'ئازاڎیی عەبدوڵڵا ئۊجالانی ئازاڎیی گردیمانە'
ئەندامەو وانیارە سەربەوێیەکا بیاتریس بۊگۊیە ئەرەیاوناش، کە پەشتگیری جە هەڵمەتەو ئازاڎیی عەبدوڵڵا ئۊجالانی کەرا و واتش:"بە پەیلوای من ئازاڎی ئادی بە ماناو ئازاڎیی ئێمەن و ئازاڎیی شمە و ئازاڎیی گردیمانە."
جە بەشداربییاو کۊنفرانسی جیهانیی گەنجانە پاریسنە، ئەندامەو ستودندت ئیندیپێندنتی (وانیارە سەربەوێکا) بیتریس بۊگۊیە واتش، کە ڕابەروو گەلوو کوردی عەبدوڵڵا ئۊجالان یاگەداری ئارڎەینەرانە دژوو مۊدێرنیتیی سەرمایەداری پێشکەش کەرۊ، هومێد بە گەلی بەخشۊ، پەوکای مشۊم ئازاڎ کریۊ. چالاکەو گلێرگەی بیتریس بۊگۊ کە ئیتاڵیاوە بەشدارییش کۊنفرانسەکەنە بۍ، جوابوو پەرسەکاو ئاژانسوو فوراتیش داوە.
شمە چی بەشدارۍ ئی کۊنفرانسەیە بیێندۍ؟
ئێمە ئامینمۍ وێگە، چونکوم چند ساڵێوە چێوەڵتەر دلۍ وێمانە، ئیتالیانە دەسما کەرد، بە باسکەرڎەی تەڤگەروو ئازاڎیی کوردی. بڕۍ جە هامڕایاما سەرۍ کوردستانیشا دا. وەختۍ گێڵیوە دەسبەسەرۍ کریۍ و بە هەمان شێوە فشاری تندشا سەر بۍ. پەی پاڵپشتیکەرڎەیشا وێنیشانداێوە فرە کریا، جە ڕووەو ئایدیۊلۊژییوە دەسمان کەرد بە پەروەرڎەکەرڎەی وێما. دماتەر ئامێنمۍ ئێگە سەروو ویروڕاکاما پێوەرە باس کەرمۍ.
کەشوهەواو کۊنفرانسەکەی چەنین بۍ؟
ئەوەڵ فرە دووەدڵە بێنا، بووم، چونکوم ئجێم تەنیا چەنی کەسە ئشناسا چاگە بێمۍ. بەڵکوو ڕووبەڕوو کەشێوە فرە گەرمی و مێمانداریێوە خاسی بیاوە و گرد چەنی یۊترینی سەرەقاڵۍ واتەواچی بێنۍ. ئینەم فرە بەدڵ بۍ. ئیرادێوە فرە قەوەت بۍ، پەوکای هەستکەرێنا ئینانا یانەو وێما.
پێسە ئەنداماو کۊنفرانسی گەرەکتانە ئایندەنە چێش کەرڎۍ؟
کۊنفڕانسەکە زیاتەر پەی ڕێکوستەیوەما بنەما بۍ، ڕێکوستەی نەک تەنیا هەرێموو دلێنە، بەڵکوم پێسە پلاتفۊڕمێوە میاننەتەوەییچ. چێوە دەسما بە هەرمانێوە فرە گەورۍ کەرڎەن، چەنی یۊترینی بەرڎەوامۍ بیمۍ جە واتەواچی، دداننیای بە کۊشیایرە جە هەرێمە جیاجیاکانە و ڕێکوستەیوە وێما. ئێمە پەشتگیریی یۊترینی کەرمۍ، هەمان وەختەنە هەوڵۍ گەشەپەنەدای یۊترینی و ئاڵترناتیڤ (یاگەدار)ێوە هەقەتینی مدەیمۍ.
کۊنفرانسەکەنە باسوو کۊنفیدرالیزمی دیموکراتیکیچ کریا. ئەرەمەرزنوو ئی پڕۊژەیە عەبدوڵڵا ئۊجەلان ئینا چێروو گۊشەگیریینە. نزیکەو ٣٢ مانگان حیچ زانیاریێوەش نییا، ئینەیە چەنی ورسەنگندۍ؟
مەبۊ هیچ یاگێوەنە چیوی چانە وەراوەروو کەسیوە کریۊ، بەتایبەت کەسێوە، کە ئاڵترناتیڤێوە ئارڎەینەرانەش پێشکەش بە مۊدێرنیتیی سەرمایەداری کەرڎەبۊ، سەرنجەو فرەو کەسیش پەی وێش کێشتێنە و بیینە بە هومێدێوە پەی گەلا، قەت نمەکریۊ ڕووبەڕووی ئی نۊعە زوڵم و فشارا بۊوە. پەوکای ئێمە پێسە ستیودنتی ئیندیپێندێنتی پەشتگیری جە هەڵمەتەو ئازاڎیی عەبدوڵڵا ئۊجالانی کەرمۍ. بە ڕاو من ئازاڎیی بەڕێزیشا ماناو ئازاڎی من، ئازاڎیی تۊ، ئازاڎیی گردیمانە، یەکەم چێو کە پێویسا کەرمێش قسەوباسا سەروو بارودۊخ و ئازاڎیی عەبدوڵڵا ئۊجالانی. حەتا حکومەتەکێما فشار دروس کەرا مشۊم هەوڵۍ دەیمۍ. متاومۍ فشار وزمۍ سەروو دەوڵەتوو تورکی و پێسە کاریگەری سەرشۊ وەش کەرمۍ، هەتا ئازاڎش کەرمۍ. ئەوەڵ وەڵۍ گرد چێوێنە مشۊم هاگادارۍ ڕەوشەکە بیمۍ.
