سالیاڎوو ئەرەمەرزناو پەکەکەی قوبرسەنە بە جۆش و خرۆشۆ مبارەک کریا
جە دەگاو خیرۆکیتاو شاروو لیماسۆلی قوبرسی گەلوو کوردی و دۆسەکاشا بۆنەو ساڵیاڎوو ئەرەمەرزناو پەکەکەیۆ، جە دەوروو یۆی کوۍ بیېوە و ئا ڕووەشا مبارەک کەرڎ.
جە هۆڵ و مەراسیمەکەینە وێنەکۍ ڕابەروو گەلوو کوردی عەبدوڵا ئۆجالانی، وێنەو گەشمەرڎا و ئاڵاکاو پەکەکەی، هەپەگەی بە گۊرەیی هۊرواسیېبێنۍ.
چالاکییەکە بە دەیەقېوە ڕێزگېرتەی جە یاڎوو پاکوو گەشمەرڎا کۊشیای ئازاڎیی دەسشپنەکەرڎ. جە وەختوو ڕێزۋنەگێرتەکەینە نەشیدەو"چەرخا شۆرەشێ" ۋنیاوە و دروشمەکۍ "بژیۋۆ سەرۆک ئاپۆ"، "پەکەکە گەلا، گەل ئیناچۍ" بەرزۍکریېوە.
جە چالاکییەکەنە سەروو تاریخوو ٤٥ ساڵەو پەکەکەی کوڵە فیلمێوە نمایشکریا و سەروو ئا ڕووەیە سیاسەڎمەداروو کوردی لەزگین سەرحەد قسېش کەرڎۍ. دماتەر بە زۋانی یۆنانی و کوردی سەروو هەنگامەو 'ئازاڎیی جەستەیی پۍ ئۆجالانی، چارەسەری سیاسی پۍ کێشەو کوردی' نویسیایۍ ۋنیاوە.
جە چالاکییەکەنە دەسنیشانکریا کە ٤٦ەمین ساڵەو کۊشیای بۊنە بە ساڵەو ئازاڎیی جەستەیی ڕابەروو گەلوو کوردی عەبدوڵا ئۆجالانی. دماتەر کۆرۆی زارۊڵا تیۆفیلۆسی، گروپ و موزیکی قوبرسی هونەرەکەشا پێشکەش کەرڎ. چالاکا بە گۆرانیەکا گۊرانیواچا چاند و هونەری مەجلیسوو گەلوو کوردی قوبرسی دەسشا کەرڎ بە هۊرپڕای و چالاکییەکەشا بە هۊرپڕای دمایی پنەئارڎ.
