بێریڤان باخچەچییە، قسەکەرەو ئەنجوومەنوو ژەناو پارتوو هەرێمە دێموکراتیکەکا (دەبەپە)، لە نویسگەو ڕاوێژکاریی ناوەندی گردینوو پارتەکەیش ئامەدنە، وەڵێئامایەکاو ڕۆیش ورێسەنگنێ.  

باخچەچییە واتش: "پێویسا ئا تندوتیژی و میلیتاریزەییە، کە سەدەو ٢١ ینە ئینا زیادبییەینە و موینیۆ، جیاوازییش چەنی پارچەبییەی ژەنێ و پیای نییا و واتش: "مۆدێرنیتەی سەرمایەداری و عەقڵییەتی پیاسالاری، کە هێز سەرمەشقشا، هەمان وەختەنە کاتدا پەشتی بە ڕەگەزپەرسی و نەتەوەپەرەسی، ئایین و سیاسەتوو جەنگی تایبەتی و تندوتیژی مبەسۆنێ، هەوڵێ مدۆنێ گلێرگا و بەتایبەتی ژەنی جە سیستمێوی تازەی پیاسالاریینە بەکار بارۆنێ و درێژە بە بییەیش بدۆنێ.

باخچەچیە واتش، کە فرە ڕۆشنا، کە سیاسەتەکاو جەنگی تایبەتی کوردستاننە، وەڵێ گرد چێوێنە کۆشیای ڕێکوزیاو ژەنا و گەنجا مکەرۆ ئامانج، گرنگ نییا هجوومەکاو سەروو ژەنا وەنەو کێ و چکۆوە بێ، ئێمە بە فەلسەفەو ژەنی، ژیوای، ئازادی دژوو ئا هجووما مردمێوە، ئینە ڕێبازی سەرەکیمانە، وەروو ئانەیە دڵنیێنمی ئا سیاسەتێ کوردستاننە بە ئەنقەس و سیستماتیک مکریا."

باخچەچیە درێژەو قسەکاشنە سەرنجەش پەی گۆشەگیریی سەروو ڕابەروو گەلوو کوردی عەبدوڵا ئۆجالان کێشا و واتش: "زانییان، کە دەسەڵاتداراو ئاکەپەی و مەهەپەی گەرەکشانە گرد یاگێوەنە پێسە سیستمێو درێژە بە گۆشەگیریی ڕەهای ئیمرالیینە بدا، سەرەتا هەوڵێ مدانێ ئا سیستمە گردوو، زیندانی دماتەر گردوو گلیرگەینە وەڵا بکەراوە. وەراوەروو ئینەیچەنە چوارچوەو هەڵمەتەو ' ئازادیی پەی عەبدوڵا ئۆجالانی، چارەسەری سیاسی پەی دۆزوو کوردی'، هەڵمەتەو ئازادیی دەسش پەنە کەرد و بە هێزوو ئا هامکارییە کۆمەڵایەتییەی، کە ٨و مارسی، نەورۆزنە، ورچنیەی ٣١و ئادارینە ڕووەش دا و واننە، گەل پەی پارێزنای ئیرادەیشا مدرامانش کەرد، جەخت چانەیە مکەرمێوە، کە تا ئازادیی جەسەیی بەڕێز عەبدوڵا ئۆجالانی بە ئیرادە و کۆشیاێوی  گەورەوە درێژە بە چالاکییەکاما مدەیمێ.