ئەردۆغان: پڕۆسەکە بە وردی ملۆ ڕاوە
ڕەجەب تەیب ئەردۆغان، سەرۆکو ئاکەپەی ئاماژەش پانەی دا کە حەفتەی ئایندە دیدار چنی شاندو ئیمڕالی مکەرۆ و باسش چانەی کەرد، پڕۆسەکە بە وردی ملۆڕاوە.
سەرۆکو ئاکەپەی ڕەجەب تەیب ئەردۆغان ماوە و گێڵایۆیشەنە جە ئازەربایجان فڕۆکەکەشەنە جواب و پرسیارە و ڕۆنامەواناش داوە.
ئەردۆغان ئەرەیاوناش، جە هەفتەی ویەردەنە چنی ئەندامێ شاندو ئیمڕالیی پارتو یەکسانی و دیموکراسیی گەلا (دەم پارتی) پەروین بوڵدانە و مەدحەت سه‌نجار دیدار مکەرۆ. ئەردۆغان ئاماژەش پانەی کەرد کە سەرۆکو نوێنەرا ئاکەپەی ئەفکان ئاڵا و سەرۆکو میتی ئیبراهیم کاڵنیش بەشداریی جە دیدارەکانە مکەرا.
ئەردۆغان ئاماژەش پانەی کەرد، ئەر قەرارو چەکنیارە و پەکەکەی جابەجێ کریۆ، پڕۆسەکە خێرا بۆنە و واتش، "ئەرەمەزیێ پەیوەندیدارەکێما بەوردی لواشۆنی پەی هەر هەنگامێوە جوڵەی مکەرا و هەنگامەی پەنەوازە منیا. ئێمە مەتاومێ ئی پڕۆسەیە بە هەڵپەسێردراو بازمێ و ڕا بە گێرەشێوێنی مەرەیمێ. ئێمە بە وردی هەرمانە مکەرمێ، بە متمانۆ بەرەو وەڵێ ملمێ."
