حەفتەی وەڵین ڕۆمانە پایتەختو ئیتالیای کۆنفرانسێوە 'ئازادی پەی ئۆجالانی، چارەسەرو مییاننەتەوەیی پەی پرسو کوردی' ئەنجام دریا. جە کۆنفرانسەکەنە زیاتەر جە ٣٠٠ کەسێ جە نوێنەرا پارت و ڕێکوزیێ مەدەنییەکێ و ژەنێ جە ١٦ وڵاتێ جەهانیۆ بەشدارێ بێنێ. جە کۆنفرانسەکەنە گفتوگۆی فکر و فەلسەی ڕابەر ئاپۆی کریا، هەرپاسە ئاستو ویەردەی، وە ئایندەو هەڵمەتەو جەهانی ئازادی ڕابەر ئاپۆی هورسەنگیان. بانگەوازە تاریخییەکەو ٢٧یپو شوباتو ڕابەر ئاپۆی مۆرەو وێش جە کۆنفرانسەکەی دا و گرڏ بە ڕاو چارەسەری پەی پەرسەو هەرێمی و جەهانی داشاوە یۆ. جە کۆنفرانسەکەنە ژەنێ بەشدارییێ چڕ و کاریگەرشا بێ، کۆمونو ژەنە جوانا تۆرینۆی یۆ بێ جە بەشدارا کۆنفرانسەکەی. جە بارەو دەورو جوانا و کۆنفرانسەکەی ئورۆرای تەمەن ٢١ ساڵ ئەندامەو کۆمونەکەی ۆەی ئاژانسو هەواڵو فورات نیوزی (ANF) قسێش کەردێ.

'ڕابەر ئاپۆ بە خوڵقناو کەسێتی ئازاد شۆڕشو فاڕییایش ئارد ئاراوە'

ئورۆرا ئاماژەش پانەیەدا پرۆسەو ئیسەی فرە گرنگا و جەختش کەردۆ ئەنجامێوە گرنگو پرۆسەکەی  ئانەن بانگەوازییە تاریخییەکەو ڕابەر ئاپۆی تاوتوێ کریۆنە و واتش: "ڕابەر ئاپۆ بە خولقناو کەسێتی ئازادی، شۆڕشو فاڕییایش ئارد ئاراوە. فکر و فەلسەفەو ڕابەر ئاپۆی سەرو مافو کەمینەکا، دیموکراسی، بەها گەردوونییەکێ مرۆڤایەتی و سرووشتی بنیادنریێنێ."

'دیلگێرتەو ڕابەر ئاپۆی دیلگێرتەو هیواکامانە'

ئورۆرا ئەرەیاوناش بیرۆکەکێ ڕابەر ئاپۆی جێ‌یاگێ  هیواو جوانامانێ و واتش: "سیستەمو جەهانی وابەسەو وێرانکاریین. پۆکەی ڕابەر ئاپۆ بەتایبەت پەی ئێمەو جوانا ئەڵتەرناتیفێوەش پێشکەش کەرد. ڕاسا سیستەمو سەرمایەداری ڕابەر ئاپۆیی دیلگەردەین، ئینەیچ پەی ئێمەی جوانا تەنیا بەماناە گرتێوە سیاسیی نمێ، هامکاتەنە بەماناو دیلگێرتەو هیواو جوانەکامانە، دیلکەردەو هیواو گەلی و گلیرگەین."

'ئازادکەردەو ڕابەر ئاپۆی چارەسەرکەردەو  جەنگو جەهانییا'

ئورۆرا سەرنجش وست سەرو گرنگی ڕێکوزتەی و دەستنیشان کەرد و جوانا پەی ڕێکوزتەی و ئەرەمزنارەو سیستەمێوە ئەڵتەرناتیفو خاوەن وزە و تامەزرۆیێ فرەی و واتش: "جە گرڏ لێوە جاهانیۆ پەیوەندی دۆستایەتی بەینو گەلا جاهانی منییەیمێرە. متاومێ پێوەرە شناسنامە وەشکەرمێنە. ئەر با ڕوحە یۆگیرتەو جواناماوە جە دژو دووژمنە هامبەشەکەیما کە سیستەمو سەرمایەداریین، جەنگ کەرمێنە، ئاکاتە هیچ ئاستەنگیێ وەردەمو ڕێکوزتەکاما بییەیش مەبۆنە. پۆکەی چی ڕوانگۆ فکر و فەلسەو ڕابەر ئاپۆی بنەماو ئەوەکۆشایمانە. پی مەڵامەتە ئازادی ڕابەر ئاپۆی فرە گرنگا. چونکە کڕێڵو چارەسەری جەنگو جاهانییا و بنیادنیاو بەهێزکەردەو ئینسانییەتیا."