سکرتێروو گرڎین و پارتوو چەپی و دیموکراتیکی کوردی جە سوریا ساڵح گەدۆ ئاماژەش پانەی کەرد کە بە گۆشەگیرکەردەی ڕابەروو گەلو کوردی عەبدوڵا ئۆجالانی، مافوو گەلو کوردی و گەلا ئازاڎیوازی پاشێل مکریۆ.
جە تشرینی یووەم و ٢٠٢٣ێوە هەڵمەتەو "ئازاڎیی پەی عەبدوڵا ئۆجالانی، چارەسەری سیاسی پەی پرسوو کوردی" دەسش پنەکەردەن. جە ١و ئازاریوە هەڵمەتەکۍ پڕاوە پەی قۆناغەو دووەموو ۋێش. جە سەرنیشت و ۋەرکەوتوو سوریای هەر جە سەرەتاو دەسپنەکەردەی هەڵمەتەکێوە بە بەردەوامی چالاکیۍ ئەنجام مڎریا.
سکرتێروو گرڎین و پارتوو چەپی و دیموکراتیکی کوردی جە سوریا ساڵح گەدۆ پەیوەس بە گۆشەگیری سەروو ڕابەروو گەلو کوردی عەبدوڵا ئۆجالانی و قۆناغەو دووەموو هەڵمەتەو "ئازاڎیی پەی عەبدوڵا ئۆجالانی، چارەسەری سیاسی پەی پرسوو کوردی". پەی ئاژانسیما قسێش کەردۍ.
جە سەرەتاو قسەکاشەنە ساڵح گەدۆ ئانەش بەروست زیاتەر جە ٢٥ ساڵان گۆشەگیری سەروو ڕابەروو گەلو کوردی عەبدوڵا ئۆجالانی هەن و ئاماژەش پانەی دا سەرۆککۆمارو تورکی تەیب ئەردۆگان بە سەختەرکەردەی گۆشەگیری پڕانۆ پەی قۆناغێوە تازۍ و واتش: "بە چەسپنای گۆشەگیری سیاسەتێوە نا ڕەوا جە ۋەرا ۋەروو ڕابەروو گەلو کوردینە بریۆ ڕاوە، گەرەکشانە بە تەمامی جە جەهانوو بەری بڕاشەرە. ئی سیاسەتەی بریۆڕاوە، سیاسەتێوە تاک لایەنەن. بە گۆشەگیری نەک بە تەنیا مافوو ڕابەروو گەلوو کوردی، بەڵکم مافوو گرڎوو گەلا ئازاڎیوازی پاشێل مکریۆ."
گەدۆ سەرنجش وست سەرو هەڵمەتەو "ئازاڎیی پەی عەبدوڵا ئۆجالانی، چارەسەری پەی پرسوو کوردی" و پی جۆرە بەردەوام بۍ: "چی دماییەنە جە سەرنیشتوو ۋەرکەوتوو سوریاینە زیاتەر جە ٣ ملیۆن ئیمزایا پەی ئازاڎیی جەستەی ڕابەروو گەلو کوردی کوۍ کریێوە. جە ئیساتێنە گەلاو جەهانی خاوەنداری جە ڕابەر ئاپۆی مکەرا و سیاسەتە پیسەکاو دەوڵەتوو تورکی شەرمەزار مکەرا. گرڎ کەسۍ داواو ئازاڎیی جەستەی ڕابەر ئاپۆی مکەرا. پێویسا ئەرەمەرزیاکۍ مافوو مرۆڤی و گلێرگەی میان نەتەوەی پەی ئازاڎیی جەستەی ڕابەر ئاپۆی هەنگامەی پێویسە بنیا و بە بێدەنگی نەمەناوە."
'پێویسا هیچ کەسێ جە ۋەرا ۋەروو سیاسەتی پیسوو تورکینە بێدەنگ نەبۆ'
ساڵح گەدۆ ئانەش دەسنیشانکەرد بە بەشداری گرڎوو گەلا جە سوریانە هەڵمەتەو "ئازاڎیی پەی عەبدوڵا ئۆجالانی، چارەسەری پەی پرسوو کوردی" بەردەواما و واتش: " جە گرڎوو هەرێمەکانە گەل داواو ئازاڎیی جەستەی ڕابەر ئاپۆی مکەرا. دەوڵەتوو تورکی چی خاوەندارییکەردەیە جە ڕابەروو گەلو کوردی متەرسۆ. پۊکەی پێویسا گرڎوو هێزە کاریگەرەکا سیاسەتوو جەهانی جە ۋەرا ۋەروو گۆشەگیریینە بێدەنگۍ نەبا و دمایی بە گۆشگیری بارا و گۆش جە داواو گەلا بگێرا.
جە سەرنیشت و ۋەرکەوتوو سوریای پەی ئازاڎیی جەستەی ڕابەر ئاپۆی چالاکی بە قوەت ئەنجامدریان، هەر پۊکەی قۆناغەو دووەموو هەڵمەتەکۍ فرە ۋەرفراوانتەرە و جەهانی تەرە بۆوە."
