ئەنڎاموو کۆمیتەو ناوەنڎی پەکەکەی جەمال شەریک بۆنەو ساڵڕۆو پیلانگێڵیی میان نەتەوەیی ٩و تشرینوو یۋەمی قسېش پۍ ئاژانسوو هەواڵی فورات (ANF)ی کەرڎۍ.

شەریک ۋاتش: "جە ساڵیاڎوو ٢٥ەمینو پیلانگێڵیی میان نەتەوەیینە ۋەڵۍ گرڎ چېۋېنە سڵام جە ڕابەر ئاپۆی کەروو کە دلۍ گۆشەگیری ٢٥ ساڵەو ئیمراڵینە، دلۍ هەلومەرجی نائاسایینە ۋېڕاگری کەرۊ، بە مدرامان تاریخ منۋیسۊوە. حەرپاسە جە کەسایەتی هامڕایامانە کە بە دروشمەو "شمە مەتاودۍ ڕۊو ئێمە تاریک کەرڎۍ" جە دژوو پیلانگېڵی میان نەتەوەیی ئاێرشا جە جەسەیشا ۋەردا و ژیۋایشا جە دەسدا، گرڎوو گەشمەرڎا ئاخېزەکەیما بە رێز و پنەزانایۊ ۋیر ماروە.

٢٥ ساڵۍ واتە چارەکە سەڎېوە. ماوېوە کەم نییا. ڕابەر ئاپۆ فرەو ئا ٢٥ ساڵەیشە جە زینڎانی تاکەکەسینە ۋیەرنان، سەرەڕاو ئانەی چی دماییەنە بڕۍ هەڤاڵېشا بەرد لا، بەڵام جە بەینشانە سیستمێوە گۆشەگیری وەش کریان، حەرپۊکەی فرەیی ژیۋای ۋېش، گرڎ ساتێوە ژیۋای ۋېش بە کۊشیای ۋیەرنۊ. ۋەروو ئانەی جارێوەتەر سڵام چا مدرامانە تاریخیە کەروو. ٢٥ ساڵۍ ماۋېوە کەم نییا. مزانمۍ کە چا قۆناغەنە ئاخېزېوە ئاما ئاراوە. حەرپاسە جە ۋەران ۋەروو ئاخېزینە، ئاخېزی پێچەوانە کریۊ، حۊڵوو تێکدایش مڎریۊ. چارەکە سەڎېوەن جە تاریخوو گەلانە ماوېوە گرنگا، کە ۋەڵېکۊتەی گرنگ چنەشەنە ڕووە مڎا. حەرپۊکەی مشۊم ئینسانەکۍ ئا ٢٥ ساڵەیە بە ئاسایی نەۋینا. مشۊم ئینسان سەرنج بڎۊ سەروو ئا رووەدایا جە ماوەو ئا ٢٥ ساڵەینە ڕووەشا دان.

ڕابەر ئاپۆ جەماوەو ٢٥ ساڵانە بێ مرڎای ۋېڕاگریش کەرڎ و پاسەش کەرڎ ئاخېزوو کوردسانی بیاوۊ ئی ئاستە. ئاژەو گېرتەی ۋەروو دەموو دەوروو ئاڎینە نەبیەن بە لەمپەر. بێگومان ئەگەر دیل نەبیۍ، دلۍ هەلومەرجی جیاوازینە بیۍ، فرەو چېوی تەری پێشکەش بە گەلوو کوردسانی و مرۆڤایەتی کەرۍ. بەڵام سەرباروو ئانەیچ دلۍ هەلومەرجی هەنووکەیینە راسیېوە فرە گرنگ بە ئاخېزوو کوردسانی، گەلا مەنتیقەکەی و مرۆڤایەتی جەهانی بەخشا. پاڕادایمی دیموکراتیک، ئیکۆلۆژیک و ئازاڎیوازی ژەنۍ، کە شمە پېسە پارادایمی تازەی پێناسەش کەرڎۍ، یۊ چا دەسکۊتانە کە خوڵقنانش. ئانە پېسە سەرجەنۊ جە ئەڎابیەیۊین، سەرجەنۊ هۊرسەنگنای جەهانین بە شێۋېوە عال.

ۋەروو ئا هێزە میان نەتەوەییا کە پیلانگێڵیشا ۋەران ۋەر بە ڕابەر ئاپۆی ئەنجامدا ٢٥ ساڵېن ڕابەر ئاپۆشا کەرڎەن ئامانج. ۋەروو ئانەی ئا چېۋۍ خولقنېنېش بە ماناو فاڕیای سیستمی  مۆدێرنیتەی سەرمایەداری، ڕاوەبەرڎەی کۊشیاین جە دژوو ئانەی. ۋەروو ئانەی بە پیلانگێڵیی میان نەتەوەیی نەک حەر ڕابەر ئاپۆش گېرت، جە هەمان وەختەنە درێژەش پنەدا".

'مرۆڤایەتی خۊتانکەرڎەی جە ئەندێشەکاش کەرۊ'

جەمال شەریک هەلومەرجی دژواروو ٢٥ ساڵا گېرتەیش ۋیر ئارڎۊو ۋاتش، "سەرەڕاو نەبیەی دەرفەتیچ بە هێزوو ئەندێشەی ۋېش پارېزنۊ و پانەیچ بۊ بە نمونېوە پۍ تەماموو مرۆڤایەتی. جە ئاستی هەنوکەیینە مدرامانوو رابەر ئاپۆی سنوورەکۍ ئیمراڵیش ۋیەرنېنۍ. کۊشیای گەلوو کوردسانی، گەلا ۋەرکەوتوو میامینی جە دژوو ئی سیستمەینە.

کۊشیای مرۆڤایەتی جەهانی دژوو ئی سیستمەینە. واتە جە سنوورەکا ئیمراڵینە ۋیەردەن، دلۍ سنوورەکا کوردسانی، تورکیای، ۋەرکەوتوو میامینی و جەهانینە یاۋان ئاستێوە مدرامانی و مدرامان تەنیا بە ڕابەر ئاپۆیۊ قەتیس نەمەنەن. بە رابەرایەتی رابەر ئاپۆی جە لایەنوو تەماموو مرۆڤایەتیوە ڕاوەبەر کریۊ. نەک حەر گەلوو کوردستانی و کادرەکا پەکەکەی، جە هەمان وەختەنە جە مرۆڤایەتی جەهانینە خۊتانکەرڎەی جە ئەندێشەکا رابەر ئاپۆی کریۊ. نیشانۍ دیار و ۋەرچەموو ئانەی ئانەنە کە ئەندێشەکۍ ڕابەر ئاپۆی ئارۊ بە زۋانە جیاجیاکا هۊرگېڵنایشا پۍ کریۊ. مشۊم ئینسان دلۍ راسیېوە پا جۆرەینە ٢٥ ساڵۍ پیلانگێڵیی میان نەتەوەیی هۊرسەنگنۊ. جە ۋەران ۋەروو پیلانگێڵیی میان نەتەوەیینە چېش کریا، چېش بەدەس ئاما؛ ئانېش گرڎ بە ڕۊشنی وستۍ وەروو چەما".

جەمال شەریک ۋیرش ئارڎۊ کە جە ماوەو ٢٥ ساڵانە کە ڕابەرایەتی گیریان، ڕېکوزیۍ فرۍ پاکتاو کریېنۍ و ۋاتش، "پۍ نمونەی ئاژەو گەریلاکا ڕاو ڕۊشنایی جە پێروو پی جۆرەنە. حەرپاسە چېروو هجومی دژوارینە ژمارېوە فرە جمیەرۍ کۊتۍ لێواروو پاکتاوبیەی و هۊرشېونایۊ. هەڵایچ بڕۍ رێکوزیۍ هەنۍ کە ۋەران ۋەروو هجومی پا جۆرەینە مەتاۋا ۋېشا کۊکەراوە و بەیاوە سەروو ۋېشا. بەڵام جە کوردسانەنە پی جۆرە نەبۍ. ئانەی ناستش پی جۆرە بۊ خودوو رابەر ئاپۆی بۍ. جە هەر دەرفەتێوەنە پۍ وەڵېوستەی ئاخېزی هۊرسەنگنایش کەرڎەن. حەر قسېوەش پېسە کاریگەری شەپۆلۍ بە گرڎ یاگېرە ۋەڵا بیەنۊ. ئا کاریگەرییە پاسەش کەرڎ کە ئاخېزوو کوردسانی سەرەڕاو گرڎ چېوۍ سەروو پەیاوە مردۊ. پەکەکە سەرەڕاو گرڎ چېۋۍ بە بە پاگیریۊ کۊشیای کەرۊ. حەرپاسە پاسەکەرۊ کە ئەندێشەو رابەرایەتی جە کوردسان و هەرێمەکە و تەماموو جەهانی دلۍ گەلانە ۋەڵا بۊوە. ئانەیچش جابەجېش کەرۊ کۊشیای و مدرامان رابەر ئاپۆین دلۍ هەلومەرجوو ئیمراڵینە. ۋەروو ئانەی ئا دەسکەوتۍ خولقنېنېش فرە گۊرېنۍ. ئا دەسکۊتۍ ئاخېزوو کوردسانیش زیاتەر بەردېنۍ وەڵېوە. دەرفەتش خوڵقنان کە بە ڕا و رێبازی تازەی کۊشیای ئا کۊشیایە متاویۊ زیاتەر وەڵۍ وزیۊ. پاسەشکەرڎ کە پا رێبازەیە پەرسە هەنووکەییەکۍ چارەسەر کریا".

جەمال شەریک ئانەش دەسنیشان کەرڎ کە کۊشیای جە دژوو پیلانگێڵی میان نەتەوەیی بە بنەماگېرتەی مدرامانوو رابەروو گەلوو کورڎی متاویۊ دلېنەبریۊ و باسش چانەی کەرڎ کە بە بنەما هۊرگېرتەی مدرامانی رابەرایەتیچ بە کەردەیۊ و ئەنجامدای یۊ بە یۊ هەرمانەکا رابەرایەتی مەبۊ.

جەمال شەریک دەسنیشانش کەرڎ کە بە بنەماگېرتەی رابەرایەتی بە ئەنەیاوای جە ئەندێشەکاش ئاڎ بە جابەجێ کەرڎەی ئا ئەندێشا بۊ و سەروو ئا بنەمایە جە ساڵەو ٢٥ەمینوو پیلانگێڵیی میان نەتەوەیینە جارێوەتەر سڵام جە مدرامانوو رابەروو گەلوو کورڎی عەبدوڵا ئۆجالانی کەرڎ.