جە ماوەو ڕوانی ۋېیەردەینە ششش هامولاتیې جە ناوچەکا دێولان، بۆکان، پیرانشار و مهابادینە جە لایەنو هێزە ئەمنییەکاوە باڵبەسې کریێنې و بێسەروشۊنې کریێنې. هەڵای حیچ زانیاریێوە دەربارەو مەڵامەتوو باڵبەسکەردەکەیشا و ئا یاگې پەیش بریێنې وەڵا نەکریانۆ.
بەگوێرەو ئا زانیاریا وەڵا کریێنێوە جە لایەنو سەرچەمەکا مافو مرۆڤیوە، جە ماوەو یەرې ڕووا ۋېیەردەینە شش هاموڵاتی خەڵکو ۋەرکۊتوو کوردەسانی جە لایەنو هێزە ئەمنییەکاوە باڵبەسې کریێنې. ئی باڵبەسکەردەیە جە ناوچەکا دێولان، بۆکان، پیرانشار و مهابادی ئەنجامدریێنې و تاوەکو ئیساتې حیچ زانیاریێوە سەرو چارەنوویس و مەڵامەتوو باڵبەسکەردەی ئی کەسا ۋەردەس نییا.
چوار هاموڵاتیې بەنامەکا فریا چەم کەوەی، محمدالـلە ڕەزایی، ئیسماعیل چوکڵی و زەبیر محمودی جە ١٩ پەی ٢١و حوزەیرانی جە لایەنو هێزە ئەمنییەکاوە باڵبەسې کریێنې. یەرې کەسێشا جە شارەکاو بۆکانی و دێولانی، کەسێوەیچشا جە پیرانشار باڵبەسې کریێنې.
هەرپاسە ڕۊو جومعەی ٢٠و حوزەیرانی، دووې هاموڵاتیې تەرې بەنامەکا کامەران ڕوازی ٢٨ ساڵی و سەڵاح بەهمینی ٣٧ ساڵەی خەڵکو مهابادی، بەبێ بەرشیەو حیچ ئەمرێوە دادوەری جە لایەنو هێزە ئەمنییەکاوە باڵبەسې کریێنې و بێسەروشۆنې کریێنې.
تاوەکو ئی ساتە وەختە حیچ زانیاریێوە فەرمی سەبارەت بە یاگې مەنەیۆی و ئا تۆمەتا کە ئی کەسێشە پنە تۆمەتبار کریێنې وەڵا نەکریانۆ. سەرچەمە دلېینەییەکې سەبارەت بە زیاڎبیەی باڵبەسکەردەی بەبێ ئەمرەو دادوەری و ناڕۊشنی ئاژەی یاسایی باڵبەسکریایا نیگەرانیشا بەربڕی.
