یۆ جە گەنجینەکاو گەریلای کە باس جە ڕاسیی گەریلای و ژیوای گەریلای کەرۆ، یاداشتوو ڕوانەین. چونکوم یاداشتەکاو ڕوانەینە مویمنمێ کە چەنی گەریلا مانادارانە مژیوۆ و هەستەکاش منویسۆوە. پانەیچە گەریلا بەهێوە وەشە کەرۆ، تارێخی منویسۆوە، نویستەی یاداشتە ڕوانەکاو گەریلای تەنیا هەرمانێوە ئاساییەو نویستەی نییەنە، بەڵکوم بییەن بە کولتوورێوە ژیوای. کە ژیوای و هەستوو وێشا منویساوە، گەریلا هەست و هومێد و ئاواتەکاشا سەروو ئامانجێوە گەورە کەرا.

گەریلێ کەسانێوەنێ، کە تارێخشا منویساوە، ئینەیچ جە قوەی سرووشتییشاوە دوور نییا. کەسانێوە کە متاوا تارێخی هەقەتین بنویساوە، جە هەمان وەختیچەنە با بە بەشێوە جە تارێخی. جە حەر یادەوەریێوەنە دەیان و هەزاران چیرۆکێ و ئەزموونێ تارێخیێ گەریلای هەنێ. حەریۆشا هومێدێوەن پەی دماتەری، پەوکای دڵوو ملوێنان کەسانە یاگێ وێشا کەراوە. ئا چیوێ منویساشاوە ئاسایێ نییەنێ هەقیقەتوو گلێرگێوە منویساوە، خەڵکیچ زانا کە گەریلا پەی هاگابییەی جە یادەوەرییە تارێخییەکا کۆشیا. ئارۆیچ ملوێنان کەسێ ئینێ چەنی ئی هەقیقەتی، چونکوم حەر چیرۆک، یادەوەری و ئەزموونیوە کە یاداشتەکاو ڕوانەینە منویسیاوە، هەقیقەتوو ژیوای ئازادی گێرۆ وێ. نویستەیەکاو گەریلای نیشانێ و بەروزێ و هەقیقەتینێ. حەر کەلیمێوە حەر پێناسیوە پەی مەبەس و ئامانجێوە نویسیێنێ.

پەوکای زیادتەر جە گرد کەسێوە گەریلا هەقیقەت وزۆ ڕووە. جە شێوازوو ژیوای تا میاوۆ بە یاداشتەکاو ڕۆی، گرد چێوێ سەروو بنەماو بڕوێ و هومێدی بە ژیوای ئەرەمەرزیان. حەرچندە ژیوایشا فرە وەش مسیۆ، وەلێ گیانسا بەخت کەرا پەیش، سەنگەرەکاو مدرامانینە موینمێ کە گەریلێ یاگێوە گژیا و یاگێچۆ تونێلەکاو جەنگینە یاداشتێ ڕۆی منویساوە. وەردەموو تارێخینە هەست بە وەرپەرسبییەی کەرا، تەنانەت چا وەختایچنە کە ئینێ جەنگنە، چا بارەوە ویرێ کەراوە. ڕاسییەکە ئانەن، ئەگەر گلێرگێوە تەر بیێ نەگنێ چێروو بارگرانییێوە پاسە قورسیوە. چونکوم نویستەی هەرمانێوە قورسەنە. بە نویستەی خاستەر متاوا هاگاشا جە بەهایەکاشا بۆ و وێشا بە ساعیبشا بزانا، گەریلاو ئارۆی ئا وەرپەرسیییە میاونا یاگێ و ئا هەرمانێ گێرا گەردەن، پەوکای یاداشتوو ڕوانەو گەریلای یۆ جە بەها حەرە بەنرخەکاو گەریلاین.

س.ز