جمیەروو ژەنا کورڎی جە ئۊرووپا(تەژەکە) ئەرەیاۋنېوەش ۋەڵاکەرڎۊ، کە چنەشەنە ئامان،" فیستیۋاڵی میان نەتەوەی و کولتوری کورڎی کە ئېساڵ ٣١ەمین جارا ملۊڕاوە، پېشکەش بە هەڤاڵاما ئەڤین گۊیۍ، میر پەروەی و عبدلرەحمان کزلی کریۊ کە جە پاریس تیرۊر کریۍ"
جە بەشېوەتەروو ئەرەیاۋناکەینە ئامان،"دژوو دەوڵەتوو ترکی و تەرەفداراش، حەرپاسە ئا هېزە هەژمونوازۍ کە حۊڵ مڎا بە سەپنای گۊشەگیری ڕابەر ئاپۊی جە خەڵکی بڕارە، گەلوو کورڎی چا ڕووەنە جارېوەتەر جە مېڎانەکانە نیشانەش بڎا کە خۊتانکەرڎەی جە ڕابەرایەتیشا کەرا و ژیۋایۍ بۍ ڕابەرایەتی قبوڵ مەکەرا. جە فیستیۋاڵی میان نەتەوەیی کولتوری کورڎینە، دژ بە کۊکوشی تاریخی ، کولتوری و جەستەیی، ئا کولتورو بەها نەتەوەییا، کە بە قوربانی قورس و گیانبازی گۊرۊ خوڵقیېنۍ، بە جۊش و خرۊش و بە ئاماڎەبیەی دەیان هەزار کەسا جە مېڎانەکانە نیشانەش بڎا.
تەژەکە-ئە داوایچش کەرڎەن،"جە گرڎوو ۋڵاتا و شارەکا ئۊرووپایۊ ژەنا، گەنجۍ و کورڎسانیۍ و دۊسەکاشا چی مەراسیمە کولتوریەنە کۊباوە و کاروەدای سیاسی و نەتەوەیی ۋېشا نیشانە بڎا".
جە درېژەو ئەرەیاۋناکەینە ئامان، هامشېوەو ساڵانی ۋیەرڎەی، ئېساڵیچ، بېجگە جە نەواخنۍ فرە ڕەنگ، زەماونەو وتارەکا، حەرپاسە سەکوېوە پۍ هەرمانە دەسیەکا هەڤاڵە ژەنەکاما، وارڎەی کورڎەواری و ۋەرهەمەکۍ تایبەت بە مەنتیقە جیاجیاکانۍ کە ڕەمزوو ئشناسنامەی نەتەوەیمانۍ، نمایش کریا.
جە دمادمایچەنە تەژەکە -ئە داواش جە گردوو هامڕایاشا کەرڎەن،" جە فیستیۋاڵی میان نەتەوەی و کولتوری کورڎی کە ٩ و ئەیلوولی جە شاروو فرانکفۊرتینە ملۊڕاوە، ۋەرپرسیاری جدی گېرانە ئەستۊ". حەرپاسە داوایچش جە گرڎوو دۊساشا و ئەرەمەرزیا دیموکراتیکەکا و گەلی کەرڎەن بەشڎاری فیستیۋاڵەکەی کەرا.
