ئەرەیاۋناو یەکینەکا پارېزنای ۋەرکەوتوو کورڎسانی(یەرەکە)، جە بارەو هجوومە ئاسمانیەکا ترکی ئەرەگیریۊ جە ١ و ٢ ئەیلولینە جە هەرېمەکا ئاسۊسی و پېنجوېنۍ ئەرەیاۋنېوەش ۋەڵا کەرڎۊ.

جە ئەرەیاۋناکەو یەرەکەینە ئامان، ئەنجامدای هجوومی جە ڕۊو ئاشتینە بەرش وزۊ، کە دۊڵەتوو ترکی جە گرڎ پارچەکانە هجوم کەرۊ سەروو دەسکۊتەکا گەلوو کورڎی.

یەرەکە ئاماژەش پانەیچ کەرڎەن،"پی جۊرە هجووم کەرا سەروو گەریلای، سەرمەشقوو جوگرافیاو کورڎسانی. چن ڕۋۍ چېوەڵتەر ئەرەیاۋناما، جە هجوومەکا سەروو ئاسۊسینە حیچ زەرەرۍ گیانیما نەبیەن. بەڵام جە ٢ ئەیلوولینە، وەختۍ دووۍ هەڤاڵېما بە ماتۊڕ ئەرکەکاشا جابەجۍ کەرېنۍ، کریۍ ئامانج، جە ئاکامەنە یۊ جە هەڤاڵەکاما گەشمەرڎە بی، هەڤاڵە گەشمەرڎەکەما بەرخودان ئامەڎا".

بەپاو ئەرەیاۋناکەی، ئشناسنامەو ئا گەریلا گەشمەرڎەیە ئینەن:

نامۍ و دمانامۍ/ مەزڵووم ئۊزتورک

ناسنامۍ/ بەرخودان چیاگەر

وەختوو یاگۍ جە ئەڎابیەی/ ١٩٩٧ – ئامەڎ

وەختوو یاگۍ بەشڎاریکەرڎەی/ کانوون و دووەم و ٢٠٢٣- فەرەنسا

وەختوو یاگۍ گەشمەرڎەبیەی/ ٢ۍ ئەیلوولی- پېنجوېنە

جە دمادمایی ئەرەیاۋناکەو یەرەکەینە ئامان،'' سەرەوەشی ۋېما ئاڕاسەو خانەواڎەی بەنرخوو ۋڵاتپارېزی گەشمەرڎە بەرخودانی و گرڎوو گەلی ۋڵاتپارېزیما کەرمۍ. وەعد مڎەیمۍ حەقەو گەشمەرڎە بەرخودانی و گرڎوو گەشمەرڎا ئازاڎیی بە مسۊگەرکەرڎەی ئازاڎیی ڕابەر ئاپۊی و بنیاڎنیای کورڎسانېوە ئازاڎیی، کەرمېوە.