کۆمەڵەو مافەکاو ئینسانی (ئیهەدە) و وەقفی مافەکاو ئینسانوو تورکیای و یۆبییەی پزیشکە تورکا بە نامونیشانو "زیندانەکاو جۆروو چاڵێ"، ناوەندی گردینو ئیهەدەینە چالاکییشا کەرد، هامسەرۆکی گردینوو ئیهەدەی حوسەین کوچوکبلابان، سەرۆکوو وەقفوو مافەکاو ئینسانوو تورکیای مەتین باکالچی، سەرۆکوو یۆبییەی پزیشکە تورکا شەبنەم کۆرو فینانجییە و چندەها کەسێ ئامادێ بێنێ.

شەبنەم کۆرو فینانجییە واتش، تا مێ کێشەو زیندانەکا زیاتەر بۆ و زیندانەکێ بیێنێ ناوەندوو ئەشکەنجەی و پاشێلکەردەی مافەکا، زیندانەکێ فاڕیێنێ پەی چاڵێ، گردوو مافەکا دەسبەسەرێ کریێنێ، گرد چێوێ و گرد چالاکیێوە قەدەغە مکریانێ، پەی نموونەی، قەدەغەکەردەی چالاکیی ١وو ئایاری.

فینانجییە تیشکەش وستە سەروو چالاکیی مانگێرتەی جە واردەی زیندانی، جۆری تازەو زیندانەکاش پێسەو جۆروو چاڵێ پێناسە کەرد و واتش گۆشەگیریی دلێ زیندانەکا گرد جڤاکێونە وەڵا بییەنۆ: "ژمارەو زیندانەکا تا مێ زیاتەرێ با. وەزارەتوو دادی ساڵەو ٢٠٢٤ینە وەشکەردەی ١٢ زینداناش ئەرەیاونا، گەرەکشانە دلێ دەستبەسەریێوی گەورەینە بازاماوە".