ئیدارەو ۋێڕاوەبەری هامکاری مرۊیی مکیانۊ پەی سوەیدای
دەسەو ڕەنجدەری و هەرمان و کارە کۊمەڵایەتییەکا سەرنیشت و ۋەرکۊتوو سوریای ئەرەیاۋناش، دەمودەس هامکاریی مرۊیی مکیانۊ پەی سوەیدای، کە فرەو ئەرەنیشتەکاش دروزێنې.
دەسەو ڕەنجدەری و هەرمان و کارە کۊمەڵایەتییەکا جە ئەرەیاۋنێوەنە ئاماژەش پانەیە کەرڎ هامکاری مرۆیی مکیانۊ پەی خەڵکو سوەیدای.
جە ئەرەیاۋناکەنە ئامان: "ئەرەیاۋنمێش جەمې هامکاری مرۆیۍ دەمودەسیې پەی خەڵکەکەیما جە پارێزگاو سوەیداینە مکیانمې. خەڵکەکەما کە بەمەڵامەتو ئی ڕووەدایا دمایۊ و هرووژمەکا پەی سەرو ناوچەکاشا بە ئاژێوە مرۆیی فرە زەحمەتەرە گوزەر مکەرا و پا مەڵامەتۆ ئاژەو ژیۋای و خزمەتگوزارییەکا خراپتەرې بیێنې."
دەسەکە ئاماژەش پانەی کەرڎەن هامکارییەکێشا پەی خەڵکو سوەیدای بەردەوامې با و ئەرەیاۋناش: "جە هەمان کاتەنە داوا جە گرڎو لایەنە نەتەوەیی، خێرۆمەڼا و ڕێکوزیا مرۆییەکا مکەرمې هەوڵەکاشا یۆوزا و پاڵپەشتیەکاشا پەی خەڵکو سوەیدای زیاتەر بکەرا."
