمان وەختەنە پێسەو دەوڵەتێوە چەتەی و تیرۆری کوردستاننە، سەرنیشت، پانیشت وەرنیشتوو کوردستانینە، تەنانەت بەین بەین دژوو گەلوو وەرنیشتوو کوردسانیچ بەروو کوردسانیوە هجوومێ تیرۆرستیێ مکەرۆن. یانێ فاشیزم و نەژادپەرسیی دەوڵەتوو تورکی بە هەمان ویرۆکەرڎەی ئارۆ کوردستاننە بەرڎەواما. پەوکای پەی یادئارڎەیۆ تەماموو ئی کۆکوشییا و یادکەرڎەیۆ گردوو گەشمەرڎا، کە وەراوەروو فاشیزمی و نەژادپەرسیی دەوڵەتوو تورک یوە مدرامانشا کەرڎەبێ، کۆشیەیمێ و هەقەشان بکەرمێوە. یادکەرڎەیۆشا بەرزکەرڎەیۆ کۆشیای ئازاڎیی کوردستانینە بیاونمێ یاگێ.

بویندێ دووەی جە وەڵاتپارێزنەکاما بە نامەکاو سەعید موبارەکی و ئاراس فەرەجی ٨وو مارسینە گارێنە هجوومێوە دوژمنانە گەشمەردێ کریێ. بەڕێزۆ هەردوویشا یادێ کەرمێوە.پەرسە و سەرەوەشی جە بنەیانەی بەڕێزیشا و عەشیرەتوو زێباری و گەلوو پانیشتوو کوردستانی مکەروو. هومێدوو تەندروسی پەی بریندارا موازوو. ونەو ئا ئینسانە وەڵاتپارێزنا سەروو زەمینوە نمەمەنۆوە. ئەنجاموو کۆکوشیی فاشیزموو دەوڵەتوو تورکیوە کۆکوشێ کریێ. گەشمەرڎاو ڕاو ئازاڎینێ. گەریلاو ئازاڎیی کوردستانی هەرمانەو وێشا مکەرانێ و هەقەو ونەو ئا دووە گەشمەرڎا مکەرانێوە.

١٢وو ئاداری ئەوەڵوو وەڵێئامایەکای تەری بێ، پەی نموونەی، جمیەری شۆڕشگێڵنیی یۆگێرتەو گەلا (هەبەدەهە) ١٢و ئادارینە ئەرەیاونیا. پی بۆنەوە بەڕێزۆ یادوو دووە قارەماناما، هامڕا دەلال و ئولاش ئادالی کەرمێوە و جارێوە تەر ئا وەعدە دێنێما پەنە ئەوەخوایش کەرمێوە.

هەمان وەختنە مدرامانی وێڕاوەبەریی دیموکراتیکی، کە ساڵەو ٢٠١٥ سەرنیشتوو کوردستانینە دەسش پەنە کەرد، پێسە مزاندێ کۆشیایمانە یاگێو گرنگەش هەنە. ئاسش پنە کەرد، جە سور، جەزیر، نوسێبین، فارقین، گەڤەر، شڕناخ، سلۆپی، هەزەخ، کەربۆران و وارتۆنە، تارێخوو کۆشیای ئێمەنە یاگێوە فرە گرنگەش هەنە. یۆ جە دیارتەرین ئا مدرامانا هامڕا چیاگەر فەرماندەو مدرامانوو سوری بێ، کە چا مدرامانەنە جەنگێوە فیداییانەی ١٠٥ ڕوەش ئامەدی پایتەختنە کەرد و ١٢و ئادارو ٢٠١٦ گەشمەرڎە بی. یادوو فەرماندەی دڵسۆز و بەنرخ هەڤاڵ چیاگاری بە ڕێز و منەتدارییوە کەرووە و واوەی ئا وەعدە بە گەشمەرڎاما دان ئەوەخوایش کەرووە.

ڕابەر ئاپۆ مدرامان و سەرکەوتەی میدیاییش بە بنەمای ورگێرت

ڕابەر ئاپۆ ٥١ ساڵێ چێوەڵتەر لە ڕۆو نەورۆزیوە ەسش کەرد بە گەشتە تارێخییەکەیش. سەروو بنەماو ئینەیە  ئێروو نەورۆزی ڕۆبەڕۆ گەشتەر و مانادارتەر بی.

ئەوەڵ بە نامێ گردوو هامڕایاماوە بە نامێ  گەریلاکاو ئازادییوە جەژنەو نەورۆزی وەنەو ڕابەر ئاپۆی مەبرەک کەرمێ. مبەرەکبایی وەنەو گردوو گەلوو کوردستانی و ئەداو گەشمەرداما و گەلاو مەنتێقەکەی و سەرجەموو هۆگراو نەریتوو نەورۆزی و گردوو هامڕا مانییاینەشناساو شۆڕشی کەرمێ. بە هومێدوو سەرکەوتەی پەی گرد لاێوە ساڵەی تازێنە. چی ڕووە مەبارەکەنە جە کەسایەتیی کاوەی هامچەرخ، مەزلوم دۆغانینە، بە ڕێزۆ ڕێز وەنەو یادوو گردوو گەشمەرداو نەورۆزی کەرمێوە و وەعدما ئەوەخوای کەرمێوە و سۆزشا مدەیمێ پەنە ئا عەلەمێ ورشا کەردێنە و ئا ئاویرە گیسنانشانە؛ ئێروو سەرکەوتەی، ئازادی و زیندەئاستەیۆ یادوو گەشمەردا، بە گرد هەوڵێوە مپارێزنمێ و پەی بەیاگەیاونای وەعدەکاما کۆشیەیمێ.

نەورۆز تارێخوو فرەو گەلاو وەرکەوتوو دلێڕاسەینە و گەلوو کوردستانینە یاگێوە وەرەچەمەش هەنە. تارێخوو کۆشیایی جمیەرەکەیمانە مانێوە گەورێش هەنە. پێسە واتم، وەختێوەنە ڕابەر ئاپۆ وێش پەی فاڕیاێوە تارێخیی ئامادە کەرێ، شۆنەو میراتوو نەریتیرە گێڵابێ. خاستەرین چێوێوە کە وێستشۆ و دیاریی گەلەکەیش کەرد، نەورۆز بێ. مدرامانوو نەورۆزی سەروو بنەماو مدرامانوو مادەکا (مادەکا)وە مەرزناشرە، کە ساڵانێوە بەردەوام بی و دژوو ئیمپراتۆریەتی ئاشووری سەرکەوت. ڕابەر ئاپۆ ئینەش بە ڕۆحێوە زانا و واتش: "مشۆم ڕۆحوو مێدیای تازە بکریۆوە و ئێروو نەورۆزی جارێوە تەر قەوەتتەر بۆوە. واتش: "ئارۆ ڕۆو  مدرامان، یەکڕیزی، ڕۆو پەرەداین بە مدرامانی" پاسە پەی گەشەسانای نەورۆزی  ڕۆو نەورۆزینە دا هەنگاممەی  یوەمەش نیا و ئاهەنگوو نەورۆزی ڕۆ بەڕۆ بە شێوەی جیاواز دەسش پەنە کەرد.هامڕا مەزلوم دۆغان بە ژیوای وێشۆ پێسەو کاوەی (ئاسنگەری هامچەرخ)ی ئاما زیندان، نەورۆزش بەرد ڕاوە و مدرامانش قەوەتتەر کەرد. کناچێ کوردیچ بە جەستەیشا چڵۆسکێ نەورۆزیشا گیسنێنە و جەژنەو نەورۆزیشا مەبارەکە کەردە. زەکیە ئاڵکانە و ڕەهشان دەمیرەلە و دمایی ڕۆناهی و بێریڤانە ساڵاو نەوەدەکانە ئەڵمانیانە بە ئایروو نەورۆزی جەسەشا کەرد بە چڵۆسکەو  واوەی بە ئەرەپڕایەکاو شارەکاو کوردستانی بەتایبەت هەرێموو بوتانی و نسێبینی بە گەشمەردەبیەی و وێگێری جەژنەو نەورۆزی لوا ڕاوە. پێسە نەورۆز ماناو وێش ورش گێرتە.  کۆشیایێوە کە ملیۆنا کەسێ بەشدارێش بێنێ،  بی بە ڕۆو  مدرامانی. ئندا فەرامۆش کریێ و تەنانەت فرەو کەسیچ ویرشا شێوە. بەڵام ئینە جە ئەنجاموو هەوڵەکاو ڕابەر ئاپۆی و جەختکەردەیۆ و مدرامانەکاو سەردەموو نەورۆزینە سەرەش وردا، بە سەدان گۆرانیێش سەرەرە وچیێ. هەرپاسە نەورۆزنە وێنیشانەدای کریا. پەی نموونەی ڕۆو نەورۆزینە (ERNK) و کۆنفیدراسیۆنوو گلێرگاکاو کوردستانی (کەجەکە) ئەرەیاونیێ. دیسان ئەنجاموو ڕێکوستەی نەورۆزینە پێسەو  ئەوەڵوو ساڵێ تازێ، گەلەکەما بی بە گەلوو نەورۆزی، گەلوو ئاری. نەورۆز  تارێخوو ئێمەنە دەور و هەرمانێوە چانێش هەنە.  

نەورۆز بەرزکەردەیۆ هەڵمەتەو ئازادیینە پەی ڕابەر ئاپۆی و کوردستانی

بەتایبەت نەورۆزوو ئێساڵوو ٢٠٢٤ فرە مانادارتەرا. ئێساڵ گەلەکەما لاو ڕێکوزیایەکاو گەلی و دیموکراتیکوازاو تورکیایۆ بەیاننامەشا وەڵا کریاوە. نەورۆزوو ٢٠٢٤ پێسەو نەورۆزوو ئازادیی ڕابەر ئاپۆی، بەرزکەردەیۆ کۆشیایی ئازادی ڕابەر ئاپۆ دەستنیشان کریا. پێسە ئەرەیاونیان، هەڵمەتەو ئازادیی ڕابەر ئاپۆی و چارەسەرو پەرسەو کوردی بە ئاویروو نەورۆزی فرە گەشتەر بۆ. بەتایبەت گرد یاگێونە شێوازێوە ئاشکرا پەی ئازادیی ڕابەر ئاپۆی نەورۆز مەبارەک مکریۆ. ئینە چێوێوە فرە گرنگا. مشۆم چی نەورۆزەنە گەلەکەما فرە بەجۆشتەر و جەماوەرییانە بەشداروو نەورۆزی بۆ. بەشداریێوە ملوێنی، دە ملوێنی دلێوە و بەروو وەڵاتیوە بەشداریی مەبارەککەردی جەژنەو نەورۆزی بۆ. گرد کەسێوە داواو ئازادیی ڕابەر ئاپۆی و کوردستانی بکەرۆ. کوردستان با ئاویروو نەورۆزی پەی بەرزکەردەیۆ ئازادیی ڕابەر ئاپۆی بۆ. وێشنە هەڵمەتەو ١٠و تشرینوو یوەمی جیهاننە. مەیدانی میاننەتەوەیینە کەسانێوە فرێ، سیاسەتمەدارێ، سەندیکاکێ، ڕێکوزیێ سڤیلێ و ئەکادیمیستێ، زانستوانێ دەربارەو ئازادیی ڕابەر ئاپۆی ئەرەیاوناشا و پاڵپەشتیی وێسا بە کۆشیای نیشانە دا. هەم ئاستی میاننەتەوەیینە و هەم  ڕۆو نەورۆزینە داوایەکاو گەلەکەیما مشۆم بەرزتەرێ با. با گرد کەسێوە بژنەوۆش. بەتایبەت پیلانگێڵنەکێ کە بێئەخلاقانە پەی بەرژەوەندیی وێشا ئایندەو گەلا سیاو کەراوە. با بیاوانە. ئانەیە بژنەودێ کە ئی گەلە چێشش گەرەکا. وەروو ئینەیە، پەی ئی نەورۆزەیە  بەشداربییەی گەلەکەیما فرە گرنگا. داوا مکەروو گردوو گەلی، وەڵاتپارێزنێ، گردوو دیموکراتیکوازا، دۆساو گەلوو کوردی مشۆم بەشدارێ جەژنەو نەورۆزی با. وەروو ئانەیە ئی نەورۆزە هەمان وەختەنە بۆ بە نەورۆزوو ئازادی و بەرزبییەیۆ هەڵمەتەو ئازادیی ڕابەر ئاپۆی و ئازادیی کوردستانی. چی چوارچوەنە نەورۆزوو ئێساڵی فرە مانادارا.

ڕوەکاو مدماتەرینە مزانی مدەیمێ بە گەلەکەیما

هەمان وەختەنە ڕواو نەورۆزی پێسە ڕۆو یۆبییەی، کۆشیای و مدرامانین. پی بۆنەوە داوا وەنەو گردوو هێز، ڕێکوستەی و کەسایەتیی وەڵاتپارێزنا کوردستاننە مکەروو پەی وەڵێوستەی یۆبییەی نەتەوەیی یۆی گێرا. ئارۆنە جە گرد وەختێوە زیاتەر گەلەکەما پێسەو ئاوێ، هەوای پێویسییش بە یۆبییەی نەتەوەیی هەن. مشۆم چی ساتەوەختە تارێخییەنە گەلوو کوردی بۆ بە  ساعێبوو ستراتیژێوە هامبەشی و یۆبییەی نەتەوەیی وەش بکەرۆ.  حەرچەندە بڕێو کەسێ بەشدارێ ئی خەباتەیە نمەبانێ، بەڵام ئانێ کە مەیا با بەیا یۆبییەی نەتەوەیی وێشا وەش کەرانێ. ئینە چیوێوە فرە گرنگا. ئی نەورۆزە متاوۆ بۆ بە ئەوەڵوو ئی چێوەیە. ئێمە پێسەو تەڤگەری، ڕاوەبەریی تەڤگەری چی نەورۆزەنە، جە چند ڕۆی ئایندەنە مزانیی مدەیمێ بە گەلەکەیما، کە بە ئەرەیاوناێوە نویسیا وەڵاش کەرمێوە، کە بنکێوە پەروەردەیی قەوەت خەباتوو ئێمەنە وەش کەرۆ. ئامرازێوە فرە گرنگ بۆ و دەوری تایبەتوو وێش بۆش جە بەرزکەردەیۆ خەباتینە. ئی مزانییە ڕووەکاو دماتەرینە وەڵا مکریۆوە. چی چوارچوەنە جارێوە تەر بە دڵ بە گیان نەورۆز جە گەلی و تەماموو گەلاو جیهانی مەبارەک کەروو و مواچوو بژیوۆ، بژیوۆ نەورۆز.

ئایا دەنگدای پی  بکوش و ستەمکارا گوناح نییا؟

ئێمە لوایمێ دلێ ساڵێوە گرنگێوە، وەهارێوە گرنگیوە. ئێمە پیسەو گەلوو کوردی بە قۆناغێوە فرە گرنگرە ویەردیمێ. قۆناغێوە چانەنە ورچنیەیەکاو دلێ دەورێوە گرنگ دەگێڵنا.

پێسە مزانیۆ ماوەو ٩ ساڵان ئاکەپە-مەهەپە و ڕژێموو ئەرگەنەکۆنی هجوومێ دەسنەپارێزنانێ دژوو گەلەکەیما و جمیەرەکەیما کەرانێ. دەسەڵاتداراو ئا وەڵاتا شانازی بە کوشتەی گەنجە ژەنا و پیایاو کوردیوە مکەرانێ ڕوانە. مواچانێ ئارۆ ئاندەما کوشتێ، چکۆ هجوومێ کەرانێ؟ هجووم کەرانێ سەروو  وەرنیشت، سەرنیشت، پانیشتی. ڕۆشنا و گردوو گەلەکەیما موینۆش. هجووم کەرانێ سەروو سەرچەمەکاو ژیوای وەرنیشتنە.  هجووم کەرا سەروو نەوەشخانەکا و سەرچەمە ئاوییەکا و وێستگەکاو کارەبێ و نانەوایەکا و  هەرمانگەو هاردا. هجووم کەرا سەروو گردوو سەرچەمە گرنگەکا.  ئارۆ ملوێنا خەڵکوو ئێمە وەرنیشتنە بێکارەبێنێ، گازوایل بۆ گەرمکەرەوەکاشا بەکار مارا، دۆخێوە پەڕ جە کێشەن. کێ ئی دڕندەییە مکەرۆ؟ دیارا ئاکەپە مکەرۆش، ئارۆ ئاکەپە ستەمکاری و زوڵم  وەنەو گەلوو کوردی مکەرۆن.  وەختێ دیش گەلەکەما حەسەکەنە ژیوایشا وەش کەردەن، یەکسەر هجوومش کەرد سەرسا. حەرچندە شەنگال سنووروو تورکیایۆ دوورا، بەڵام گەلوو ئێزیدی، کە باسوو ئازادیی کەرا هجووم کەرا سەرشا. یانێ ستەمکار و زاڵمێنێ. ورچنیەی بە پڕۆسیوە چانەیە مکریۆ. مشۆم  گەلی وەڵاتپارێزن، دیندار و وەرپەرس دەنگ پا ستەمکارا نەدانێوە. ئینێ دوژمنێ گەلوو کوردینێ. باسوو تیرۆری مکەرا. شمە تیرۆرێ کەرا، تۆ کە گرد ڕۆوێ تیرۆر مکەری، مکوشی  خەڵکی مەدەنی، زارۆڵێ و گەنجاو مەکتەبەکا و گرد کەسێوە مکەرینە ئامانج. چی؟ چونکوم کوردێنێ. چی؟ چونکوم داواو مافوو وێشا مکەرانێ، دۆخێوە چانە نیا. بەڵام ئەگەر کوردێوە بە دین و ئیمان بلۆ و دەنگشا بۆ پەنە چێش ڕووە مدۆ؟

 ئیسە ئینایمێ مانگەو ڕەمەزانی مەبارەکینە. خاسا گوناح نییا ئەگەر چی مانگێنە کەسێوەە  ورزۆ و دەنگ پا  بکوش و ستەمکارا بدۆنە؟ ئانە تاوانا بەڕاسی. بەتایبەت بڕێوشا ئایینی بەکار مارانێ، خاسا تو بکوشنی و ئاییچ بەکار ماری. گەرەکشا ئی ئاینە مەبارەکەیە پەی بەرژەوەندیی وێش بەکار بارۆ و وزۆش خزمەتوو وێشۆ. ئیتر نمەبۆ گەلەکەما ڕا پی هەرمانێ بدۆ. جاران ڕەنگای بڕێ کەسێ هاگادارێ ئی ڕاسییا نەبیێنێ و ئی چێوێشا نەزانێنێ، بەڵام ئیساتێ ئینتەرنێت، مێدیا، دیجیتاڵ میدیا پاسە فراوانا گرد چێوێ ئاشکرا بۆ.  ئارۆ گرد لایێ هاگادارێنێ.پەوکای نمەبۆ ئیتر  ئا بێهۆشییە ڕووە بدۆ. نمەبۆ دەنگ بە دزەکا بدەیدێ. دەنگوو هەرکەسێوە مەیلوو وێشا. نمەبۆ کەس دەنگوو وێش بورەشۆ. پێویسا گەل دەنگ بە گەلەکەیش بدۆ، بە میللەتەکەیش، پەی دادپەروەری. پێویسا دەنگ پا کەسانە بدەیدێ کە بەڕاسیی خزمەتشا کەردەن نەک ئانێ وێشا و کەسوکاریسا دۆڵەمەندێ کەرا، تۆ دەنگش مدی پەنە تا زیاتەر تاڵانکاریی بکەرۆ، بەتایبەت ئانێ پەشتی بە ستەمکارابەسا ئیتر نمەبۆ کەس ئا جۆرە غەڵەتا بکەرۆن.

گۆشەگیری سەروو ڕابەر ئاپۆیۆ چێش بۆ قەیومیچ هەمان چێوا

قەیوم کێشێوەن، کوردستاننە قەیومی بەکار مارا، قەیوم چێشا؟ پاشێلکەردەی ئیرادەو گەلوو کوردین. دداننەنیایپۆرەو کوردان. پێسە چەنی  ئارۆنە گۆشەگیری و ئەشکەنجەی دەروونی سەروو ڕابەر ئاپۆی  تەنیا سەروو کەسێوە نییا، بەڵکوم سەروو گەلێوەن، سەروو گەلوو کوردین، قەیومیچ پاسنەنە. یانی سەلچوک مزراکلی هیچ تاوانێوەش کەردەن؟ چی ئیساتێنە ئینا زینداننە؟ وەروو ئانەیە نوێنەرایەتیی ئامەدیش کەرد. یان سەڵاحەدین دەمیرتاش، فیگەن یوکسەکداغ هیچ تاوانێوەشا کەردەن؟  وەروو ئانەیە وەرگێرییشا وەنەو حەقی کەرد، مافوو گەلوو کوردیشا پارێزنا، دیموکراسییشا پارێزنا ئینێ زینداننە. یانی مشۆم ئیتر گەلەکەما، دیموکراتیکخوازێ، لایەنگێراو دادپەروەری، ئازادی، دیموکراسی ئینەیە بوینان، ئیتر بەئاسایی نزیکێ نەباوە. ویرۆکەردەیۆیێ هەن،  نەژادپەرس، فاشیستا، زوڵمەکەرا وەراوەریچنە ئانێ کە کۆشیا، خەبات مکەرا، ئازادییشا گەرەکا، دیموکراسییشا گەرەکا، ژیواێوە هامبەشی دادپەروەرانەشا گەرەکا، دادپەروەرییشا گەرەکا.  خاسا هیچ چێوێوە چانەیە خاستەر هەن؟ گەلەکەما مواچان ئێمە دەنگ بە وێما مدەیمێ و بەڕاسی، دەنگ بە زاڕووەکاما مدەیمێ. ئانێ هاگادارێ بنەیانەکا نیەنێ و تەنیا مزانا ئانێ  لاو گەلیوە ورچنیێنێ، مشۆم دەنگوو وێتاشا دەیدێ.

پێویس نمەکەرۆ کەس بە وەڵاتپارێزنێوە بواچۆن هەرمانە پەی ورچنییەی بکەرە

سەرەڕاو ئانەیە  هەڵای دووێ حەفتێش مەنەن پەی ورچنیەی، جە گردی گرنگتەر نمەبۆ کارمەندێ تەنیا پەشتی بە کۆبییە و سەردای هامبی بەسانێ. نا، با یانە و یانە، دەگاو و دەگا، بەرە و بەرە، داواو دەنگا وەنەو گرد لایوە کەرا، داوا وەنەو ویژداندارا بکەرا قسێشا چنی بکەرا. بەکوڵی پێویسا چالاکی و وانایۆێوی خاس بە چالاکییەکاشا ورچنیەی بکەرا. پێویسا، هەرکەسێوە وێش بە وەڵاتپارێزن و دیموکرات بشناسۆ، پێویسا وێش بە واجب بزانۆ. پێویس نمەکەرۆ کەس پنەش بواچۆ  لوە، هەوڵێ دە و هەرمانە پەی ورچنیەی کەرە، بەڵکوم پێویسا وێش بە هەرمانەو وێش بکەرۆ. یان گرد کەسێوە سەرنجەش سەروو یانە و هامڕا و خێزانەکەیش بۆ. پێویسا گردوو وەڵاتپارێزنا پێسە مامەڵە بکەرانێ و وێش بە وەرپەرس بوینۆ چانەی گردلایێ ئاراستێوە  دروسرە هانی بدۆ.

ئێمە بە پرۆسێوە چانەیرە ویەردێنمێ. حکومەتو تورکی گەرەکشا وەهاروو ئێساڵینە جارێوە هجووم کەرۆوە، پێسە ئانەیە "زۆرانبازی دۆڕیا جە زۆرانێ تێر نەبۆ". سەروو بنەماو ئینەیچە مدرامانێوە تارێخیی وەش مبۆ. ئانێ ونمتەی و کوشتەیشا گەرەک نیا مەبۆ دەنگ پا کەسا بدا. مشۆم دەنگوو وەڵاتپارێزنا و شۆڕشگێڵنا قەوەتتەر بکەرا. پەوکای پێویسا گردلایی بلا سەروو سندوقەکاو دەنگدای و دەنگ بدا. من ئجۆم وەختوو ورچنیەیەکانە گەلەکەما بە هۆشیارییوە  ورسونیشت مکەرۆ و جوابی پێویس مدۆوە و پی عەقڵیەتە ڕەگەزپەرس، فاشیست و ئینسانکوشەیە کە گرد نۆعێوەرە گەلەکەیما چەوسنۆوە و هەڵوێستوو وێش نیشانە مدۆ. پێسە سڵام پەی گردوو گەلی وڵاتپارێزنیما مکیانوو، هومێدەوارنا ئەنجامێوە خاسشا دەس گنۆ و سەرکەوتەی بەدەس بارانێ."