ئا یەرە نامیلکۍ ئەرەمەرزیا و دەسوەڵۍ وستەی میان نەتەوەیی پۍ ئازاڎیی عەبدوڵڵا ئۆجالانی ئاماڎېش کەرڎېنۍ؛ ئی نامیلکۍ جە کتێبە جیا جیاکا ئۆجالانیوە هۊرگیریېنۍ بە مەبەسو ئانەی ۋەنەری جەبارەو ئا بابەتاوە بە دیدەو ڕابەروو گەلوو کورڎی ئاشنا کەرا. کۆمیتەو ئازاڎیی ئۆجالانی جە پانیشتوو کوردسانی زەحمەتوو چاپی و ۋەڵاکەرڎەیۊیش جە ئەستۆ گرتەن.

نامیلکۍ ئازاڎکەرڎەی ژیۋای؛ ئاخېزوو ژەنا، دارا سوبحانی جە زۋانی ئینگلیزییوە کەرڎېنېش بە کورڎی.

جە ماوەو ساڵا ۋیەرڎەینە ئۆجالان چنڎین جارۍ ئاماژەش پۍ ئانەی کەرڎەن کە ئاستوو ئازاڎیی ژەنۍ جە حەر گلېرگېوەنە ئاستوو ئازاڎیی خودو ئا گلېرگەیە دەسنیشان کەرۊ. ئاڎ جە چەمپنەکۊتەکاشەنە تەئکیدش سەروو ئی مژارا کەرڎەنۊ و ماچۊ:"ئازاڎیی ژەنۍ پۍ من جە ئازاڎیی وڵاتی بەقیمەت تەرا". فکروو نووستەیۍ تایبەتی جەبارەو ئازاڎیی ژەناوە پا جۊرە گەڵاڵە بی.

نامیلکەو کۆنفیدراڵیزمی دیموکراتییکی، ئاوات ئەحمەڎ سوڵتانی جە زۋانی ئینگلیزییوە کەرڎەنۊ بەکورڎی.

پۍ ماوەو زیاڎ جە (٣٠) ساڵا، پارتوو کرێکارا کوردسانئ (پەکەکە) جە کۊشیاینە بیەن پەی مافە ڕەواکا گەلوو کورڎی. بەدروشمەکا"خەباتوو ئێمە، جەنگوو ئێمە پۍ ڕزگارییا" پەرسوو کورڎیش کەرڎ بە مەسەلېوە میان دەوڵەتی، کە کاریگەرییش سەروو تەمامو ۋەرکەوتوو میامینی هەن و چارەسەرێوە تەمامش پۍ پەرسوو کورڎی وستەن ۋەروو دەسی.

نامیلکەو نەتەوەی دیموکراتیکی، دیار سیروان بیلال جە تورکیوە کەرڎەنشۊ بەکوردی

"نەتەوەی دیموکراتیک" نامۍ ئی پڕۆژە ئەلتەرناتیڤەینە. ئۆجالان داوا جە گرڎ لېوە کەرۊ کە چی چوارچێوەنە ژیۋای ئازاڎ و مرۆڤایەتی بنیاڎ بنیا و ۋەرگیرییش ۋنەکەرا. دەنگوو ئۆجالانی پېسە دەنگی ئاشتی و لۆژیکی فرە گرنگا، بەڵام فرەو وەختی، گەرەکشانە ئی دەنگیە جە ژووری تاکەکەسی زینڎانی ئیمراڵینە خنیکنا و چا جە گۆشەگیریېوە رەهانە بازاشۊ. ئازاڎییەکەش ئینا مەسڵەحەتوو گرڎوو گەلا ۋەرکەوتوو میامینینە؛ نەک تەنیا کورڎ.

ئیسە ئی نامیلکۍ جە گرڎوو کتێبخانەکانە ۋەردەسېنۍ.

هـ.ش