یەرەکە: پڕوپاگەندەکاو دەوڵەتوو تورکی ڕاسۍ نییەنۍ
یەرەکە سەبارەت بە هجوومەکاو شەوەی وەڵینەو دەوڵەتوو تورکی ئەرەیاوناێوەش پەی ڕای گرڎینۍ وەڵا کەرڎەنۊ،ئەرەیاونۊش: "حیچ زەرەرێوە گیانییش نەبییەن و پڕوپاگەندەکاو دەوڵەتوو تورکی ڕاسۍ نییەنۍ".
فەرمانداریی یەکینەکاو پارێزنای وەرکەوتوو کورڎسان (یەرەکە)ی، جە ئەرەیاوناێوە نویسیانە، پڕوپاگەندەکاو دەوڵەتوو تورکی وزۊوە دروێوە و داوا کەرۊ گرڎ لێوە دژوو هجوومەکا هەڵوێستشا بۊ.
دەقوو یاونایەکەو (یەرەکە)ی پێسنەن:
"پەی ڕای گرڎینی و گەلەکەیما
شه‌وەی وەڵینە جە ڕێککەوتوو ٠١.٠٩.٢٠٢٣ فڕۊكه جه‌نگییه‌كاو ده‌وڵه‌توو ئەرەگیر و فاشیستوو توركیای بەهەسی بۊمبوارانوو دەگایەکاو سه‌ر به هه‌رێموو شارباژێڕیشا ده‌وروبه‌روو کەشەکاو ئاسۊسینە كەرد. ئا بۊمبوارانە كه سەعات٠٠:٣٠ هه‌تا ٢ۍ شه‌وێش خواینا، حیچ زەرەرێوە گیانییش نه‌بییەن و پڕوپاگه‌نده‌كاو ده‌وڵه‌توو توركیای چی باره‌‌وه گرڎشا دروێنۍ و ڕاسۍ نییەنۍ.ده‌وڵه‌تی ئەرەگیر و فاشیستوو توركیای بۊردومانه‌کەنە ته‌نیا زه‌ره‌رش به باخ و باخچه‌و خه‌ڵكوو هه‌رێمەکەی یاونان. پا بۊردومانە‌یە جارێوە تەر دوژمنایه‌تیی ده‌وڵه‌تی فاشیستوو تورکیای وەراوەروو گه‌لوو كوردیوە پانیشتوو كورڎسانینە سه‌لەمییا.
پێویسا گه‌لوو ئێمه جە گرڎوو به‌شه‌كاو كورڎسانینە و به‌تایبه‌تی گه‌لوو پانیشتووو كورڎسانی ساعیبۍ هه‌ڵوێستی با و وەراوەروو ئا هجووماوە بێدەنگۍ نەبا.".
س.ز
