فەرماندەیی قەرارگەی ناوەندیی یەژاستاری بە بۊنەو ٤٥ەمین ساڵیاڎوو ئەرەمەرزنای پەکەکەیۊ ئەرەیاوناێوەش وەڵا کەرڎۊ، کە ئینەنە:  

"٢٧و تشرینوو دووەموو ئێساڵی ٤٦ەمین ساڵیاڎوو ئەرەمەرزنای ی پارتەکەیمانە، هەرپاسە ٥١ەمین ساڵەو كۊشیای ڕابەریمانە. ئێمە چا سەنگەرانە، دلێشانە مدرامانما یاوان بەرزتەرین ئاست ٤٦ەمین ساڵیاڎوو ئەرەمەرزنای ی پارتیما، بە جۊشوخرۊشەوە  مەبارەک کەرمێ". ڕابەرما، کە ئێمەش یاونایمۍ ئی حاسە بە وەشەسیای و حەسرەتۊ سڵامش ونە کەرمۍ و ئی ڕووەیە ئەوەڵ جە رابەریما و گردوو هامڕایاما کە زیندانەکانە مدرامان کەرا، جە بنەیانەو گەشمەرڎا و گەلی وەڵاتپارێزنیما و ئانیشا کە دڵشا دان بە پەکەکەی مەبارەک کەرمۍ. جە حەقی قەراریوە تا ئاخین موش، ژیندار ڕوومەت مەیاسەر، ئاندۊک و عەگید کۊبانی، گردوو ئا هامڕایاما کە  ڕەنجێوە گەوەرەشا دان و سەروو خەتەی فیداییەو ئاپۊییوەبەشداریی کاروانو نەمرا گەشمەرڎا بیێنۍ بە ڕێز و منەتەوە یاڎێشا کەرمێوە و وەعد مدەیمۍ پەی یاڎکەرڎەیوەشا، مدرامانیما بە سەرکەوتەی تاجدار کەرمۍ.  

پەکەکە بییەن بە سەرمەشق پەی تەماموو دنیۍ و سەرچەمەو ئیسفادەکەرڎەی

پارتەکەما بییەن بایسوو واوەی ژیوای گەلێوە و نیم سەدەیچا جەنگێوی گەورە سەرەمڕ کەردن، ئیساتێچەنە ئی جەنگە  ئینا بەرزتەرین ئاستنە زاپ، کەشوو ئامێڎی، جودی، گەشمەرڎە پیرڎۊغان و چوارپارچەو کوردستانینە بەرڎەواما. سەرمەشقوو مدرامانی ڕۊڵە گیانفیداکاو گەلی و وەڵاتەکەیما ڕابەر ئاپۊن. ڕابەر ئاپۊ ڕۊی ئەوەڵوو ڕاپیمای ئازادییوە تا ئیساتۍ یەک جار سازشش سەروو ئەخلاقوو ئازادیی نەکەرڎەن. ئیهەڵوێستەشە ڕابەر ئاپۊش دلۍ  گەلەکەیمانە کەرڎەن بە کارەکتەر و دلۍ پەکەکەینە فاڕیان پەی سەرمەشقبییەی کە پەی تەماموو گەلاو دنیۍ بییەن بە سەرچەمەو ئیسفادەکەرڎەی. بەتایبەت ژەناو کوردی جە کەسایەتیی سارێنە حەر جە ئەوەڵۊ بەشدارۍ دلۍ تەڤگەروو پەکەکەی بێنۍ و ئینەیچە پاسەش کەرد، کە پەکەکە بۊ بە ببێتە پارتوو ژەنا. پەوکای ئا ژەنۍ کە بە دروشموو 'ژەنی، ژیوای، ئازادی' یاوۍ بە یۊی، بیۍ بە نموونەو هەرە ئاشکراو نیشانەدای ئی ڕاسییەو پەکەکەی. پەکەکە کە پارتوو ستەموەنەکریایان و ئا گەلا کە حیسابشا پەی مەکریۊ، پێسە ئانەی کە دلێنە بریێباو نەمەنێبا، ژەنی و گەنجۍ، دلۍ گردوو بەشەکاو گلێرگەینە هۊشیاریی پارێزنایشا خۊلقنا و ند و دەسنیشانش کەرد، کە کاریگەرتەری ئامرازوو ئازادیین. ئانۍ کە فرەفرە خاوەندارییشا چینەیە کەرد ژەنی بێنۍ. وەرنیشتۊ تا شەنگال هێزەکاو پاریزنای ژەنا بە سەرمەشقایەتیی یەپەژەی و یەبەشەی وێشا ڕێک وست.  یەژا ستار کە زیاتەر جە ٣٠ ساڵان کەشۊ پێسە کاریگەرتەرین هێزی پەی ئازادیی کۊشیۊ، قەرارڎارین بە کەرامەتوو ژەنا، کە دلۍ پەکەکەینە خۊلقنیان. ئا ژەنۍ کە درکشا پانەیە کەرڎەن، ئەگەر نەبا بە ساعیبۍ وێپارێزنای مەحکوومۍ با بە کۊیلایەتی و دلێنە مشا، ئا ژەنۍ دلۍ پەکەکەینە یاوێنۍ بە یۊی بیۍ بە پاژک، بیۍ بە یەژاستار و شکستی تارێخیی ژەناشا فاڕا پەی سەرکەوتەی. پەوکای پەکەکە پارتوو سەرکەوتەی ژەنان. پەکەکە مەیدانوو ژیوای بنەڕەتیین، کە ژەنی گەورەتەرین دەستکەوتوو وێشا چەنە خولقنان. ئا ژەنۍ کە دلۍ پەکەکەینە واوەی ژیوایشا وەش کەرد، بیۍ بە سەرمەشقۍ گلێرگێوە تازەی، یانۍ ژیوای تازەی. بیۍ بە ساعیبوو ئیرادەی پەی ئازادی و کۊشیای. پەکەکە پارتوو گەلەکەیما و ژەنا و تەماموو ئینسانیەتین. پەکەکە تاکە ئالترناتیفا کە ڕاسیی ژیوای ئازادی دلۍ کۊشیاینە ئاشکرا کەرڎەن.  

خۊلقێنەروو ئی گردوەڵێکەوتا ڕابەرمانە. ئامانجوو پیلانگێڵنیی میاننەتەوەیی  سەروو ڕابەریما ئانە بۍ، کە ڕاگێری کەرۊ چۍ وەڵیکەوتەیا. بریارڎاری سەروو گۊشەگیرکەرڎەی ڕابەریما وەروو ئانەینە کە گەرەکشانە پەیوەندیی ڕابەریما بەتەمامی چەنی تەڤگەرەکەیما، گەلی و ژەنا پڕچنا، گەرەکشانە ڕابەرما کە خۊلقنەروو وەڵیکوتەین ویروو گلێرگەیش بەراوە. وەلۍ ڕابەرماج ەکەسایەتیی وێشەنە ئا هەوڵێشە پوچەڵۍ کەرڎێوە. ڕابەرما بە مدرامانی "سات بە سات"و وێش بە جەنگاوەر و گرد کەسێوەش نیشانە دا، کە چەنی متاوا پیلانەکا ماڕا. پەوکای جەنگێوە بێئەخلاقانە وەراوەرو سیستمو مۊدێرنیتەی دیمۊکراتیکماوە کریۊ. کە کەسایەتیی گەریلاینە کریۊ. هەڵوێستوو ئێمە ئانەنە کە ئا هیزە جە ڕابەریما ورش گێرمۍ، تا ئاخر پەنەش مدرامان کەرمۍ. ڕاو لەیلۍ سۊرخوین، ئاخین موش، دەستان بۊتان، ئارڎەم ئارارات و بە دەیان هامڕا گەشمەرڎاما، هەڵوێسی مدرامانکەرانەو ڕابەریما بۍ، کە بی بە بنەماو جەنگوو ئێە دژوو ئەرەگیرا.

ئێمە داوا جە گرد لێوە کەرمۍ بەشدارۍ زەماوندەو ئازادیی با

ئێمە پێسە جەنگاوەراو ڕابەرایەتی و شۊنکەوتا گەشمەرڎەکاما، سەنگەرەکانە و چالاکییەکانە مدرامان کەرمۍ و پا یاواینەیە کە پەکەکە تەڤگەرێوە ڕەنج و هەقسانایۊن  پێسە سارۍ و ڕوکەن، ڕۊژهات و ئەرڎاڵەکا، ئێمە ڕوانە مدەیمۍ ونەو دڵوو ئەرەگیرا. دمایین ئۊپراسیۊنی شۊڕشگێڵنی کەشوو چیای ئامێڎیینە کە ئەنجامنە ٤٩ ئەرەگیرۍ سزا دریۍ، بەرش وست کە ئا جەنگاوەراو پەکەکەیە و ڕابەر ئاپۊی کە سەروو ڕاو گەشمەرڎاوە ڕا بڕا ئەرەگیری دلێنە بەرا.

هەر ڕوۍ کە ملۊ، کاریگەریی پەکەکەی وەڵا بۊوە و ناحەقیی پیلانگێڵنی وەراوەروو ڕابەر ئاپۊی ئاشکرا بۊ و یاومێنە، کە تاوانوو کۊکوشی دژوو گەلەکەیما کریان. بەشداری جە ٧٤ وەڵاتاو دنێوە پەی هەڵمەتەو 'ئازادیی ڕابەراتیما، چارەسەر پەی پەرسەو کورد' کە دەسش پەنە کەرڎەن و زیاڎبییەی هەوڵەکا پەی بەرئاورڎەی پەکەکەی  لیستوو تیرۊرینە پەیوەندی ڕاسییاوە هەن. هەرکەسێوە پەکەکەی مشناسۊ شەرعیەتو خەتۍ ئایدئۊلۊژی، سیاسی و سەروازی پەکەکەی وینۊ ملۊ ڕێزوو ئی کۊشیایوە. ئاستێوەن کە پەکەکە یاوانش پەنە و دەسکەوتێوە گەورەن پەی گەلەکەیما و گردوو ئینسانیەتی و دنیۍ. پی مانۍ پەکەکە دژوو نادادی، ناعەدالەتی و بندەسیین. پەکەکە جمیەروو هومێڎین پەی گردوو گەلا. پەکەکە نامۍ پاگیرتەیرەینە سەروو ئینسانیەتی. پەکەکە پێناسەو بییەی و شکۊمەندین جە  سەدەو ویس و یەکینە.  چی چوارچوەنە جارێوە تەر سڵام وەنەو ڕابەرایەتیما کەرمۍ، کە  ئامرازوو ژیوایۊمانە چەنی پەکەکەی، جارێوە تەریچ ئی ڕوەیە مەبارەک کەرمۍ. کۊشیایما تا ئاخر سەروو بنەماو خاوەنداری و پارێزنای ژیوای پەکەکەی بۊ، کە لاو ڕابەرایەتیماوە ئەرەمەرزیان.  

پێسە هێزەکاو یەژا ستاری ئەزموونێوە گەورە کە جەنگە دەسما کەوتەن و یاوێنمۍ یاگێوە کە گورزی کاریگەر وەنەو دوژمنی دەیمۍ. هێزوو ئێمە پیشەیی و جەنگکەر و فیدایین. پی هێزە دینامیکییەوە هیچ ئەرکێوە نییا، کە نەتاومۍ کەرمێش. هەرپاسە هێز و تواناو ویەرنای گردوو قۊناغەکاما هەن. پی مانۍ سەروو بنەماو پارێزنای دەسکەوتەکا و پەرەدایشا، خێرامای جە داواکاریی سەرکەوتەیەکا کەرمۍ. هەرمانەو پڕۊسەکا ڕۊشنەنە و ئێمەیچ ئامادێنمۍ. چی پڕۊسەنە کە بەرڎەوام گرد لاێوە ئینایمۍ مدرامانەنە، مزانمۍ گەلەکەما پاڵپشتوو مدرامانی شکۊمەندانەو ئێمە کەرۊ و پا قوەوە کە چۊشاوە ورگێرمۍ، بە ئیرادێوە بێئەمانۊ پەی ئامانجەکاما گنمۍ وەڵۍ. ئا  شۊڕشگێڵنۍ کە بە سەرکەوتەیشا خێرامایشا ونە کەرڎەن وەعد و ئیرادەو وێما پەی مدرامانی تا دمایی بەر وزمۍ، بەدڵنیاییوە سەرکەوتەی هینوو ئا فیداییانە، کە خەتەو ئاپۊینە وێگێریی کەرا."