بۊنەو ١٣ەمین ساڵیاڎو شۆڕشو ١٩و تەممووزیۆ، ئیدارەو ۋێڕاوەبەری دیموکراتیکی هەرێمو سەرنیشت و ۋەرکۊتوو سوریای ئەرەیاۋنێوەش وەڵاکەرڎۆ و ئەرەیاۋناش: "بۊېنەو ئی ڕووە تاریخیە گۆرەیۆ، کە ١٣ەمین ساڵیاڎو دەسپنەکەردەی شۆڕشو ١٩و تەممووزیا، ئیدارەو ۋێڕاوەبەری دیموکراتیکی هەرێمو سەرنیشت و ۋەرکۊتوو سوریای مبارەکبایی گەرم ئاڕاسەو گەلەکەیما مکەرۆ.

ئی شۆڕشە جە ساتەوەختێوە تاریخینە دەسشپنەکەرڎ. ۋەروئانەی وڵات دلې سەردەمێوە زۆرداریی خراپینە بې. بە ئیرادەو گەلا سەرنیشت و ۋەرکۊتوو سوریای دەسشپنەکەرڎ و نیشانەکې پڕۆژێوە دیموکراتیکی، فرەلایەن و ناناوەندی سەرو بنەماو ئیراڎەو گەلی بەرکۊتې.

گرنگیی شۆڕشو ١٩و تەممووزی تەنیا بە ناوچەکەیۆ نەبینیانۆ، بەڵکم چانەیە زیاتەر بیەن بە نموونێوە سەرمەشق، کە متاوۆ پەی چارەسەرکەردەی تەمامو پشێوییەکا سوریای پێکبې. گەلەکەماو بە گرڎو پێکئامایەکاشۆ جە یۆگێرتەیی و یۆبیەینە سەرکۆت، قوربانیې گۊرێش بەخشې و سەری گرڎیۆ بە هەزاران گەشمەرڎۍ گیانو ۋێشا پەی پارېزنای خاکی و گەلەکەیشا فیداکەرد و شکۆو مرۆڤایەتیشا ۋەرا ۋەر بە تیرۆریزمی و زۆرداریی پارېزنا. ئیدارەو ۋېڕاوەبەری دیموکراتیک کە پېسە بەرهەمو ئی شۆڕشەیە بەرکۊت، یۆن جە دەسکەوتە ۋەرچەمەکا."

هەر جە ئەرەیاۋناکەینە ئیدارەو ۋێڕاوەبەری داواو پارېزنای دەسەکەوتەکا شۆڕشو ١٩و تەممووزیش کەردەن و ماچۆ: "ئێمە پېسە ئیدارەو ۋێڕاوەبەری دیموکراتیکی هەرێمو سەرنیشت و ۋەرکۊتوو سوریای دڵنیایی سەرو پابەڼی ۋێما بە دەسکەوتەکا شۆڕشو ١٩ـو تەممووزیوە تازەمکەرمېوە و پارېزنای ئی دەسکەوتا و وەڵېوستەی پرۆژەو دیموکراتیکی، بانگەواز پەی کۊششی هامبەشی مکەرمې، تاوەکو بەشداری جە ئەرەمەرزنای سوریایې تازەینە سەرو بنەماو لامەرکەزی و دیموکراسی بکەرمې."