جە دەگاو "دووگرۍ" سەر بە مەنتیقەو سنونۍ شەنگالی، بەسەرمەشقی یۊبیەی ژەنا گەنجۍ ئېزیدخانی جە چوارچېوەو هەڵمەتەو"ژەنی، ژیای، ئازاڎیی،  ئازاڎیی بیاوندۍ بە سەرکۊتەی"گلېرۊبیەیۍ بەبەشڎاری تەژەئای جە بارەو پیلانگېڵی ٩و تشرینی یۋەمی دژوو ڕابەر ئاپۊی لوواڕاوە.

هالا شەنگالیە، ئەنڎامەو یۊبیەی ژەنا گەنجی ئېزیدخانی سەرنجش وست سەروو پیلانگېڵی ٩و تشرینی یۋەمی و ۋاتش،"چن ساڵېوەن ڕابەرەکەما ئینا دلۍ چوار دیوارانە، ڕابەرەکەما گلېرگەی و گەلەکەیما جە ستەمی و زۊرداری نەجات مڎۊ، دوژمنی فاشیست فرە عال مزانۊ کە ئازاڎیی جەستەیی ڕابەر ئاپۊی بە ماناو ئازاڎیی گلېرگەیا، حەرپۊکەی گۊشەگیری زیاتەروو تنتەر کەرۊ. پېسە ژەنا گەنجی و ئەڎایا، ئیسە ئینایمۍ چ ئاستېوەنە؟ قەناعەتما بە چ شېۋېوەن؟پېسە ژەنا جە شەنگالەنە بە چ شېۋېوە کۊشیای کەرمۍ؟. ئینۍ گرڎ جەسایەو ئەندېشە و فەلسەفەو ڕابەر ئاپۊینۍ".

هالا شەنگالیە جە درېژەو قسەکاشەنە ، تەئکیدش کەرڎۊ، پېسە ژەنا گەنجی پۍ ئازاڎیی جەستەیی ڕابەروو گەلوو کورڎی، عەبدوڵا ئۊجالانی ئانەی جە تواناشانە بۊ ئەنجامش مڎا. ۋاتیچش،"ئەگەر وەڵۍ فەرمانەکېنە ئەندېشەو فەلسەفەو ڕابەر ئاپۊی دلۍ ئېمەنە حزورش بیۍ، ئا کارەساتەما سەرەرە نۍ. تا ئیسەیچ کناچۍ و ژەنا ئېزیدیۍ ورەشا. ئارۊ کە ئېمە ئی ئەندېشەما ئشناسان ، پېسە گەنجا شەنگالی حەرچېۋېما دەسەنە بۍ پۍ ڕابەر ئاپۊی ئەنجامش مڎەیمۍ، چونکی ڕابەر ئاپۊ ئا کەسەنە کە گلېرگەی ئېزیدیش یاونا پی ئاستەیە".

دماو قسەکا بەڵگە فیلمېوە جە بارەو ژیۋای ڕابەر ئاپۊیۊ نمایش کریا. گلېرۊبیەکە بە دروشمەکا "بۍ سەرۊکی ژیۋای مەبۊ" و "بژیۋۊ سەرۊک ئاپۊ" دمایش پنە ئاما.