سەرسەعب و ئارۊی جە ئیستەنبوڵ و کرکلارەلیەنە جە هۊرکوای سەروو یانانە ڕاوەبەرا کۊنگرەو دیموکراتیکی گەلان(هەدەکە)، پارتی دیموکراتیکی گەلان(هەدەپە)ی و فرەو ڕېکوستەی گلېرگەی مەڎەنی تەرۍ، لاو کەمیۊ ٢٠ کەسۍ گیریۍ.

وەزیروو دلېینەو تورکی عەلی یەرلیکایا ئەرەیاۋناش، کە هۊرشا کوان سەروو ٢٦ یاگا.

نامۍ بەشۍ جە گیریایەکا:

ئەنڎاموو ئەنجومەن و گرڎی هەدەکەی ئومید ئەزبار، ئەنڎاموو ئەنجومەن و هەدەپەی جەنگیز تۆپباشی، هامسەرۆکەو گرڎی جەمەو عەلەویە دیموکراتیکەکا (داد)ی قەدریە دۆغان-ە، هامسەرۆکوو جەمەو ئەوەکۊڵیای کوردی ئەیوب شوباسی، هامسەرۆکوو پەندیکی هەدەپەی ئۆیا ئایتەکین، ڕاوەبەروو هەدەپەی چەتین ئاسلان بۆگا و مەسعود فرات، ڕاوەبەروو هەدەپەی جە ئاتاشەهیر خەلیل ئاکسو. هامسەرۆکوو هەدەپەی باکرکۆی گۆنجا یانگۆز و محەمەد ئاکچیچەک، بوڵەند یڵدرم، زەینەل ئازادی، فکریە ساریگۆل-ە، بورجو دەمیر، فەتحیە کزماز، بەهیە دەمیرە، حسێن ئاڤراس، باران سومبول، ئۆکتای ئۆکشال و بەهیە دومانە.