شێخ سەدام زامل عەتوانی، کە یۊن جە شێخ عەشیرەتەکا عێراقی و جە هەمان وەختەنە شارەزان جە مەجالەکا (ئاوۍ و وشکەساڵی و کارەساتە سروشتییەکان)ە، سەبارەڎ بە ئامانج گېرتەی عېراقی جە لایەنوو وڵاتا هامسایۊ، پېسە تورکیای جە ڕاو بەکارئارڎەی ئاوېوە پېسە چەکی و کارتوو فشاری و کاریگەری بۍ ئاوی سەروو ئاینڎەو ژیۋگەو عێراقی و سامانەکا کشتوکاڵی و ئاژەڵی، پۍ ئاژانسوو هەواڵی فورات(ANF)ی دوا.

بەمەڵامەتوو کەمئاویۊ جە عێراق کارەساتی ژیۋگەیی ڕووە مڎۊ

شێخ سەدام زامل عەتوانی، سەبارەڎ بە ئاژەو کەمئاوی و ژیۋگەیی عێڕاقی ئاشکراش کەرڎ: "جە ئاژەو ئارۊینە عێراق دەس و کەمی کاوېوە مناڵنۊ و ئی کەمئاویچە کە عێراقش کەرڎەن ئامانج، جەڕاسینە کارەساتێوە ژیۋگەیی گۊرەش ۋنە گنۊوە، کە کاریگەریش سەرو ئی جیلەیە و ئاینڎە و تەماموو گەلا عێراقی بۊ جە چوارچێوەو ئا مەنتیقە جوگرافییەینە هۊرکۊتېنۍ وشکەساڵی بە فراوانی ڕووە مڎۊ، حەرپاسە بەمەڵامەتوو کەمئاوییۊ، قۊرتېوە گۊرۍ پیسبیەی ژیۋگەیی جە عێراقەنە هەن".

کەمی ئاوۍ بیەن بەمەڵامەتوو دلېنەشیەو ئاژەڵا بە جەم

شێخ سەدام زامل، کە چا مەجالەنە شارەزان، سەرنجش وست سەروو قۊرتەکا کەمبیەیۊ ئاوۍ بە مەڵامەتوو گېرتەیۊ و بڕیەی سەرچەمەکا ئاوېوە جەلایەنوو دەوڵەتا هامسایۊ و ۋاتش: "ئی بێ ئاوییە بەڕاسی ژیۋای مرڎنۊ و بۊ بەمەڵامەتوو شەرمەزاریېوە گۊرەی و کارەساتێوە گۊرە وەش کەرۊ بە نەژیۋایۊ کشتوکاڵی و کەرتوو کشتوکاڵی و ئاژەڵداری، حەرپاسە دلېنەشیەو ئاژەڵداری بەگرڎی و بەتایبەتی جە پارێزگاکا پانیشتوو عێراقی هەن، بېجگە چینەیچ کەمبیەیۊ ڕېژېوە فرە جە ئاوۍ هەن ئینەیچ بیەن بەماڵامەتوو بە بیابانبیەی و مەتاویۊ کشتوکاڵ کریۊ، بەتایبەتی جە پارێزگاکا پانیشتوو عێراقینە".

بەپاو پیمەرە میان نەتەوەییەکا بەکارئارڎەی ئاوۍ پۍ داژیەتی کەرڎەی تاوانەنە

شێخ سەدام جە درێژەو قسەکاشەنە ۋاتیچش:"ئارۊ عێراق جەلایەنوو وڵاتا هامسایۊ بە ئاوی کریۊنە ئامانج و وڵاتە هامسېکېچش پەنەوازەن به چەمېوە گۊرۊ تەماشەو عېراقی کەرا، چونکی عێراق وڵاتوو شارستانییەتی و تاریخیا، حەرپاسە پیمەری میان نەتەوەیی هەن که دژایەتی کەرڎەی بە گېرتەیۊ ئاوېوە قەڎەغە کەرۊ و به تاوانەش مزانۊ، ئاویچ پۍ گرڎ وڵاتێوە گرنگەنە، پېسە خوڎا فەرماۊ ' گرڎ چېۋېما جە ئاوېوە زینڎەکەرڎەن' ".

تورکیا گەرەکشا ئاوی ۋەران ۋەرو نەوتۍ جە دژوو عێراقی بەکاربارۊ

ئا سەرۆک عەشرەتە، بەرنامەو تورکیایش جە بڕییەی ئاوەو عێڕاقینە ئاشکرا کەرڎ و ئەرەیاۋناش: "جە تەرەفوو تورکیایۊ بەمەڵامەتوو ئاوېوە فشار وزیۊ سەرو عێراقی کە جە ۋەران ۋەرو نەوتېنە ئاوی نەگېرۊوە و ئینەیچ بە شێۋېوە یەکجارەکی ڕەڎکەرمېوە، چونکی ئاویی جەلایەنوو خاڵقیۊ وەش کەریېنە و جە بارەگاو  خالقیۊ وەستېنەرە، پۊکاتی ئاویی بەموڵکوو کەسی مەزانیۊ و موڵکوو تەماموو ئینسانیەتینە".

گیرتەیۊ ئاوۍ و تەژنەکەرڎەی ئینسانەکا ملۊنە بابو جینۆساید کەرڎەیۊ

جە دمادماینە شێخ سەدام زامل عەتوانی، جە بارەو پیمەرە میان نەتەوەییەکا سەروو پاشێلکەرڎەی مافوو ئاوەو وڵاتاوە، ۋاتش: "پەرسوو ئاوۍ لایەنێوە گۊرەو مرۆڤایەتیین، وەختۍ تەژنەش بۊ و زەمین تەژنەش بۊ، ئانە بۊ بە جینۆساید و تەماموو یاسا میان نەتەوەییەکا و پیمەرەکا نەتەوە یۊگېرتەکا و ئامانجە دیاریکریاکا نەتەوەیۊگېرتەکا ئاگاڎیی مڎۊ، جە بەئامانج گېرتەی ئاوەو وڵاتا هامسای و ئیڎانەو حەر پاشێلکەرڎېوە پا جۆریە کەرۊ".

هـ.ش