هامسەرۆکەو گردی پارتو یەکسانی و دیموکراسیی گەلا (دەم پارتی) تولای حاتەم ئۆغۆللاریە جە ٣١ مین گلێرۆبییەی گردی ئاسایی وەقفو کلتووری ئەنادۆڵ و حاجی وەلینە، قسێش کەردۍ.

تولای حاتەم ئۆغۆللاریە سەرنجش وست سەرو کۆمکوژییەکا کۆچگری و دێرسیمی و سێواسی و قوربانیا کۆمکوژییەکێش ویرئاردێوە. ئەرەیاوناش خەباتی گەورەشا کەردەن پەی مافو هاموڵاتیبیەی یەکسانی عەلەوییەکا، بە خەبات و پەشتیوانی زیاتەر کریۆنە دەستوورێ دیموکراتیک بنویسیۆوەو کە گرد وێشا دلێشەنە ویناوە.

جە درێژەو قسەکاشەنە حاتەم ئۆغۆللاریە واتش: "ئێمە حەجگیز وەردەمو زیهنیەتو قەیوم‌پەرسینە سەرە مەنامنمێرە. حەجگیز سەرە پەی ڕژێمو دەسەڵاتوازی فاشیستی مەنامنمێرە. قەیوم دزیەو ئیرادەو گەلین. کودەتای سیاسیین بە دەسو دادگا و پۆلیسی. حیچ جیاوازیێش چنی کودەتای سەروازی ١٢ و ئەیلولی نییا. دلێنەبەردەو مافو دەنگدای و هۆرچنیەین".

هەرپاسە جەختش وست سەرو گفتوگۆکا دەربارەو پرسو کوردی، واتش: "ئانەی چی وڵاتەنە جە گردی زیاتەر ڕووەڕوو فشار و نکۆڵی و سیاسەتی یەکپەرسی باوە، عەلەوی و کوردەنێ. پەی چارەسەری دیموکراتیکی و ئاشتییانەو پرسو عەلەوی و کوردی، ئەرەکۆشای گەورەتەر مکەرمێنە".

دماتەر سەرۆکو گردی جەهەپەی ئۆزگور ئۆزەل قسێش کەردۍ.