سەرۆکو گرڏی ئەهەپەی هاکان ئۆزتورک سەرنجش وست سەرو چەمپنەکەوتەکا و هەوڵە ئاشتیوازەکا تەڤگەرو ئازادی کوردی و واتش: "ڕاوەبەردەو پڕۆسەو ئاشتی و ئەوەکۆشای، بۆنە مەڵاماتو ئەوەکۆشای گرڏی و یۆبییەی بە هێزتەر مکەرۆ."
دماو زینانی کەردە سەرۆکو شارەوانی گۆرە و شارس ئەستەنبوڵی ئەکرەم ئیمام ئۆغلۆ چالاکییەکێ شەرمەزار کەردەی بەردەوامێنێ. دەسەڵاتداری بە دەس سەرەرەگێرتەی، زینانی کەردەی و ونەپەرسایۆ ناچارا ڕاگیری جە چالاکییەکا شەرمەزار کەردەی گێرۆنە.
گفتوگۆو ئەوەکۆشای هامبەش کە ماوێوە فرە ئینا ڕۆژەڤەنە، بە چالاکی ناڕەزایەتی بییەی جە وەراوەرو دەسەڵاتداری و سیستەمی سەرجەنۆ کەوت ڕۆژەڤۆ.
'مشۆم گرنگی تەڤگەرو کوردی وەرچەم گیریۆنە'
سەرۆکو گرڏی پارتو تەڤگەرو ڕەنجی (ئەهەپە) هاکان ئۆزتورک سەرو پەرسەکێ پەی ئاژانسا هەواڵو فوراتی (ANF) قسێش کەردێ و ئاماژەس پانەیەدا هەنگامێوە ئەوەکۆشای هامبەشی سۆسیالیستی و تەڤگەرو سیاسی کوردی بۆنە، هەنگامێوە تەرو جەهەپەی و جە گفتوگۆکانە پاگیریش سەرو یۆبییەی گرنگی تەڤگەرو ئازادی کوردی کەرد و واتش: "چی پەیوەندییەنە ئنەی هامکاری سۆسیالیستەکا و تەڤگەرو سیاسی کوردی، پەیوەدنییەکا چنی جەهەپەی خاوەن یاگێوە گرنگەنە. ئینە حەقیقەتو ئانەی نیشانە مڏۆ کە پێسەو وەڵێ وێش لێوەتەرەنە منیۆرە.
'مشۆم ئینسان پەیوەس بە پڕۆسەو تازەی سەرو پەرسەو کوردی فرە ئاگادار بۆنە'
واتیشش: "بێگومان تاوۆنە ئینەیە جێبەجێ بکەرۆ. ئەوەکۆشای گەلوو کوردی واڵەو و برایەتی گەلا، ئەنتەرناسیۆنالیست و یەکسانیش جە وێ گێرتەن. تاومێنە ئینەی بە ۆشنی وینمی کە ئینە بەردەواما. بە پاو ئەزموونەکا وەڵینی، مشۆم ئینسان پەیوەس بە پڕۆسەو تازەی سەرو پەرسەو کوردی فرە ئاگادار بۆنە. کاتێ ئایێربەستەی هورشێویۆوە ئاشتی دمایش مێ و تنوتیژیێ گۆرە ڕووەمڏۆ. حەرپۆکەی مشۆم گرنگی پی پڕۆسە تازەیە دریۆ و تەڤگەرو ئازادی کوردیچ پێسەو جیاوازی جە سۆسیالیستەکا تەری نە وینریۆ. بە پێچەوانە ڕاوەبەردەو پڕۆسەو ئاشتی و سەروستەی جە لایەنو تەڤگەرو کوردیۆ یۆبییە و ئەوەکۆشای هامبەشی بە هێز مکەرۆ."
'مشۆم دەمودەس هەنگامە نریۆنە'
جە دماین و قسەکاشەنە ئۆزتورک واتش: "ئیسە هەوڵدای سیاسی هەن کە هەردووی بڕێ زیاتەر یۆی بشناسا و نزیکێ بیینێ جە یۆی. ئی تەڤگەرە بەبێ پەراوێز وستەی دۆخو ئیسەی هەنگامە منیۆ و ئەنجامی گرنگ چنی وێش مارۆنە. ئانێ هەوڵمڏا پەی بە دی ئاردە و یۆبییەی مشۆم دەمودەس هەنگامە بنیا".
