جە هۊڵ و لقو سلېمانی بەدروشمەو،''پەرەپنەدای بە تواناکا ژەنا وتەماشەکەرڎەیۍ فراوانی پۍ پەرسەکا" لقو سلېمانی ڕېکوزیاو  ژەنا زەحمەتکېشان و کورڎسانی بەمەبەسوو پەرەپنەدای بە تواناکا ژەنا ۊرک شۊپېوەشا سازکەرڎ، جە ۊرک شۊپەکەنە ژمارېوە جە ژەنا پارت و ڕېکوزیاکا و بوارو ژەنا دلېچشانە ڕېکوزیاو ژەنا ئازاڎوو کورڎسانی( ڕەژاک)ی بەشڎارۍ بېنۍ.

یاگۍ باسیا، خولوو ۊرک شۊپەکەی بەسەرپەرەشتی پارېزنەرە ئەشواقە نەجیبی لۋاڕاوە، کە پۍ ماوەو دۋۍ ڕۋا وەردەوام بۍ، مەبەس جە ئەنجامدای ئی ۊرک شۊپەیە، پنەیاۋناو ژەنا بۍ کە حۊڵ بڎا با بە ژەنېوە کاراو سەرمەشقۍ دلۍ مەجالەکا ۋېشانە.

زەکیە ڕەحیم ئەنڎامەو لقوو سلېمانی  ڕېکوزیاکەی باسش چا ئیسفاڎە و کاریگەریا کەرڎ کە چی جۊرە چالاکیانە هەن، ۋاتش،'' دماو هەرکۊڕو مەجلیسۍ ئېمەی ژەنی کاروەدایما سەرو خودو ۋېما و چواردەورەکەیما بۊ''.

حەر جە درېژەو قسەکاشەنە نەرمینە ئەنڎامەو لقوو سلېمانی ڕېکوزیاکەی، باسش جە ئاژەو ژەنا کەرڎ گەر دماو حەر ۊرک شۊپېوە یاخوڎ سیمینارېوە سەرو پەرسوو ژەنا متاۋمۍ هەرمانە سەرو ئاژەو ژەنا کریۊ  بەهەماهەنگی.

جە دۋەم ڕۊو ۊرک شۊپەکەینە و جە دما دماینە شەهادەو بەشڎاری بیەی بە ژەنا ئاماڎەبیەی  دریا.

هـ . ش