یۊبیەی ڕۊنامەنویسا ئەڵمانی (DJV) دژو گەشمەرڎەکەردەی ڕۆنامەنوویسا نازم داشتانی و جیهان بیلگینۍ جە لایەنو دۆڵەتو تورکیوە سەرو ماڵپەڕو ڕسمی ۋێشۆ ئەرەیاۋنێوەش وەڵا کەرڎۆ، ماچۆ: "هەردووە ڕۆنامەنوویسەکە ساڵانێوە فرە پەی ئەرەیاۋنای کوردی هەرمانەشا کەردێنە و هرووژمەکۍ سوپاو تورکی و میلیشیاکاو سوپاو نەتەوەیی سوریای (NSA)یشا پەی سەرو سەرنیشتی و ۋەرکۊتوو سوریای ڕووماڵ کەرێنۍ. بە قسۍ شایەتحاڵەکا، داشتان و بیلگینە بە ئەنقەس کوشیێنۍ".

سەرۆکو گرڎیی یۆبیەی ڕۆنامەنوویسا ئەڵمانی (DJV)، میکا باوستەر پەنەوازا حکومەتو تورکی دەمودەس ئی مژارەیە ڕۆشن بکەرۆوە، ئەر جە لایەنو هێزەکاو ئاڎیشاوە کریێنۍ ئامانج، مشۆم ۋەرپەرسا هرووژمەکەی دادگایی بکەرۆ، داواش کەردە شالیارو جبەرو ئەڵمانی چی ڕوۆ هامکار بۆ، واتش: "ئەر بەرگنۆ کە نازم داشتان و جیهان بیلگینە بە مەڵامەتو پیشەکەیشاوە بەئەنقەس کوشیێنۍ، ئینە کاریگەریش مەبۆ سەرو پەیوەندییە دیپلۆماسییەکاو ئەڵمانیا و تورکیای".