ئا ئه‌ڤینۍ واوەی وێش خولقناوە
ئه‌ڤین ڕێبه‌ر ئاندۊكە، به‌وپه‌ڕوو وەشەسیایوە ئه‌ویندارەو ئازاڎی بۍ. کەشی پێسە ڕاو ڕزگاربییەی پەی وێش وینۍ. بییە بە جه‌نگاوه‌رێوە ئاپۊییە، كه سه‌روو ڕاو ڕاسیوە واوەی وێش خولقناوە.
ئه‌ڤینە پیسە نامەکێش بۍ. ئه‌ویندارەو گه‌لوو كوردی، گەشمەرڎا، ڕابه‌ر ئاپۊی، ئازاڎی و ژیوای بۍ.
ئه‌ڤین ڕێبه‌ر ئاندۊك (رۊژدا شك)ە، شاروو ئامه‌دینە بنەیانێوە وەڵاتپارێزن و هۊگروو به‌ها ڕۊحییه‌كانە پەیدا بییە. وەڵاتپارێزنیی بنه‌یانەی و ده‌ورووبه‌ری پاسەش پەنە کەرڎە، به یاواینەی جە نیشتمانپه‌روه‌ری و په‌رۊشی پەی به‌هاكاو كوردسانی گه‌ورۍ بۊ. دژوو ده‌وڵه‌توو توركی قڕكه‌ری كه‌وته دلۍ و سوراغگێرتەیۊ. دژوو سیستمێوە كه قسه‌كەرڎەیش به زوانوو ئەدۍ قه‌ده‌غه کەرد، تووڕه‌یێوە فرەش لا دروس کەرد. هه‌رگیز سووكایه‌تییش به گه‌لوو كوردی قبوڵ نه‌كەرد و چا چوارچوەیچنە گەرەکش بۍ هه‌نگامە بنیۊ.
قەرارش دا بۊ بە گەریلا و گاره‌نە په‌یوه‌ندییش به ڕیزه‌كاو گه‌ریلایۊ كەرد و پێسە ئه‌ڤین ڕێبه‌ر ئاندۊكۍ، ڕاپیمایش سه‌روو ڕاو ئازاڎیوە ده‌س پەنە كەرد. سه‌باره‌ت به به‌شداریكەرڎەیش ماچۊ: "دلۍ سیستمینە پیسە ئانەی پاسەبۍ دلۍ گێجاوێوە گه‌ورێنە بوو. وەروو ئانەی جوابدەرەوۍ بوو گێڵاینە بێنا. ئانەم کەشەکانە وێستۊ، وەختۍ گه‌ریلایه‌تیم كەرد و بۊ ژیواێوە ماناداری ڕه‌نجم دا، دلۍ سروشتینە هه‌ستم به جه‌وهه‌روو ئینسانیەتی کەرد. گه‌ریلایه‌تی لاو منۊ وێیاوناین به جه‌وهه‌ر و پیرۊزمه‌ندی. وەڵۍ ئانەینە به‌شداری کەروو، نه‌زانێنا كه گه‌ریلا ئانده چەنی سروشتی ئامێتۍ یۊترینی بیێنۍ. تا فرەتەر کەشۊ بوو فرەتەر پێوەسە بوو، کەشۊ جوابوو گێجاوکاو دلێمم دەس کەوتۍ، ئانەیچبە بێهامتا و ناوازە بە ژیوایۊ بەسامۊ، چەنی جوانییەکاو سروشتی وێم مشناسوو.
گه‌ریلێوە کە مزانۊ هه‌ر چێوۍ بە چە شێوێوە کەرۊ
ئه‌ڤین ڕۊحش پەڕ كەرد جە جوانییه‌كاو سروشتی، پێسە نامەکێش بۍ ئه‌ویندارەو کەشی بۍ، بییە بە جه‌نگاوه‌رێوە ساعیب ئیرادۍ یه‌ژاستاری. به پاكی و ڕاسواچی لوا دڵوو ڕەفێقەکاشۊ. جوابوو پەرسەو "مشۊم چەنی بژیومێ؟"، به وانایۊ ژیوای ڕابه‌رایه‌تی جوابش داوە. جه ڕووەو ئایدیۊلۊژییوە قەوەتە بۍ، جە ڕووەو تاكتیكی سه‌روازییوه په‌ره‌ش به تواناكاش دا و هه‌نگامۍ گه‌ورێش نیا. بییە بە گه‌ریلێوە، كه گه‌شه‌كەرڎەی و وەڵێکەوتەییش پەی وێش کەرد به بنه‌ما،زانۍ چێش کەرۊ و چەنی هه‌نگامە بنیۊ. پەی یاواینەی جە ڕابه‌ر ئاپۊی، وانایۊی به‌رده‌وامش به بنه‌ما گێرت. گرد وەخت وێش به قه‌رزارەو گه‌لووكوردی زانۍ.
به پاگێرتەیرەی گه‌وره‌وه ڕووش جە گه‌ڤه‌ری كەرڎە
دوای ئانەیە جە ڕووەو سه‌روازی و ئایدیۊلۊژییوه وێش یاونا پەنە، وەروو ئانەی وەرپەرسییش قۊناغه‌كەنە گنۊ گەرڎەن، لوا پەی گه‌ڤه‌ری. تا بۊ بە جه‌نگاوه‌رێوە قابیلە بە گه‌لی و ڕابه‌ره‌كه‌یش، ده‌سش به كۊشیای بێوچانی كەرد. تا بتاوۊ گه‌ڤه‌رنە پراكتیكێوە به ئیراده و قەوەت کەرۊ، بێمرڎای ڕەنجش دا. ئه‌ڤینە چا بارەوە واتش: "فرە حه‌ز کەروو بلوو گه‌ڤه‌ر، حەزەکاو من فرە گه‌ورێنۍ. ئێمه شۊڕشگێڵنێنمۍ، هه‌ر هەرمانێما گنۊ سەروو شانەی پۊڕنمێش. گەرەکما بلوو قۊناغوو پراكتیكیوه. ئێمه قەرارێوە گه‌وره‌ما به گەشمەرڎا دان. عەلەمێوە هەنە، كه تەسلیموو ئێمە کریێنە. گەرەکما ئا عەلەمۍ به‌سه‌رەبه‌رزیوە بیاونوو سه‌ركه‌وتەی".
جەنگی ده‌سه‌ویه‌خه‌نە گەشمەرڎۍ بییە
ئەڤینە پیسە نامەکێش ئه‌ویندارەو گه‌لوو كوردی، ڕابه‌ر ئاپۊی، ئازاڎی و ژەنا بۍ، گه‌ریلای ڕه‌نجده‌رە و ده‌م به‌خوۍ یه‌ژاستاری ئه‌ڤینە، کەشنە بییە سیمبۊلەو گیانی فیداكاری. چەنی هامڕاكه‌یش ئاسۊ چندین سەعاتۍ ده‌سه‌ویه‌خه دژوو سوپاو توركی گژیۍ و لوا كارەوانوو نه‌مرا‌وه.
س.ز
