شەنگالنە بە گلێرۊبیەیۍ گرڎیی پێشوازی جە نەورۆزی کریا
شەنگالنە کۆمیتەو پەروەردەیی زنجیرێوە گلێرۊبیۍ گرڎینێش پۍ ئشناساو نەورۆزی ڕێکوستۍ، تەئکید کریاوە کە گلێرگەو ئێزدی زیاتەر جە گرڎ کەسی مشۊم خاوەنداری جە نەورۆزی بکەرۆ.
بۊنەو ئامای نەورۆزیوە، کۆمیتەو پەروەردەیی شەنگالی زنجیرێوە گلێرۊبیۍ گرڎینێش پۍ ئشناساو نەورۆزی ڕێکوستۍ ، کە تا کۊمکوشی ٢٠١٤ بە مەڵامەتوو سیاسەتوو جینۆسایدوو چاندییوە گلێرگەو ئێزدی جە مەراسیموو نەورۆزی بێبەشۍ بیۍ، بەڵام ئیسە گلێرگەو ئێزدی جە جینۆسایدی جەسڎەیی و چاندی پارێزیان.
پۍ پارێزناو گلێرگەی جە جەنگی تایبەتی، ڕێکوزیا و ئەرەمەرزیاکۍ شەنگالی خولی پەروەردەیی پۍ هوشیارکەردەیۆ گەلی و ئشناسای نەورۆزی ڕێکوزا.
جە کۊبیەیۆ هێزینە جە ئەنجوومەنوو گەلوو خانەسۆری، ئەنداموو لوجنەو پەروەردەی، قاسم خودێدا واتش: "جە وەڵینگەو گەلوو ئارینە نەورۆز مەعناو ۋێش هەنە و سیمبولوو مدرامانیا، جە گرڎ هەنگامێوەنە گەلوو کوردی بە ئامای نەورۆزی ئاستوو کۊشیایش پۍ ئازاڎیی بەرزکەردەنۆ و بە ڕۆحوو کاوەی گورزەی ئێژاش جە دوژمنی شانێنە، پۍ ئانەی ئی ڕۆحوو مدرامانیە گەشە نەکەرۆ، دوژمن هەرچیێش دەسەنە ئامان کەردەنش و گەرەکشانە ئی ڕووەیە جە گلێرگەو کوردینە نازا".
حەرپاسە تەئکید کریاوە کە پێویسا گلێرگەو ئێزدی خاوەنداری زیاتەر جە نەورۆزی کەرا و ئێروو مدرامانی گەشتەر بکەرا.
گلێرۊبیەکەی بە نیشاندای سینڤزیۆنێوە دمایش پنە ئاما.
