تەڤگەروو ئازادیی ژەناو ئێزیدی (تاژێ) پەی دادگاییکەردەی پەدەکە و وەرپەرساو فەرمانەو ٧٤ەمینوو سەروو گلێرگەی ئێزیدی، دۆسییێوەش سەروو هەرمانەکاو پەدەکەی ئامادە کەردە و پەی ئا وەڵاتا، کە فەرمانەکێشا پێسەو جینۆسایدی پەسەندە کەردێنە، دادگاو مافەکاو ئینسانوو ئەوروپای، سەرۆکوەزیرانوو عێراقی محمەد شیاع سودانی و وەزیروو بەروو ئەڵمانیای کیانا. چەنی دۆسیەکەیچ تاژێ بە نامێوی سەبەبوو کیانای دۆسیەکێش باس کەردەن.

نامەکەو تاژێنە باسوو ژمارەو قوربانییاو فەرمانەکێ کریان و داوا کریان، کە بکەرێ و وەرپەرسێ فەرمانەو ٣ێ ئابوو ٢٠١٤و سەروو گلێرگەو ئێزیدییەکا دادگایێ بکریانە و ماچۆ: "١٠ ساڵێ سەروو فەرمانەکێرە مویەرۆ. مزانمێ چی ماوەنە سەروو هۆکارە بنەڕەتییەکاو فەرمانەکێ چندین ئەوەکۆڵیێ کریێنێ. جگە ئی ئەوەکۆڵیایا بەڵام هەڵای چەتەکاو داعشی و تاوانباراو جینۆسایدەکەی دادگایێ نەکریێنێ و دادپەرەوەری نامان ئاراوە. تا گلێرگەی ئێزیدی جە فەرمانەی تازێ بپارێزنمێ پێویسا دادپەرەوەری بیاویۆ یاگێ. چەتەکاو داعشی و هامکارەکێشا دادگایێوی میاننەتەوەیینە دادگایێ بکریا. تا ڕاسییەکێ گنا بەر و نەشێونیا، ئێمە دۆسیێوەما ئامادێ کەردە. دواتا وەنە مکەرمێ ئا دۆسیێ ئێمە وەرەچەم بگێردێ."