سوپاو ترکی ساڵۍ چېوەڵتەر، پۍ ئانەی نەگنا دەسوو گەریلای، جەنازەو سەروازەکاش سۊچنا. ساڵۍ سەروو ئا دڕنڎەییەو دۊڵەتوو ترکیرە ۋیەرڎەن، بەڵام نکوڵی و بۍ دەنگی ۋەردەواما. چا یاگېنە کە ڕووەداکەیش چنە ئەنجام دریا، تا ئیسەیچ ئەوەمەنڎەو ئا دڕنڎەییە ۋینیۊ.
جە جەنگوو ڕۊو ١١و ئەیلول و ٢٠٢٢، جە هەرېموو گەشمەرڎە دەلیلوو ۋەرنیشتوو زاپی ڕووەدایۍ پاسە ڕووەش دا، کە هامشېوەکەش جە تاریخەنە فرەکەم ۋینیان. هېزەکۍ گەریلای سەروازەکۍ ترکیشا تەوقە دۍ، کە حۊڵ دېنۍ بلا دلۍ مېڎانەکا مدرامانی و گورزەی قورسەشا ۋنە شنیا. جە ئاکامەنە ژمارېوە فرە جە ئەرەگیرا کوشیۍ و جەنازەکېشا کۊتۍ چېروو دەس و گەریلای. چا وەختەنە جە مېڎانوو مدرامانوو گەشمەرڎە شاهینی، جەنازەو سەروازۍ بە نامۍ نوری مەلیح بۊزکورتی، جە مېڎانوو مدرامانوو کەشوو ئامېدیچەنە جەنازەو حەردووە سەروازی ناجی کایگسز و نورەدین تۊکیئورەکی حەرپاسە جە مېڎانوو مدرامانوو کەشوو ئېف ئېمیچەنە، جەنازەو سەرواز مستەفا بازنای کۊتۍ بېنۍ چېروو دەسوو گەریلای.
بەپاو بەڵگەکا ناوەنڎوو ئەرەیاۋناو چاپەمەنی هەپەگەی، بەرکۊتەبۍ، کە دۊڵەتوو ترکی و یاۋنەریەکۍ جەنگی تایبەتیش نکوڵی جە ڕاسیەکا کەرا، حەجگیز کوشیای بەشېوە فرە جە سەروازەکاش ئاشکرا مەکەرۊ بە هەواڵۍ دروۍ و بۍ بنەمۍ ڕای گرڎینەو تورکیای چەواشە کەرۊ و هۊرشا خەڵەتنۊ، بیرۊکراسی دۊڵەتوو ترکی ، وەزیرەکۍ ئاکەپەو مەهەپەی، پەرلەمانتاراو جە گرڎی گرنگتەر وەزارەتوو ۋەرگیری ترکی ۋاتش،"سەروازەکېما فاڕیېنېوە پۍ نەوشخانەی، بەڵام گیانشا ڕزگار نەکریان و مەردېنۍ". جە ڕاسینە حیچ کام چا سەروازا نە فاڕیېبێنۍ پۍ نەوەشخانەی و جە بەڵگەکانە بەرکۊت ، کە جەنازەکېشا ئینۍ چېروو دەس و گەریلاینە. پا جۊرەشە سەر ئاما، کە ئیتر دروەکۍ جەنگی تایبەتی و شکسو سوپاو ترکی جە زاپ مەتاویۊ پەرڎەپۊش کریۊ.
دەوڵەتوو تورکی ئیتر پشوودرێژییش نەمەن،وەختۍ ڕسم و دیمەنوو سەروازەکاش لاو هەپەگەیۊ پەی ڕای گرڎینی وەڵۍ کریێوە، قۊناغێوە چانەنە ڕۊو ١١و ئەیلوولوو ٢٠٢٢، جە مەیدانوو مدرامانوو کەشوو جوودینە، سوپاو تورکی جەنازەو سەروازەکاش بە نائەخلاقی سۊچنا، کە نەتاوابێش چا مەیدانەنە فاڕۊشاوە. گرەکش بۍ سۊچنۊشا و حیچ دمای وێش جیا نازۊ . وەلۍ چیوۍ کە تەسورش نەکەرڎيبۍ ئانيبۍ کە: گەریلا سات بە ساتوو دیمەنوو ڕووەدایەکەیش تۊمار کەرڎەبۍ. ئا دیمەنۍ کە دماتەر پەی ڕای گرڎینی وەڵۍ کریێوە، پێسە فیلمێوە خۊفناک و دڕندەیی سوپاو تورکی پاسنە بۍ، وەلۍ بەداخۊ فیلم نەبۍ، ڕاسی بۍ.
بێگومان میدیاکاو جەنگی تایبەتوو تورکی پێسە هەمیشەی چەمپۊشییشا جە ڕووەدایەکەی کەرڎ و دەوڵەتی 'پیرۊز'شا نکۊڵییش چا هەرمانە دڕندانۍ سۊچنایە کەرڎ. بە بڕواو وێشا ئادۍ قبووڵکەرڎەی دڕندەیی دەوڵەتی قڕکەری و سوپای ئەرەگیرۍ کە بە 'پاک'شا زانێنۍ، بە ماناو پارێزنای شەرەف و شکۊو دەوڵەتین. پەوکای چەمۍ، گۊشۍ و ویژدانشا وستەرە و داخست و چەمپۊشییشا چەنە کەرڎ.
حەرچندە ساڵێوە سەروو ئا ڕووەدایرە ویەرڎەن، جە مەیدانوو مدرامانوو کەشوو جوودیینە، ملـۍ تاگۍ قۊمیایەکەی، ئاسەواروو هەڵای چەنە مەنەن. ئەوەڵ جلوبەرگی سۊتەو سەروازا و بڕۍ کەرەسۍ سەروازیۍ وینییا
تەلەفۊن، ئامێروو پەیوەندیی سەروازەکا سۊتێنۍ و ئەوەمەنەکەشا مەنەن، پلێتی دژە فیشەکوو سەروو ھێلکی و دووروینوو سەروو چەکوو سەروازەکا مەنەن.
ئەگەرش ھەن سەروازەکۍ بە دڵەڕاوکۍ و شڵەژیایۊ سۊچیێبا، پەوکای گرڎووو جەنازەکا بەتەمامی نەسۊتێنۍ، پەوکای دماو ماوێوە تەقەمەنیی سەرشاوە تەقۊوە و پارچەکۍ پاگەرە پژگییا، نیمەو جەسەیشا سۊتەن و بڕێشا بۊنەو تەقایۊکەیۊ ورشنییان، پاڵشەنە مەخزەنی پلاستیکیۍ وینییا.
پاڵوو مەخزەنەکەینە کە نیمەش سۊتەن، نیشانە سەروازییەکۍ موینییا، کە نیمەشا سۊتەن و دیارا کە سەر بە چە فرقە و لیوێوەنۍ.
وەختۍ جلوبەرگە سەروازییە سۊتەکێما لا بەرڎۍ، فیشەکەکۍ سەروو مەخزەنەکاوە وەڵۍ بیێوە، بڕێشا تەقێنۍ، بڕێچشا نەتەقێنۍ.
دماچیو کە موینییۊ، کەپسولوو بۊمبی دووکەڵینین. تا گەریلۍ نەتاوا بویناشا سەروازەکۍ بۊمبی دووکەڵینێشا دەورووبەرەکەرە فڕە دێنۍ.
حەرچندە ساڵۍ ملوو ئی دڕندەییەیرە ویەرڎەن، وەلۍ دلێنەبەرڎەی و نکۊڵیکەرڎەی و بێدەنگی بەرڎەواما. چا یاگێنە کە ڕووەدایەکە ڕووەش دێنە، ئاسەواروو دڕندەییەکەی پێسە ئەوەڵ ڕۊی مەنەن.
هـ.ش / س.ز
