جە ٢٤و تەمموزو ١٩٢٣ېنە براۋۍ و سەرکۊتەکۍ جەنگی جەهانی یۋەمی و تورکیای کەمالی پەیماننامەو لۆزانیشا جە شارو لۆزانو سویسراینە ئیمزا کەرڎ. پەیماننامەو سیڤەری هۊرشېۋیاۋە و دماییش بە ۋەرمو دەوڵەتی کورڎیی ئارڎ.

 چا پەیماننامەنە کورڎسان بەشکریا پۍ چوار پارچا، حەر پارچېۋەش بەشکریا سەرو دەوڵەتۍ-رە، پۍ ئینەیچ دەسشا کەرڎ بە کێشای خەتەو سنووری سەرو خاکو کورڎسانی، یۊ چا خەتە سنووریا کە جە بەینو هۊرامان و پانیشتی و هۊرامان و ۋەرکەوتوو کورڎسانی (عێراق و ئێران)ینە کیشیېنە تەنیا جۋېۋۍ ئاۋېنە جە مەنتیقەو بیارۍ هۊرامانی سەر بە پارێزگاو هەڵەبجەی پینەیچ مەنتیقەو هۊرامانیشا کەرڎەن دۋۍ بەشۍ حەربەشېشا دان بە ۋڵاتۍ .

 ڕۊنامە نوۋیس ڕێباز حەسەن،  جە یاڎو سەڎ ساڵەو ئا پارچەکەرڎەو سنوورینە لۋان سەرو ئا جۋەو ئاوۍ کە کورڎسانش پنە بەشکریان و ماچۊ:" ئی بستە خاکەنە کە پنەش ماچا سنوور ماۋەو سەڎ ساڵان کورڎسانشا پنە پارچە کەرڎەن."

 حەرپاسە نامبریا ئەماژە پانەیچ کەرۊ کە پاسە قەرارا ٢٥ ئی مانگۍ جە هەمان ئا شارەینە کە کورڎسانش چنە پارچە پارچە کریا جە لۆزان کۆنفراسێۋە ۋەرفراۋان بلۊڕاۋە دژ بە ڕێکۊتننامەو لۆزانی کە چنەشەنە کورڎسان پارچە پارچە کریا و حەرپاسە قەرارا چا هەرمانە پۍ ئانەی کریۊ ئیتر ئەوەمەننەکۍ لۆزانی سەرو خاکو کورڎسانینە سڕیاۋە."

 ئاماژە پانەیچ کەرۊ :"مشۊم گرڎو ئا کەسا کە بەشڎاری کۆنفراسو لۆزانی کەرا ٢٥ ئی مانگۍ چا ۋەختەنە ۋیرشا لاو ئی سنوورە دەستکرداوە بۊ، کەراش بە ئامیان پۍ ئانەی جە ئاینڎەنە کۊشیای هامبەش کەرا و دەرەنجامەکا پەیماننامەو لۆزانی سەرو خاکو کورڎسانی سەڕاوە."

هـ . ش