سارا ڕەزا، ئەندامەو تەڤگەری ئازاڎیی کوردسانی، جە پەیامێوە ڤیدیۆینە پۍ ئاژانسوو هەواڵوو فوراتی (ANF)، خوڵقەو گرڎوو گەلیش کەرد پۍ پیرۆزکەردەو نەورۆزی جە بناروو قەندیلینە و واتش: " گرڎما پێویسا جە پانیشتوو کوردسانی و پارچەکا تەرینە، بەشداری جە نەورزوو قەندیلینە کەرمۍ، نەورۆزوو ئێساڵی جیاوازا و جە چوارچێوەو پرسوو ئازاڎیینە پۍ ڕابەر عەبدوڵا ئۆجەلانی، چارەسەری سیاسی پۍ قەزیەو کوردینە و نەورزوو ئێساڵی بۆ بە نەورۆزوو ڕزگاری."

ئینە جە وەختێنە جە چن ڕووۍ چێوەڵتەرەنە تارا حوسێنە، هامسەرۆکەو تەڤگەری ئازاڎیی، جە دیڎارێنە چنی ئاژانسوو ڕۆژنیوزی، بە هەمان شێوە خوڵقەو گرڎ کەسێش کەردە پۍ پیرۆزکەردەو نەورۆزی جە بناروو قەندیلی و دڵنییای ئاماڎەکاری تایبەت بە مانگەو ڕەمەزانیش دا.