هەپەگە ئشناسنامەو گەشمەرڎا ئۆپەراسیۆنی شۆڕشگێڵنیش ئاشکرا کەرڎ و واتش، "هامڕېما جوان و ئەندۆک و بۆتان کە فیداکاریشا کەرڎ بە شێوازوو ژیۋای، گرڎ ساتێوە کۊشیایشا پۍ بەدەسئارڎەی سەرکۊتەی گۊرەی فیداکەرد".
ناوەنڎوو ئەرەیاۋنا و چاپەمەنی هەپەگەی، سەبارەڎ پا گەریلا گەشمەرڎا کە جە ئۆپەراسیۆنی شۆڕشگێڵنی مېڎانوو مدرامانوو کەش و ئامێدینە گەشمەرڎۍ بیۍ، ئی زانیاریېشە ۋەڵاکەرڎۍ:
"جە ئەرەیاۋناکەیمانە جە ٢١و تشرینوو دووەموو ٢٠٢٣ېنە؛ ئەرەیاۋناما کە جە ٢٠و تشرینوو دووەمینە جە هەرێموو مدرامانوو کەش و ئامێدی چالاکیېوە شۆڕشگێڵنی ۋەرفراوان دژوو سوپاو ئەرەگیری تورکی ئەنجامدریان، چی هەڵمەتە شۆڕشگێڵنیېنە ٤٩ ئەرەگیرۍ سزا دریۍ، دەیان سەنگەرۍ و خێمۍ دوژمنیچ دلېنەبریۍ. جە ئەرەیاۋناکەینە ئا زانیاریېما چنی گەلی وڵاتپارێزی و ڕای گرڎینە وەڵا کەرڎۊ، کە هامڕېما جوان و ئەندۆک کە سەرمەشقایەتی ئی ئۆپەراسیۆنە شۆڕشگێڵنیەیشا کەرڎ، فیداییانە دژوو دوژمنی جەنگشا کەرڎ و گەشمەرڎۍ بیۍ. هامڕاما بۆتان کە سەرمەشقی ئی ئۆپەراسیۆنە شۆڕشگێڵنیەیشە کەرڎ، جە جەنگەکەنە بە سەختی زامڎار بی و سەرەڕاو گرڎوو دەسوەردای هامڕاکاش، نەتاویا ڕزگار کریۊ و گەشمەرڎە بی.
هامڕا شکۆمەنڎەکېما، جەنگاوەرا ئاپۆیی، گیانبەخشایا خەتەو فیداکاری، جوان و ئەندۆک و بۆتان، بە ئۆپەراسیۆنێوە شۆڕشگێڵنانەی سەرکۊتە، یۆ جە قورستەرین گورزەکاشا جە سوپاو ئەرەگیری تورکی شانا، و یاگۍ ۋېشا جە تاریخوو ئازاڎیی گەلەکەیمانە گرت. هامڕېکێما جوان و ئەندۆک و بۆتان کە فیداکاریشا کەرڎ بە شێوازوو ژیۋای، هەر ساتێوە کۊشیایشا پۍ بەدەسئارڎەی سەرکۊتەی گۊرەی فیداکەرد. ئی هامڕېما، بە دمایین ئۆپەراسیۆنی شۆڕشگێڵنانە، هێزوو گەریلایشا پۍ دۆس و دوژمنا بەروست، کۊشیای ۋېشا یاۋنا قولەپۊپە و ئێمەیچ شۊنەو ۋېشارە بەرا و بیۍ بە عالتەرین فەرماندەکا کۊشیای.
وەعد مڎەیمۍ بەبێ دوو دڵی سەروو ڕاو هەڤاڵاما جوانی و ئەندۆکی و بۆتانی هەنگامە بنیەیمۍ کە وەڵۍ ساڵیاڎوو ئەرەمەرزناو پەکەکەی فیداکارانە مدرامانشا کەرڎ و لوۍ قافڵەو گەشمەرڎاوە، بە دڵنیاییوە ئامانجەکاشا سەروزمۍ. سەروو ئی بناغەیە سەرەوەشی ۋېما ئاراسەو گرڎوو گەلی وڵاتپارێزوو کوردسانی و بەتایبەتی بنەیانەو هامڕا گەشمەرڎەکاما کەرمۍ.
ئشناسنامەو هامڕا گەشمەرڎەکاما پی جۆرەنە:
ناسنامۍ / جوان وڵات
نامۍ و دمانامۍ / فاتیح بوڵوت
شۊنماو جە ئەڎابیەی / مێردین
نامۍ ئەڎۍ و نامۍ تاتەی / مەدینە – عەلی
وەختوو شۊنماو گەشمەرڎەبیەی / ٢٠ و تشرینوو دووەموو ٢٠٢٣/زاپ.
ناسنامۍ / ئەندۆک عادل
نامۍ و دمانامۍ / ڕەمەزان بیلال
شۊنماو جە ئەڎابیەی / عەفرین
نامۍ ئەڎۍ و نامۍ تاتەی / ئەسمەهان – فەوزی
وەختوو شۊنماو گەشمەرڎەبیەی / ٢٠ و تشرینوو دووەموو ٢٠٢٣/زاپ.
ناسنامۍ / بۆتان ڕاپەڕین
نامۍ و دمانامۍ / سەعید سۆنگولالپ
شۊنماو جە ئەڎابیەی / ئیستەنبوڵ
نامۍ ئەڎۍ و نامۍ تاتەی / خالیسە – ئەمروڵا
وەختوو شۊنماو گەشمەرڎەبیەی / ٢٠ و تشرینوو دووەموو ٢٠٢٣/زاپ.
