پەکەکە جە ئەرەکۆشای ئازادی کوردەسانیوە هۆرگێڵان پەی ئەرەکۆشای میاننەتەوەیی و چارۆنە بییەن بە یاگێ هیوای ئازادی مرۆڤایەتی. گەریلاکا ئازادی کوردەسانی نیم سەڎەن پەی ئی مەرامیە ئینێ ئەرەکۆشاینە.
گەریلاکاو هەپەگەی ٤٦ەمین ساڵیادو ئەرەمەرزنای پەکەکەیشا موبارەک کەرد و ئاماژەشا پانەیە کەرد جە سەیەو ئی ئەرەکۆشاینە گردو گەلو کوردی زینەبیەنۆ کە بە سەرمەشقایەتی ڕابەر ئاپۆی دەسش پنە کەردەن و بەردەواما.
مۆردەم عەفیرن گەریلاو هەپەگەی: پێسەو گەریلاو هەپەگەی ٤٦مین ساڵڕۆو پەکەکەی جە ڕابە ئاپۆ، گەلەکەیما و گەریلای موبارەک مکەرمێ. بێگومان بارودۆخو ئەرەمەرزنای پەکەکەی پەی گەلا وەرکەوتی و تایبە پەی گەلو کوردی فرە گرنگا. ئا کاتەی گلێرگە چێرو گرد جۆرە فشارێوە دلێنە بەردەینە بێ، ڕابەر ئاپۆ هەنگامەو سەرەتاو ئەرەمەرزنایش دەس پنەکەرد دلێ گرد بارودۆخە سەختەکانە.
پەکەکە بە گروپێ چن کەسی دەسشپنەکەرد و چارۆنە بە هەزاران کادرێ خاوەنداریش چنەمکەرا و ئینا دلێ دڵو ملیۆنان وڵاتپارێزا و دۆسانە. ئینە مانێوە گەورێش هەنە پەی گەلەکەیما. جە تاریخو کورددانە چنین جمییەرۍ بەرۍ کۆتێنۍ، بەڵام پەکەکە یاگێ و سەنگێوە جیاوازەش هەنە چا ڕێنە بە قوڵی حەقیقەتەکۍ ئا سەردەمەیشە جە یۆی دێوە و جە دژو سیستەمو مۆدێرنێتی سەرمایەداری شۆڕشێوە کۆمەڵایەتیش خولقنا. سەرو بنەماو فەلسەفەو ڕابەر ئاپۆی جەختکریاوە چانەیە پەنەوازا سۆسیالیزم سەرو بنەمێوە درووسی ئەرەمەرزیۆرە. هەرپۆکەی پەکەکە ئینا ئەرەکۆشای بەردەوامو ئا ئامانجەینە.
پەکەکە دەس پنە کەردەو ئەرەکۆشای بێ جە دژو ئەرەگیرا کوردەسانی و بەتایبەتی جە دژو دۆڵەتو تورکی ئەرەگیری کە گرد وەختێ جە پڕو پاگەنڎەو ئانەینە بێ کە کورد نەمەنەن، بەڵام گەلوو کوردی بە سەرمەشقایەتی پەکەکەی زینەبییۆ و هۆرستۆ سەروپەیا. چارۆنە گەلو کوردی بە ئەرەکۆشای مرۆڤایەتی وێشۆ سەرمەشقایەتی جە گەلا جەهانی مکەرۆنە. ٤٦ ساڵێن گەریلا سەرمەشقایەتی ئی ئەرەکۆشایە مکەرۆنە جە دژو سیستەمو مۆدێرنێتەی سەرمایەداری و پەکەکە قوەتش گێڵناوە پەی گەلی. بەتایبەتی ئارۆ جە پانیشتو کوردەسانی، جە بادینانەنە جەنگێوە سەخت جە دژو مرۆڤایەتی ملۆڕاوە. ئانەی گوڕ مڎۆ بە گەریلای قوەتی مەعنەوی و ئایدۆلۆژیی پراکتیکی پەکەکەین. پەی پارێزناو گەلەکەیشا گیانو وێشا بەخشانە. گەریلا وەرگیری جە بەهاکا مرۆڤایەتی مکەرۆنە. پەکەکە پارتێوە جەهانییا و چارۆنە بییەن بە هیواو ئازادی مرۆڤایەتی.
شاهین بۆتانی گەریلاو هەپەگەی: پەکەکە پارتو گەشمەرڏان. پەکەکە پەی یاڎکەردەیۆ هەمڕای سەرمەشقیما حەقی کارەری جە لایەنو ڕابەر ئاپۆیۆ ئەرەمەرزیارە. جە سەیەو ئەرەکۆشای ڕابەر ئاپۆی و گەشمەرڏاماوە تا ئیسە بەردەواما و چنین دەستکەوتێش پەی گەلو کوردی و مرۆڤایەتی خولقنێنۍ. ئشناسای و یاواینە جە پەکەکەی فرە گرنگا. پەکەکە تەڤگەرێ مرۆڤایەتیییا. پەکەکە خاوەنداریش جە گەلەکەیش کەرد. پەکەکە ژیوایۆ بەهاکا گەلو کوردین.
ئەرەکۆشاو پەکەکەی بە واتەو 'کوردەسان ئەرەگیرکریان' ڕابەر ئاپۆ دەسش پنە کەرد و چارۆنە یاوان بە خاڵێوە قەوەت. گەلو کوردی بە پەشتیوانی هێزە کۆلۆنیالییەکا ئینا هجومو گەلو کوردی و ئازادیوازانە. جە وەراوەرەنە هەمڕاکێما جە مەڕەکانە ئینۍ جە مدرامانۍ دیرۆکینە. فرە گرنگا مرۆڤ چانەیە بیاۆنە و چنی ئا حەقیقەتەیە ژیوۆنە. هەرکەسێ ئا حەقیقەتەیە نەوینۆنە مەتاوۆنە جە دژو دژمنی ئەرەکۆشێوە دروس بەرۆڕاوە. ئانی کە نمەتاوا ئی دروس ئەرەکۆشایە بکەرا دلێ دژمنینە تاویاوە جە حەقەتینەو وێشا دورۍ گناوە. پۆکەی ئەرەکۆشاو ژیوای پەکەکەی فرە گرنگا. ڕابەرما پراکتیکیش خولقنا و شناسنامەش دا بە گەلەکەیما و چارۆنە ئایدۆلۆژیاو ئاپۆیی جە جەهانەنە وەڵابیەنۆ. ئەرەکۆشاو شۆڕشو وەرنیشتی و گردو پارچەکا کوردەسانی پەکەکە خوڵقنانش. بەبێ پەکەکەی ژیوای نمەبۆنە چونکی دیرۆکو کوردەسانی و مرۆڤایەتیش جە وێشەنە نامنشین کەردەن. ئانەی خیانەت جە خاکەکەیش مکەرۆنە ئینا جبەرو پەکەکەینە. پەکەکە تەڤگەرێوە مېیاننەتەوەییا. جە دما دماینە ساڵڕۆو ئەرەمەرزیارەو پەکەکەی جە ڕابەر ئاپۆی، گەشمەرڏا شۆڕشی، گردو هەمڕایا و گەلی وڵاتپارێزیما موبارەک مکەرمێ.
