دەسوەڵێوزوو ژەنە هەقسانا ئەرەیاوناشا، کە ڕۊو ٥وو تشرینوو دووەمی دژوو لایەنگێرە فاشیستە ڕەگەزپەرستاو دەوڵەتی ئەرەگیروو تورکی چالاکییەکاشا هەستەرۍ کەرڎێنێوە.  

بە پاو ئەرەیاونایەکەی، مەنتێقەو جەیهانوو ئەدەنەینە سەیارێوە فاشیستا بە دەسوو یەکینەکاشا سۊچیان.

ئەرەیاونیان جە مەنتێقەو تەرسوسوو شاروو مێرسینینە، چالاکیێوە دژوو پۊلیسی تایبەت، کە دلۍ سەیارێوە زرەپۊشی عەقرەبینە بیێنۍ بە کۊکتێل مۊلۊتۊڤ و تەقەمەنی، چەکی فەردی چالاکییشا سەر کریان، ئەنجامنە ٢ پۊلیسۍ فاشیستۍ بە سەختی بریندارۍ بیێنێ.

بە پاو ئەرەیاونایەکەی، شاروو حادمکۊو شاروو ئیستەنبوڵینە دەکەیێوە سۊچییان و دژوو ئا پۊلیسا ئامێبێنی یاگۍ ڕووەدایەکە بە بۊمبی دەنگی جوابشا دراوە.

لە دەسوەڵیوستەکەینە ئاشکرا کریان، کە سەیارێوە فاشیستا جە کاگیتانەو ئەستەنبوڵینە، مەنتێقەو جەیهانوو ئەدەنەینە و سەیارێوە فاشیستا ئاکەپە-مەهەپەی ئارناڤوتکۊی ئەستەنبوڵینە سۊچیێنێ.  

هەرپاسە ئەرەیاونییا، کە جەمەنتێقەو کاراپناروو سەر بە شاروو قۊنیاینە ٣ سەیارۍ و هەرمانگێوە فاشیستەکا سوچیێنی، شارۊچکەو ئەرەگلی تەکیرڎاغینە ٣ بەلەمۍ فاشیستاو ئاکەپەی سۊچیێنێ.

 باس  چانەیچە کریان کە شارۊچکەو دیلۊڤاسی کۊجاعەلیینە بارورگیرێوە ڕەگەزپەرستا و سەیارێوەشا ئاویرشا وەر دریاننە.  

بە پاو ئەرەیاونییاکەی، ڕۊو 10و تشرینوو دووەمی هەرمانگێوە ئاکەپەی شاروو ئەرزرۊمینە و سەیارێوە گەڕەکەو ئاکچابورگازینە ئیستەنبوڵنە ئاویرشا وەر دریاننە.