ئێشکگیری دادپەروەری ئەمینە شەنیاشارێ کە هامژین و دووێ کوڕێش جە ١٤ و حوزەیرانو ٢٠١٨ جە مەنتیقەو پیرسوسی ڕحای جە لایەنوو پاسەواناو قۆما پەرلەمانتاری وەڵینوو ئاکەپەی ئیبراهیم خەلیل یەڵدزیۆ کوشیێ، بەردەواما. ئێشکگیری دادپەروەەری شەنیاشارێ و فەرید شەنیشاری کوڕش کە پەرلەمانتارو پارتو یەکسانی و دیموکراسیی گەلا (دەم پارتی) ڕحایا، ١١٤ ڕوێن بەردەواما.. ئەمینە شەنیشارە جە چالاکییەکەنە واتش: "شمە خێزانێوەتا جە خەسەخانەنە کوشت. چێشتا گەرەکا؟".

هاموەخت سەڤینچ چاکیر کە کوڕەکەشا جە هەوڵوو کودەتاکەو ١٥ و تەمموزو ٢٠١٦ یەینە گیریا، چێروو کاریگەریی ئەمینە شەنیاشارێنە وەروودەم و وەزارەتوو دادینە دەسش بە چالاکی کەردەبێ، سەڤینچ جە ڕۆو ٣٥ ەمینینە درێژەش بە چالاکییەکەیش دا.