ئەنجوومەنوو گەنجاو پارتوو چەپی سەوزی بە مەبەستوو ئامادەکاری پەی سەرڎەمی تازەی ئەنقەرەنە کوۍ بیێوە. ئەنجوومەنوو گەنجا وەڵۍ کۊبییەیۊکەینە دەسپەنەکەرڎەی هەڵمەتەکێش ئەرەیاونا. ئەندامەو ئەنجوومەنوو گەنجا سەنەم ئەریشە ئەرەیاوناکەیش واناوە. 

ئەرەیاوناکەینە ئامان: " ئینایمۍ سەرڎەمێوەنە کە بۊنەو سیاسەتەکاو دەسەڵاتیوە ژیوگە و سروشت تاڵانۍ کریا، ئیرادەو گەنجا و گەلی ڕاو قەیوومەکاوە زەوت کریا، هجوومەکاو سەروو ژەنا و دەسکەوتەکاو ژەنا ڕۊ بەڕۊ زیادتەرۍ با، کرێکارۍ چەوسییاوە، پاشێلکاریی مافەکا زیادش کەرڎەن و جەنگ قووڵتەر بییەنۊ".

گۊشەگیری ئیمراڵینە

ئەرەیاوناکەینە پێسە باسوو پەرسەو گۊشەگیری کریان: "گردوو سیاسەتەکاو دەسەڵاتی سیاسەتوو دژە خەڵکینۍ. گەورەتەرین سیاسەت کە دەسەڵات دژوو گەلینە بەرۊش ڕاوە سیاسەتوو جەنگین. دەسەڵاتداری ئاکەپە-مەهەپەی جە ساڵەو ٢٠١٥ جبەروو وەڵاتینە و دلێچۊ، دژوو گەلوو کوردی ئینا جەنگێوە نەمرڎانە. بناغە و سەرچەمەو کێشە لە نەژماریایەکا ئارۊ ئا جەنگەنە، کە دژوو گەلوو کوردی سەرپا وزیان. بنەڕەتنە سیاسەتوو گۊشەگیریی نەمرڎا ئیمراڵینە درێژەش دریۊ پەنە.. گۊشەگیریی ڕەها سەروو ڕابەروو گەلوو کوردی عەبدوڵڵا ئۊجالانیوە جەنگش چۊوە گنۊوە. جەنگیچ هەژاری و کەمدەرامەتی شۊنەو وێشەرە مارۊ. وەروو ئانەی ئانەیچ ئیمراڵینە جە گۊشەگیرینە مردنیان گەلوو تورکیاین نەک عەبدوڵڵا ئۊجالان. هەوڵۍ دریا ئیمراڵینە هەناسەو تەماموو گلێرگەی تورکی بڕییۊ. ئێمە جارێوە تەر ئەرەیاونمێش، کە ئی سیاسەتوو گۊشەگیرییە، کە جە کەسێتیی ڕابەروو گەلوو کوردینە سەروو گردوو گەلاو وەرکەوتوو دلێڕاسەیۊ پەیڕەو  کریۊ، قبووڵش مەکەرمۍ و پەی ئازادیی گەلا ڕێکوستەیەکاما وەرفراوانۍ کەرمۍ و گۊشەگیری نمازمێ".

 سیاسەتەکاو جەنگی تایبەتی

دەسەڵاتداریی ئاکەپە-مەهەپەی وەختیوە گەرەکشا گلێرگەی جە ڕاو چوسنایۊوە سەرکوت کەرۊ، بە سیاسەتوو جەنگی تایبەتی هەوڵۍ مدۊ کە گەنجا جە دەورە تاریخییەکەیشا دوورۍ وزۊوە. ئارۊ جەنگی تایبەتوو دژوو گەنجا بەقووڵی و تند و سیستماتیک ملۊ ڕاوە. بەتایبەتی گەنجاو کوردی، جە ڕاو وەرزش، هونەر، زنجیرە دراماو کەناڵە تەلەڤزوێنییەکاوە، هەواڵۍ و هتد.. بیرڎۊزوو وێش دلۍ گەنجاو تورکیاینە وەڵا کەرۊوە. ماوەو١٠-١٥ ساڵی ویەرڎەینە بەگردی ئا زنجیرە درامۍ پەخشۍ کریاوە کە پۊلیس، سەرواز، مافیا و بنەیانەو نەتەوە-دەوڵەتەکا بەمەبارەک نیشانە دریا. هەوڵۍ دریا قارەمانێتیی ساختە، ئەرەگیری، تاڵانکاری و هتد جوان کەرا. پا ڕێبازا گەرەکشانە گەنجا کەرا بە نۊکەروو ئا سیستمەیە. پەڕتەرستەرین لایەنوو ئی جەنگی وەڵاکەرڎەیۊ ماددەی هۊشبەری و لەشورەشیین. تا مەژگوو گەنجا بشێونا و جە سیاسەتی دوورێشا وزاوە، بە ئەنقەست ئانیشا وەڵا کەراوە. دەسدرێژی و گێچەڵۍ دژوو ژەنەگەنجا سەروو دەساو ئا کەسارە جە بەرگی ڕسمی و سەروازیشا پۊرەن، کریۊ. ڕووەدایەکاو گوڵستان دۊکوی و ئیپەکی ئەگەر بەڵگۍ حاشاورنەگیرێنۍ سەروو سیاسەتەکاو دەوڵەتی لە کوردستاننە. پێسە گەنجا ئێمە دژوو ئانەیە بێدەنگۍ مەبیمۍ. نابین. دژشا مردمێوە کە ماددەی هۊشبەر و بێڕەوشتی و لەشفورەشی دلۍ گەلەکەیمانە وەڵا کەراوە.

'ئی سیستمەیە فاڕمێ'

ئێمە میراتوو کۊشیای ئازادی، کە جە هامڕایاما حەقی، کەمال، مەزڵوم و ئیبراهیمەکاماوە ورما گێرتەن، گەورەتەرش کەرمۍ و ئی سیستمە سیاو و تاریکەیە دلێنە بەرمۍ و فاڕمێش.  چیگەوە ئەرەیاونمێش، کە دژوو گرد نۊعە جەنگێوە تایبەتینمۍ، کە کەمپینوو 'کۊشیای شکۊمەندانەی دژوو جەنگی تایبەتی" دەس پەنە کەرمۍ. ئێمە کۊشیایما چی سەرڎەمەنە خاستەر کەرمۍ. پێسە ئەنجوومەنوو گەنجا ئێمە چەنی هامڕا چەپا، سۊسیالیستا و شۊڕشگێڵنا کۊشیایما هەستەر کەرمێوە. تا هەروەخت گۊشەگیریی سەروو بەڕێز عەبدوڵاڵ ئۊجالانی دماییش پەنە بۍ مدرامان کەرمۍ. ئێمە دژوو ماددەی هۊشبەری، ئەقڵیەتوو نێرسالاری، تاڵانکەرڎەی ئیکۊلۊژی، تاویایۊ کولتووری و گرد نۊعە بیرڎۊزێوە، کە گەنجا جە ڕیشەو وێشا دوور وزۊوە، مردمێوە. پەوکای داوا جە گردوو گەنجا کەرمۍ، کە جە چوارچوەو کەمپینەکەیمانە دژوو جەنگی تایبەتی، قوە بە مدرامانی بدا، زیادتەر و خاستەر وێشا ڕێک وزا و بەشدارۍ بە جە کۊشیاینە".

س.ز