ئەرەنیشتاو به‌دلیسی: كرده‌وۍ ساڵەکاو ٩٠ درێژەشا هەن
١٠ دەگۍ مەنتێقەو خیزانوو به‌دلیسی تەوقە دریێنیۍ. ئا دەگانشینۍ، كه هێزه‌كاو سه‌ر به ده‌وڵه‌توو توركی ورشا کوان سه‌روو یانەکاشا ماچا: "ئێمه ئارۊ جە دۊخێوە هاومشێوەو نه‌وه‌ده‌كانە مژیومۍ".
جە چند دەگێوە خیزانوو سه‌ر به به‌دلیسنە هارات، ئاكونوس، گۊڤان، نانیلان، خاڵه‌پور، كه‌كولان، سوره‌ح، په‌رتاوان، كوڕان، ئوره‌حنە، به بەهانۍ ئانەیۊ گه‌ریلاكاو هه‌په‌گه‌ی وینیێنۍ، قەراروو قه‌ده‌غه‌و هاموشۊی ئەرەیاونیا.
دماو ئانەیە ئیداره‌و پارێزگاو به‌دلیسی قه‌ده‌غه‌و هاموشۊیش ئەرەیاونا، هاموەخت چەنی ئا ئۊپه‌راسیۊنه سه‌روازاییا دماو قه‌ده‌غه‌كەرده‌كه‌یۊ دەسش پەنە کەرد. دەگایەکانە ورکوای سه‌روو یانا ده‌سش پەنە کەرد و ٣ دەگانشینۍ گیریێنۍ.
بە پاو زانیارییه‌كا، سه‌رجه‌موو دەگایەکا تەوقە دریێنۍ. ڕا مەدریۊ ئەرەنیشتەکێشا یانەکاشانە بزیارە و هەرمانەکاشا پۊڕنا و به‌زۊر کیانیێنێوە یانە. شه‌وێچەنە ورکوا سەروو یانا و پەرسێشا وەنە پەرسا، "تیرۊریسەکۍ چکۊنۍ"، تەماموو دەگایەکا ئینۍ چێروو كونترۊڵوو سیستموو وشکنای و چەمداریی پۊلیسینە.
هه‌ر به پاو زانیارییه‌كا، جگه جە زیادبییەی سەیارە سه‌روازییا، سەیارۍ مه‌ده‌نیێچ چا مەنتێقانە زیادۍ بیێنۍ. دەگانشینۍ واتەنشا، سایقۍ سەیرەکا ئه‌ندامۍ تیمەکاو کۊنتراینۍ.
دەگانشینۍ واتەنیچشا، ئیساتۍ هه‌مان بارڎۊخوو ساڵەکاو نه‌وه‌دینە مژیوا. داواشا جە گرد كه‌سێوە كەرڎێنە وەراوەر به دۊخوو مەنتیقەکاشا هه‌ستیارۍ با.
س.ز
