فەرماندەیی گرڎینوو یەپەژەی جە ئەرەیاوناێوەنە وەڵاش کەرڎۊ، جەنگەوانە ڤەژین ژیان (ھیجران ئەجوز)ە، کە ڕۊو ٢٧ تەمووزی ڕووەداێونە بەسەختی بریندارە بییە، گەشمەرڎۍ بییە.

ئەرەیاوناکەینە ئامان، "ڕۊحوو ژەنە گەنجا، هێزی سەرەکیین پەی درێژەدای و بەرزکەرڎەیۊ شۊڕشوو ژەنا جە وەرنیشتنە. ئا شۊڕشە کە بە ئیرادە و بیرڎۊزوو ژەنان لوان وەڵێوە، جارێوە تەر دیکە بە بەشداریی ژەنا ڕۊ دماو ڕۊی چەنی وەڵیوەبەرڎەی سیستموو نەتەوەی دیموکراتیکی گەشتەر بۊ. ژەنی دلۍ ڕیزەکاو یەپەژەینە ماناو بییەیشا یاونا بەرزتەرین ئاست".

بەشێوە تەروو ئەرەیاوناکەینە ئامان، "هامڕاما هیجران ئەجوزە، بە ئشناسنامۍ ڤەژین ژیانێوە، ساڵەو ٢٠٠٠ جە بنەیانێوە وڵاتپارێزنی مەنتێقەو جزیروو بۊتانینە پەیڎا بییە. پێسە ژەنێوە گەنجۍ بە ڕازەو قارەمانە ژەنەکا گەورۍ بییە، بوو، ئینەیچە کەسایەتییشنە ڕەنگەش داوە و ژییواێوە ئازاڎانەش خولقنا. ساڵەو ٢٠١٥ وەختۍ دەوڵەتوو تورکی ئەرەگیری قاڕچنی مدرامانوو وێڕاوەبەریی سەرنیشتوو کوردستانینە بە دڕندانە و نائینسانانە هجوومش کەرد سەروو جزیرەو بۊتانی، ھامڕا ڤەژینە پێسە ژنێوە گەنجۍ خەڵکوو جزیری دژوو گرڎ نۊعە ئەرەگیری، دڕندەیی و سیاسەتی چەپەڵۍ مرڎاوە. ساڵەو ٢٠١٦ ڕووەش کەرڎە شۊڕشوو وەرنیشتی و یاگۍ وێش ڕیزەکاو یەپەژەینە کەرڎۊ.

ھامڕا ڤەژینەما، کە پێسە ژنێوە گەنجۍ بە بیرڎۊزوو ڕزگارکەرڎەی ئازاڎیی ژەنا، داراو ھەڵوێستێوە یەکلاییکەرەوەی بۍ و بە ھەڵوێستیش دلۍ ڕیزەکاو شۊڕشینە، گوزارشتش جە ڕۊحی گیانبازی کەرد، ڕۊو ٢٧ تەمووزی، وەختێوە سەروو هەرمانەکێشۊ بۍ، بە  ڕووەداێوە کە شاروو حەسەکەینە ڕووەش دا، چەنی هامڕایەکاش حەسنا موسا محەمەد (ئاڤاشین جودی)، هیبا عەبدولقادر بەکر (هیبا حەسەکە)، بێریڤان عەبدول خەلەف (بێریڤان حەسەکە)، ئەمینە نەبۊ سلێمان (دلار کۊبانێ) و شێرین عەلی (ئادار جودی)یۍ بریندارە بییە و سەرباروو گرڎوو حەوڵە پزیشکییەکا، ڕۊو ٧ ئابی بۊنەو سەختیی زامەکەیشۊ گەشمەرڎۍ بییە.

ئاخروو ئەرەیاوناکەیۊ ئامان، ئا وەعد و پەیمانە بە ڕاو گەشمەرڎا دریۊ، وەعد و پەیمانێوە مەبارەکا.  سەرەوەشیی وێما ئاڕاستەو گرڎوو گەلی وەڵاتپارێزنیما، بەتایبەتی بنەیانەو هامڕۍ بەنرێخما کەرمۍ، تا ئا وەختە ئازاڎیی وەڵاتی مسۊگەر بۊ، کۊشیایما بێوچان مەمرڎۊ.

شناسنامەو هامڕا گەشمەرڎەکێما ئینەن:  

شناسنامێ: ڤەژین ژیانە

نامۍ و دمانامێ: هیجران ئەجوزە

نامۍ ئەڎێ: نەورۊز

نامۍ تاتەی: بەهرام

وەخت و شۊنەو پەیڎابییەی: ٢٠٠٠، جزیر

وەخت و شۊنەو گەشمەرڎەبییەی: ۰۷.۰۸.۲۰۲۳، حەسەکە

س.ز