دماو هورچنییەو دۆناڵد ترەمپی پەی سەرۆککۆماری، ئەمریکا هەوڵو نزیکبییەیۆ جە ڕووسیا مڏۆنە، ئینەیچ بییەن بەمەڵامەتو فاڕیای جە هامسەنگی ئیسەو بەینو حەردووی وڵاتا.

دۆناڵد ترەمپ، سەرۆکو ئەمەریکای ئەرەیاوناش، گەرەکشا دمای بە جەنگ و گرژییەکا جە ئۆکرانیای بارۆنە.

ڕوستەم عومەرۆڤ، وەزیرو وەرگری ئۆکرانیای ئەرەیاونانش، ئۆکرانیا پەی ئاشتییێوە دادپەروەرانە و بەردەوام حەر جۆرە هەوڵدانێوە مکەرۆنە.

یاگێ ئاماژەین واشنتۆن و کیێڤ فشار وسا سەرو ڕوسیای پەی کەمکەردەیۆ هرووژمەکا پەی سەرو سەرچەمەکا وزەی.

هەرپاسە ئۆکرانیا ئامادەیی وێش پەی ئایێربەستەی گرڏی و بێ مەرج ئەرەیاونا.

هەرپاسە کرێملین باس چانەیە مکەرۆ کە تەنها سەرو بۆمبوران نەکەردەو سەرچەکا وزەی چنی ئەمریکای نەیاوێنی ڕێککەوتەی.

هامکات نوێنەرو تایبەتو ترەمپی ئەرەیاوناش؛ پێشبینی کریۆنە بەینو باڵوێزەکا هەردووی وڵاتی ئایێربەستەی کریۆنە.

شایانو باسین دماو ئانەی دۆناڵد ترەمپ پێسەو سەرۆکو ئەمریکای هورچنریاوە، پەیوەندییەکێس چنی ڕووسیای دەسپنەکەردێوە و سیاسەتو پەراوێز وستەو وەراوەرو ڕووسیایش مارا. هەرپاسە هاوکارییە سەروازییەکێش پەی ئۆکرانیای مدرنێ.

هەرپاسە وڵاتا ئەورووپایی سەبارەت بە ئەرەنیشتەی ئۆکرانیای کە گوایا پەشکۆش وسیێنێ ناڕەزایی وێشا بەربڕی.

قەرارا ڕۆو پەنچ شەمەی جە پاریسو پایتەختو فەڕەنساینە بە بەشداریی ولادیمیر زێلێنسکی و هامپەیمانا ڕووسیای گلێرۆبییەی کریۆنە.