بە قسێ میدیاکاو وەرکەوتوو کوردستانی، مەنتێقەو دیواندەرەینە گەنجێوی کورد بە نامێ مزەفەر دارایی و مەریوانیچەنە گەنجێوە بە نامێ ماردین دەهقانی (١٧ ساڵە)ی گیریێنێ.

جە ورکوای سەروو یانانە، کە ڕۆو یەکشەممەیوە بێ بەهانە، وەرکەوتوو کوردسانینە دەسش پەنە کەردەن، ژمارەو گیریایەکا یاوا ٦ کەسێ.

ڕێکوزیایەکاو مافەکاو کوردسانی، ڕۆو یەکشەممەی ئەرەیاوناش کە هێزەکاو ئێرانی، ٤ هاموەڵاتێ کوردێشا بە نامەکاو محەمەد ئەمینی دیواندەرەنە، نەوید شەریفی خەڵکوو کانی سپی، فەرهاد قەمەری خەڵکوو کوتەکی و فواد مورادی خەڵکوو کەلەکێوی دیواندەرەیشا گێرتێنێ.

یاگێ سەرنجێنە، گیرتەیەکێ ساڵیادوو سەرەوردای ژەنی، ژیوای، ئازادی-ینە مکریا، تشرینو یوەموو ٢٠٢٢ێنە دماو ئانەیە کناچە کوردە ژینا ئەمینییەپۆلیسوو ئەخلاقی گێرتە و کوشتەشا، سەرەهورداێوە بێوێنە دەسش پەنە کەرد.

هێزەکاو ئێرانی وەختوو سەرەوردایەکەینە، سەدا کەسێشا کوشتێ و هەزاراشا گێرتێ، ڕێکوزیایەکاو مافوو ئینسانی ئەرەیاوناشا کە دەوڵەتوو ئێرانی پەی ڕاگێرتەی جە ناڕەزایەتییەکاو گەلی، سزاو قەنارەدای بەکار مارۆ.