فەرمانڎەیی قەرارگەی ناۋەنڎی پارېزنای گەلی(نەپەگە)ی جە ئەرەیاۋنېوەنە، ئشناسنامەو ئا گەریلایاشە ئاشکراکەرڎ، کە ڕۊوو ١/١٠ی جە ئەنقەرە دژوو وەزارەتوو دلېینەو دۊڵەتوو ترکی چالاکی گیانبازیشا کەرڎ.

جە ئەرەیاۋناکەنە ئامان:"ۋەڵتەر ئەرەیاۋناما، کە ڕۊو١-١٠-٢٠٢٣ سەعات ٩:٣٠ دەیەقۍ جە ناوەنڎوو شاروو ئەنقەرەی، تیمېوە سەربەتابوری نەمرانی دژوو وەزارەتوو دلېینەو دۊڵەتوو ترکی چالاکی فیدایشا کەرڎ و ئەرەیاۋیایچ، کە زانیاری ورد جەبارەو ئشناسنامەو هامڕا فیداییەکاماوە وزمۍ ڕووە".

تیمە فیداییەکەما کە ئا چالاکیە تاریخیەشا بەشېۋېوە پڕۊ فیشناڵ ئەنجام دا، هامڕېما ڕۊژهات زیلان(ئۊزکان شاهین) و ئەرداڵ شاهین(حەسەن ئۊگوز)ەنۍ. هامڕېما ڕۊژهات و ئەرداڵ، بە چالاکیە قارەمان و تاریخیەکەیشا، دوژمنی ئەرەگیروو قڕکەرشا تۊقنا، مۊرەو ۋېشا جە سەردەمی دا و بیۍ بە ڕەمز.

سەرەوەشی ئاڕاسەو خانەواڎەی بەنرخ و هەڤاڵاما و گرڎوو گەلی ۋڵاتپارېزوو کورڎسانی کەرمۍ. وەعد مڎەیمۍ حەتا دما هەناسە وەفاڎاروو دڵسۊزۍ ڕاو هامڕای و ژیۋای ئاپۊیی، خەتەو کۊشیای، هەڵۋېسی فیدایی، پڕۊفیشناڵ، هېزی حەق سانی گۊرەو گەشمەرڎا تابوری نەمرانیما بیمۍ، حەرپاسە تا ئاخر بە چالاکیە گۊرەکەیشا کە پاسما پنە کەرۊ تەنیا سەرکۊتەی بە بنەما گېرمۍ، بە دڵنیایوە کۊشیایشا میاۋنمۍ بە سەرکۊتەی.

زانیاری جەبارەو ئشناسنامەو هامڕایا گەشمەرڎەیما پی جۊرەنە:

ناسنامۍ / ڕۆژهات زیلان

نامۍ و دما نامۍ / ئۆزکان شاهین

یاگۍ جە ئەڎابیەی / وان

ئەڎا و تاتە / ئیپەک-محەمەد

وەختوو یاگۍ گەشمەرڎە بیەی / ١ / ١٠ / ٢٠٢٣ / ئەنقەرە

***

ناسنامۍ / ئەرداڵ شاهین

نامۍ و دما نامۍ / حەسەن ئۆگوز

یاگۍ جە ئەڎابیەی / مێرسین

ئەڎا و تاتە / ڕەمزیە-عبدوسەلام

وەختوو یاگۍ گەشمەرڎە بیەی / ١ / ١٠ / ٢٠٢٣ / ئەنقەرە