ئەمینە شەنیاشارە، کە مێردەکەش و ٢ کوڕەکێش پاسەوان و کەسوکاروو پەرلەمانتاری وەڵێنوو ئاکەپەی، ئیبراهیم خەلیک یەڵدزی کوشتێ، پەی ئازادییەی کوڕەکەیش واوەی وەردەموو وەزارەتوو دادوو تورکیاینە دەسش بە چالاکی کەردۆ.
ڕۆو ١٤ حوزەیرانوو ساڵەو ٢٠١٨، کەسوکار و پاسەوانەکاو ئیبراهیم خەلیل یڵدزی، پەرلەمانتاری وەڵینوو ئاکەپەو ڕحای، مەنتێقەو پیرسوسینە هجوومشا کەرد سەروو بنەیانەو شەنیاشاری. چا مێردش و دووێ کوڕی ئەمینە شەنیاشارێ بە دڕندانە کوشیێ. ئەمینە شەنیاشارە و کوڕەکەش پەرلەمانتاروو پارتوو یەکسانی و دیموکراسیی گەلا (دەم پارتی) فەرید شەنیاشار، کە بە برینداری هجوومەکەنە بەرشی، پەی دادگاییکەردەی بکوشا و ئازادکەردەی فازڵ شەنیشاری وەردەموو دادگاو ڕحاینە دەسشا بە ئێشکگێریی دادپەروەری کەرد، چالاکییەکە ئینا ڕۆو ٥١ هەمینینە و بەردەواما.
ئەمینە شەنیاشارە سەروو کورسیی جووڵیایۆ تابلۆو "دادپەروەری"یش ورگێرت و چەنی کوڕەکەیش بەرەو وەزارەتوو دادی ڕاشا پیما. ئەمینە شەنیاشارە وەردەموو وەزارەتەکەینە داواو دادپەروەرییش کەرد.
شەنیاشارە واتش فازڵ شەنیاشار بە ناهەقی زیندانیی کریان و داواش کەردە کوڕەکەیش ئازاد کەرا.
