ڕێکوزیاو ژەنە ئازاڎاو کوردستانی (ڕەژاک)، سەبارەت بە نۊیەمین ساڵیادوو جینۊسایدوو دژ بە گەلوو ئێزدی ئەرەیاوناێوەش وەڵا کەرڎۊ و دلێشنە دەوروو ژەنە ئێزدییاش بەرز ئرمانا، جە وێڕێکوستەی و سەرمەشقبییەینە پەی ئاواکەرڎەی وێڕاوبەریێوە دیموکراتیکی".

 پەوکای تووشوو کۊکوشی بیێنێوە

 جە ئەرەیاوناکەو ڕێکوزیای ژەنە ئازاڎاو کوردستانی(ڕەژاک)ینە، سەبارەت بە یادکەرڎەیۊ گەشمەرڎاو کۊکوشیی شەنگالینە ئامان: "ئارۊ ٣ ئابی کە ٩ ساڵۍ ملوو ٧٣مین ئەمرەو سەروو گەلوو ئێمەی باوەڕ ئێزیدیرە، جە ڕاو دڕەندەتەرین گرووپی تیرۊریستیی جیھانی داعشیرە، زلھێزاو جیھانی و بڕۍ جە ھێزە هەرێمییە نەتەوەپەرسا، کە گەرەکشانە دەسەڵاتوو وێشا وەرکەوتوو دلێڕاسەینە فراوان کەرا و پڕۊژەو پارچەکەرڎەی گەلا بیاونا یاگۍ، جە ڕاو سیاسەتوو وەرپاکەرڎەی جەنگی ئاینی و مەزهەبگەرایینە بەینوو گەلاو مەنتێقەکەینە و بەتایبەتی جەنگوو قڕکەرڎەی و نکۊڵیکەرڎەی و کۊکوشیکەرڎەی گەلوو کوردی ئینا وەڵینەو سیاسەتەکاشانە و بە تایبەتیتەریچ  وەراوەروو گەلی باوەڕ ئێزیدی، چونکوم جە دێرینتەرین گەلوو مەنتێقەکەین و سەروو خاکوو تاتەوبابایاشاوە ژیوا و تاوانشا شناسنامە و کولتوور و ئایینوو وێشا پارێزنا و پەوکای تووشوو کۊکوشی بیێنێوە و باوە ".

' پێشمەرگە گەلوو شەنگالیش جیا ئاست'

هەرپاسە جە ئەرەیاوناکەینە ئامان: "دماو ئانەیە کە تیرۊریستاو داعشی هجووم کەرا سەروو شاروو موسڵی و دەوروبەریش و گێراش و ڕووە کەرا شەنگالی، سەرەڕاو بییەی ھێزێوە گەورەو پێشمەرگەی وەلۍ گەلوو شەنگالی جیا مازا و داعش جە شەنگالنە و دەوروبەرشنە کۊکوشی کەرا زیاتەر جە ٧٠٠٠ ژەنی و کناچۍ کەبەرا کەنیزۍ کرد و بازاڕەکاو سوریای و عێراقی و تورکیاینە ورەتەی و سانایشا پۊوە کەرا و دماو ئازاڎکەرڎەیی شەنگالی لاو جەنگەواناو یەژەشەی و یەبەشەیۊ ئازاڎۍ کریۍ و زیاتەر جە ١٥٠٠ ژەنا گێڵێوە پەی دلۍ خێزانەکاشا".

 'بە سەرمەشقایەتیی ژەنا سیستموو وێڕاوەبەری ئەرەمەرزیا'

جە ئەرەیاوناکەو ژەنە ئازاڎاو کوردستانینە باس وزیان سەروو سەرمەشقبییەی ژەناو ئێزدی جە وێڕێکوستەی و وەشکەرڎەی سیستموو وێڕاوبەرینە و بەیاننامەکەنە ئامان: "دماو ئازاڎکەرڎەی شەنگالی گەل تاواش بە ڕێکوستەێوە تۊکمە سیستموو وێڕاوبەری بارا ئاراوە و بەسەرمەشقایەتیی ژەنۍ و با بە نموونەو مدرامانی و وێگێری و ڕێکوستەی کە جە وێپارێزنای جەوھەرینە نموونەی فرە وەرچەموو مەنتێقەکەین، کە تاوانشا با بە نموونەو ژەنۍ ئازاڎۍ، کە گردوو دنیۍ شانازییشا پۊوە کەرۊ".

 ' کۊکوشییەکانە ژەنی زیادتەر با بە قوربانیێ'

ڕێکوزیاو ژەنە ئازاڎاو کوردستانی ئاماژە بە دۊخوو ژەناو مەنتێقەکەی کەرا و ماچا، "ئا کۊکوشیۍ کە وەراوەر بە خەڵکوو مەنتێقەکەی کریا زیاتەر ڕووبەڕووۍ ژەنا باوە، پێسە ئانەی کە دژوو ژەناو ئەفغانستانی کریۊ جە گرد نۊعە قەدەغەکەرڎەێوە و کوشتەی ژەنا چێروو بڕۍ بەهانە ئاینییا، تندڕەوییا، دیکتاتۊریەت و زھنیەتوو پیاسالاری".

 'پرۊژەو نەتەوەی دیموکراتیکی گەورەتەرین جوابا پەی دوژمنا'

هجوومەکاو سەروو شەنگالی ئارۊ بە ھەمان عەقڵیەت لاو دەوڵەتوو تورکی فاشیستیوە بەرڎەوامێنۍ و وێگێری و مدرامانوو گەلەکەیمان و گردوو پێکئامایەکا بەرجەسەکەرڎەی پڕۊژەو نەتەوەی دیموکراتیکی گەورەتەرین جوابا پەی دوژمنا".

 'پەی ئازاڎیی ژەنۍ و گلێرگەی قەراروو بەرزکەرڎەی کۊشیای مدەیمێ'

 ئاخرۊ ژەنە ئازاڎاو کوردستانی (ڕەژاک) ئەرەیاوناش: "ئێمەیچ پێسە ڕێکوزیاو ژەنە ئازاڎاو کوردستانی جارێوە تەر گەشمەرڎاو ٣ ئابی و گردوو گەشمەرڎاو ڕاو ئازاڎیی یاد کەرمێوە و قەراروو بەرزکەرڎەی کۊشیای پەی ئازاڎیی ژەنا و گلێرگەی و گەلەکەیما مدەیمۍ.".  

س.ز