حسێن ئۊلان، پەرلەمانتاروو پارتوو چەپی سەوزی واتش، بارەو دۊخوو ئیساتێوە ئێستاوە جە ڕاو کۊبییەیۊکاوە سەروو بنەماو وێبییەی ڕۊشنۊکەرڎەی و وەرەچەمڕۊشنی بە خەڵکی دریۊ، تا جارێوە تەر نەگنا غەڵەتۊ، میکانیزموو ڕەخنە و ڕەخنەدای گیریۊنە وەر.
پارتوو چەپی سەوزی شارەکاو کوردستانینە یانە بە یانە، جادە بە جادە، دەگا بە دەگا چەنی خەڵکی کۊ بۊوە. فرەو شارەکاو کوردستانینە بەتایبەت جۊڵەمێرگ، بەدلیس، ئاگری و ئیدرێنە کۊبییەیۊ کریۊ و پەیلوای و وەڵێنیازوو خەڵکی ور گێریۊ.
حسێن ئۊلان، پەرلەمانتاروو پارتوو چەپی سەوزی بازنەو بەدلیسینە، بارەو هەرمانە و کۊبییەیۊکاوە، کە شارەکاو کوردستانینە هەنۍ، پەی ئاژانسوو فوراتی (ANF) قسێش کەرڎۍ.
حسێن ئۊلان واتش، ئەنجاموو ورچنیەیەکاو ماوەی ویەرڎەی پەی پارتەکەیما ئەنجامێوە سەرکەوتانەن و واتش: ئێمە ئا ئەنجاما بە شکستێوە مەوینمۍ، وەلۍ ڕۊشنیچا کە بە ئامانجەکەیما نەیاوایمۍ، ئیساتۍ پەنەوازا ورسەنگناێوە پەی ئا ئەنجاما کریۊ. پەوکای پێویس بۍ سەرۊ ڕاوشۊنێوە گیریۊرە وەر و بارەو دۊخوو ئیسەیۊ جە ڕاو کۊبییەیۊکاوە سەروو بنەماو وێیاگەیی ڕۊشنۊکەرڎەی و وەرەچەمڕۊشنی بە خەڵکی دریۊ غەڵەتۍ و کەسرییەکۍ کە وەروو ئامانجەکا گێرا، دەستنیشانۍ کریا. تا تیلێوە تەر ئا غەڵەتۍ دووبارۍ نەباوە، پەنەوازا میکانیزموو ڕەخنەی و ڕەخنەدای گیریۊنە وەر.
"گەل وێشا بە ساعیبۍ پارتەکەیشا مزانا"
ئۊلان باسش چانەیچە کەرد، گەل بە ڕاسواچانە و فیداکارانە وێشا بە ساعیبوو پارتەکەیشا زانا و واتش: "خەڵک فرە خاس ئینەیە مزانا؛ کە پارت پارتوو ئادیشان. مامەڵەو خەڵکی هەرگیز تاکەکەسی نەبییەن، پەیوەندیی ئیساتۍ پەی بەرژەوەندی نییا. پەوکای خەڵکی جە وێبەساعیبزانای جە کۊشیای و پارتی هەمیشە هەنگامێوە ئینۍ وەڵۍ ڕاوەبەراوە.
ئانەیچش وات، ئجۊم ئەنجامەکاو ورچنیەی بیێنۍ بایسوو ئانەیە جارێوە تەر بلمۍ وێمارە و گێڵمێوە پەی جەوهەری، ڕێخەی و بەهایەکاما. چونکووم ئی چێوۍ جە خەڵکی، کولتووری، شناسنامەی و جوگرافیاو ئێمەنە هەنۍ. خەباتەکە پێسە جارانی یانە بە یانە و جادە بە جادە، بەرڎەوام بۊ. چەمەڕوانیی خەڵکی جە پارتی ئانەنە، کە وێش بە ساعیبشا بزانۊ. گەرەکشانە ڕاوەبەراو پارتەکەی گرنگییشا بدا پەنە، بەتایبەت وەختوو ورچنیەینە و ڕاوێژشا چەنی کەرا و گرنگیی بە وەڵێنیازەکاشا بدا.
ئۊلان جەختیچش کەرڎۊ، ئەگەر ئا خەباتە ئیسەنە کریۊ سەروو بنەماو ڕاسی سەرشۊ مردیۊ ی هەرمانەش سەرۊ کریۊ، ئجۊم کاریگەریی ئەرێییش سەروو ئەنجاموو ورچنیەیە وێیاگەییەکاو ئایندەیۊ بۊ. تەنیا پێویسا ورسونیشت و مامەڵێوە ڕاسواچانە بۊ، داواکاری و وەڵێنیازەکاو خەڵکی گرنگییشا پەنە دریۊ. هەستکەرڎەی بە بێهیوایی و بێچارەسەری و بێباوەڕی هەستێوە فرە خراپا.
س.ز
