پرسوسەنە قوربانییاو کۆکوشیی پرسوسی یادێ کریێوە، کە کۆکوشییوی چەتەکاو داعشی بێ بە هامکاریی دەوڵەتی تورکی ئەرەگیرکەری دژوو ٣٣ گەنجا کریا، چا وەختەنە ئا گەنجێ بە مەبەسوو پەشتگیری مدرامانوو کۆبانێ ٢٠و تەمووزو ٢٠١٥ پرسوسوو رحاینە کوێ بیێوە و چەتەکاو داعشی بە هجوومێوی وێکوشیی دڕندانە کوشیێ.

یادکەردەیوەکەینە کە باخچەو ناوەندوو چاندوو ئاماراینە کریا، چندین پەرلەمانتارێ دەم پارتی، هامسەرۆکاو پارت و لایەنەکا، فرەو کەسایەتییا و خەڵکوو شارەکەی بەشدارێ بێنێ.

ئەوەڵوو یادکەردەیوەکەینە رنەوەکەدا هامسەرۆکوو کۆمەڵەکاو گەنجە سۆسیالیستا SGDF بەفرین پۆلات قسێش کەردێ و ئاماژەش پانەیە دا ئی کۆکوشییە تەنیا داعشی نەکەرد، بەڵکوم بە هامکارییەکاو دەوڵەتی پەی چەتەکاو داعشی دژوو هامڕایاما کەردشا.

هەرپاسە بە نامێ ئەدایاو ئاشتییوە مەیاسەر کۆرکمازە قسێش کەردێ و ئانەش ئاشکرا کەرد، کە پێویسا کۆکوشییەکێ دماییشا بێ. ئاشتی و ئازادی بێ ئاراوە، با دمایی بە ستەمی و ناحەقی بێ.

ئاخرۆ پەرلەمانتاروو دەم پارتی دیلان کونت ئایان سەرەنجەش وستە سەروو کوشتەی گەنجا و واتش: "گەرەکشابێ دمایی بە بە دۆسییەو کۆکوشییەکەی بێ، بەڵام ئێمە مزانمی کە کێ پەشتیشۆ بێ. داعش فرە بەئاسانی ئاما ناوەندوو چاندی و گەنجێش کۆکوشێ کەردێ، ئینەما فرە بەڕۆشنی دی. بەڵام گردوو جیهانی شۆڕشەکەشا دی. جیای ئانەیە بکوشێ دادگای بکریانە، بنەیانەو گەنجا دادگایێ مکریانە. بەڵام ئانا کۆشیایما هەر بەردەواما. داودئوغڵو ئیسە گەرەکشەن سەروو ئی کۆکوشییەیوە سیاسەت بکەرۆ، بەڵام ئێمە ڕا پانەیە نمەدەیمێ."

دماو قسەکا ئامادەبیێ بە ڕاپیمای لوێ یاگێ کۆکوشییەکەی و ولییشا نیێرە، دمایی سەرێ قەبرەو قوربانییاشا دا.