گەرلۍ یەژاستاری رۆزا تۆڵهەڵدانە کە بۊنەو ٣٩ ەمین ساڵوەگېڵو هەڵمەتەو ١٥ و ئابیۊ قسېش پۍ (ANF)ی کەرڎۍ، باسش چانەی کەرڎ کە بەسەرمەشقی فەرمانڎە عەگیدی ئا کۊشیایەی جە دژوو جەنگی و ستەمی جە جوگرافیاو کورڎسانینە لۋاڕاوە، سەرەتېوەبۍ.

رۆزا تۆڵهەڵدانە باسش چانەی کەرڎ کە ئاڎۍ پېسە گەریڵاکا هەپەگەی و یەژاستاری هەڵمەتەو ١٥ و ئابی  پۍ ئی قۊناغۍ کە ئاڎېش چنەنۍ، مانایۍ تایبەتەش هەنە و ۋاتش"من ١٥ و ئابی جە گەلەکەیماو ڕابەر ئاپۊی و هە ڤاڵاما جە سەنگەرەکانە  مبارەک کەرو . جە کەسایەتی عەگیدینە من ۋەرودەمو گرڎوو گەشمەرڎانە سەرەو ۋېم منامنورە".

ئێمە بە رۆحیانەتو هەڤاڵ عەگیدیۊ کۊشش کەرمۍ

رۆزا تۆڵهەڵدانە باسیش چانەی کەرڎ کە چا کۊشیایەی بە ١٥و ئابیوە ۋەڵۍ وزیا قوربانیۍ گۊرۍ بەخشیۍ و ۋاتش "ئێمە ئەو رۆحی بەرخودانەی لە ئەنجامی ئەو قوربانیدانە ئافرێنراوە، هەموو رۆژێک بە زیندوویی رادەگرین. ئێمە پا رۆحیانەتۊ کۊشیەیمۍ و ۋېڕاگری مکەرمۍ. کۊشیای جە کەشەکانە کە بە ڕۊحیانەتو هەڤاڵېۊ  ملۊ ڕاوە، ورە و جۆش و خرۆشێوە گۊرەما پنە مڎۊ. ئارۊیچ پېسە عەگیدی بە سەڎان هەڤاڵېما جە تونېلەکا جەنگینە جە مەتینا، ئاڤاشین و زاپ ۋۍ ڕاگری مکەرا. متاۋمۍ واچمۍ کە ئاڎۍ رۆحیانەتو کۊشیای هەڤاڵ عەگیدی مژیۋناوە. یۋەم گولـلۍکە جە تفەنگوو سەرمەشقوو هەڵمەتەو ١٥و ئابی فەرمانڎە عەگیدیۊ بەرەشیە، ئارۊ جە مەڕةکا جەنگینە جە سینەو دوژمنی مڎریۊ.

'بە رۆحو ١٥و ئابی ئێمە هجومە ئەرەگیریەکا پوچۍ کەرمېوە'

رۆزا تۆڵهەڵدانە باسش چانەیچ کەرڎ کە گەریلا بە کۊشیای ۋېش ٢ ساڵېن جە مەرةکا جەنگینە هجومە ئەرەگیریەکۍ دوژمنیش مرڎنېنۍ و پی جۊرە ۋەردەوامە بۍ: "هەڤاڵەکېما ٢ ساڵېن جە مەرەکا جەنگینە کۊشیای گۊرە کەرا، ڕاشا جە هجومەکا دوژمنی گرتەن و نمازا سەرو خاکەکەیماوە بنە وزا. چالاکی هەڤاڵاما جە ۋەران ۋەرو دوژمنینە جە مەڕەکا جەنگینە دوژمنی شکس پنە مارۊ.  هەڤاڵەکېما جە مەرەکا جەنگینە جوابی پەنەواز بە دوژمنی مڎاوە کە ماچۊ 'ئێمە گەریلا و پەکەکە و کورڎما دلېنە بەرڎېنۍ'. ئا مدرامانە ورەو هېزېوە گۊرە خوڵقنۊ. رۆحو مدرامانی خوڵقنۊ. ئێمە پېسە گەریلاکا یەژاستار ی کە جە هەرێمەکا پارېزنای مەدیای و بەرەکا جەنگینە بەشڎارېنمۍ، بە گیان و کۊشیایما حۊڵ مڎەیمۍ لایەق پا مدرامانەیە بیمۍ. ئێمە بە گیانو ١٥و ئابی دژ بە هەڵوێسو دوژمنی ۋەران ۋەر  بە گەلەکەیما مرڎمېوە و هجومە ئەرەگیریەکا پوچۍ کەرمېوە. وەعد مڎەیمۍ کە لایەق بە رۆحو ١٥و ئابی بیمۍ، ئێمە بە جەنگوو  مدرامانما جواب مڎەیمېوە".

هـ . ش